Lahore 1947માં હવે આમિર ખાન સાથે ધૂમ મચાવશે સની દેઓલ, ભારત-પાકિસ્તાન પર હશે સ્ટોરી
આમિર ખાન (Aamir Khan) અને સની દેઓલની (Sunny Deol) ફિલ્મની જાહેરાત કરવામાં આવી છે. બંને ફિલ્મ લાહોર 1947માં સાથે કામ કરશે. ઘણા સમયથી આ ફિલ્મની ચર્ચા ચાલી રહી હતી, જેની હવે ઓફિશિયલ જાહેરાત કરવામાં આવી છે. રાજકુમાર સંતોષી આ ફિલ્મને ડાયરેક્ટ કરવા જઈ રહ્યા છે. તમને જણાવી દઈએ કે ઘણા સમયથી એવી અટકળો ચાલી રહી હતી કે આ ફિલ્મમાં સની દેઓલ સાથે આમિર ખાન સ્ક્રીન શેર કરશે. પરંતુ હજુ સુધી આના વિશે કંઈ કહેવામાં આવ્યું નથી.
છેલ્લા કેટલાક સમયથી એવી ચર્ચા ચાલી રહી હતી કે બોલિવુડ એક્ટર આમિર ખાન (Aamir Khan) અને સની દેઓલ (Sunny Deol) એક ફિલ્મમાં સાથે કામ કરશે. એવું કહેવામાં આવી રહ્યું હતું કે આ ફિલ્મને ફેમસ ડાયરેક્ટર રાજકુમાર સંતોષી ડાયરેક્ટ કરવાના છે. હવે આખરે આ ફિલ્મની ઓફિશિયલ એનાઉન્સમેન્ટ થઈ ગયું છે. ‘આમીર ખાન પ્રોડક્શન’ દ્વારા સોશિયલ મીડિયા પર એક પોસ્ટ શેર કરીને આ ફિલ્મની જાહેરાત કરવામાં આવી છે. ફિલ્મનું ટાઈટલ ‘લાહોર 1947’ રાખવામાં આવ્યું છે.
પ્રોડક્શન દ્વારા શેર કરવામાં આવેલી પોસ્ટમાં લખ્યું હતું કે “હું અને આમિર ખાન પ્રોડક્શનની આખી ટીમ સની દેઓલ સાથેની અપકમિંગ ફિલ્મની જાહેરાત કરવા માટે ઉત્સાહિત અને ખુશ છીએ, જેના ડાયરેક્શન રાજકુમાર સંતોષી છે અને ફિલ્મનું ટાઈટલ લાહોર 1947 છે. વધુમાં કહેવામાં આવ્યું હતું કે, “ટેલેન્ટેડ એક્ટર સની દેઓલ અને મારા ફેવરેટ ડાયરેક્ટર રાજકુમાર સંતોષી સાથે કોલોબ્રેટ કરવાનો આનંદ છે.”
તમને જણાવી દઈએ કે ઘણા સમયથી એવી અટકળો ચાલી રહી હતી કે આ ફિલ્મમાં સની દેઓલ સાથે આમિર ખાન સ્ક્રીન શેર કરશે. પરંતુ હજુ સુધી આના વિશે કંઈ કહેવામાં આવ્યું નથી. જે પોસ્ટ સામે આવી છે તેના પરથી એવું લાગે છે કે આમિર જ આ ફિલ્મને પ્રોડ્યુસ કરી રહ્યો છે.
View this post on Instagram
(PC: aamirkhanproductions instagram)
શું હોઈ શકે લાહોર 1947ની સ્ટોરી?
હવે આ ફિલ્મની સ્ટોરી શું હશે, તેના વિશે પ્રોડક્શન હાઉસ દ્વારા હજુ સુધી કંઈ કહેવામાં આવ્યું નથી. પરંતુ ફિલ્મના ટાઈટલ પરથી લાગે છે કે ફિલ્મની વાર્તા ક્યાંકને ક્યાંક ભારત અને પાકિસ્તાન સાથે જોડાયેલી હશે.
જો આપણે બંને એક્ટરની અગાઉ રિલીઝ થયેલી ફિલ્મો વિશે વાત કરીએ તો, આમિર છેલ્લે વર્ષ 2022 માં રિલીઝ થયેલી ફિલ્મ લાલ સિંહ ચઢ્ઢામાં જોવા મળ્યો હતો. તેની આ ફિલ્મ બોક્સ ઓફિસ પર સફળ રહી ન હતી. સની દેઓલ હાલમાં જ ગદર 2માં જોવા મળ્યો હતો. આ ફિલ્મે 524 કરોડ રૂપિયાથી વધુની કમાણી કરીને ધૂમ મચાવી છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
