TV9 GUJARATI | Edited By: Mamta Gadhvi
Mar 23, 2023 | 1:32 PM
રાજકોટ રાસલીલા ફેમિલી ક્લબ દ્વારા સિંધી સમાજના ઈષ્ટદેવ ઝુલેલાલ સાંઈ જન્મોત્સવના પર્વની ઉજવણીના ભાગરૂપે ઉત્સાહભેર મહિલા બાઈક રેલી યોજાઈ.
આ મહિલા રેલી માં 500થી વધુ બાઇક અને 1000થી વધુ મહિલા એક સરખા ડ્રેસ કોડ માં જોવા મળી હતી.
શહેરના રેસકોર્સના બલભવન ચોકથી આ રેલી શરૂ થઈ અને રાજકોટના વિવિધ માર્ગો પર ફરી અને જક્શનમાં ઝૂલેલાલ મંદિર પરત ફરી હતી.
આપને જણાવી દઈએ કે, સિંધી સમાજના રાસલીલા ફેમિલી ક્લબ દ્વારા આ મહિલા બાઈક રેલી યોજવામાં આવી હતી.
રેલીમાં ભાગ લેનારી મહિલાઓએ જણાવ્યું હતું કે, બધા લોકો એકબીજાને ઓળખાતા થાય ,પરિવાર ભાવના રહે ,એકતા અખંડ રહે તે માટે આ બાઈક રેલી દર વર્ષે યોજવામાં આવે છે.