Share Market : માત્ર એક અઠવાડિયામાં મળ્યું 33 ટકાથી વધુ રિટર્ન, જાણો રોકાણકારોએ ક્યાં કરી કમાણી

કમિન્સ ઈન્ડિયા ઓટો સેક્ટરમાં મોખરે હતું. એક સપ્તાહમાં કંપનીના શેરમાં 5.35 ટકાનો વધારો થયો છે. બેન્કિંગ સેક્ટરમાં ઇન્ડસઇન્ડ બેન્કની સાથે એક્સિસ બેન્કે પણ લોકોને મુખ્ય સૂચકાંક કરતાં વધુ વળતર આપ્યું છે.

Share Market : માત્ર એક અઠવાડિયામાં મળ્યું 33 ટકાથી વધુ રિટર્ન, જાણો રોકાણકારોએ ક્યાં કરી કમાણી
Symbolic Image

શુક્રવારના રોજ સમાપ્ત થયેલું શેરબજાર(Share Market)નું સપ્તાહ લાભદાયક રહ્યું છે. આ દરમિયાન મુખ્ય સૂચકાંક એક ટકાથી વધુ વધ્યો છે. જો કે જો આપણે શેરોના જુદા જુદા પ્રદર્શન પર નજર કરીએ તો આ સપ્તાહે રોકાણકારોને 33 ટકા સુધીનું વળતર મળ્યું છે. માર્કેટમાં અન્ય ઘણી નાની કંપનીઓના શેરમાં આના કરતા વધુ વળતર મળ્યું છે. જો કે, નાની કંપનીઓમાં ઘણી અસ્થિરતાને ધ્યાનમાં રાખીને અમે અહીં ફક્ત BSE 500 કંપનીઓની કામગીરી આપી રહ્યા છીએ. બજારના વિવિધ સેગમેન્ટમાં રોકાણકારોએ ક્યાં કમાણી કરી તે જાણો

શેરબજારમાં કમાણી સાથે જોડાયેલી ખાસ બાબતો

  • BSE 500માં સમાવિષ્ટ 11 શેરોમાં 10 ટકાથી વધુનો વધારો જોવા મળ્યો છે.
  • સૌથી વધુ વૃદ્ધિ વોડાફોન આઈડિયામાં નોંધાઈ છે. એક સપ્તાહમાં સ્ટોક 33 ટકા વધ્યો છે.
  • એક સપ્તાહમાં ગુજરાત ફ્લોકેમિકલ્સ 21 ટકા અને IFCI 14 ટકા વધ્યા છે
  • BSE 500 માં લગભગ 100 સ્ટોક્સ એવા છે જેનું સપ્તાહનું રિટર્ન 4 ટકાથી વધુ હતું.
  • BSE પર લિસ્ટેડ કંપનીઓની તમામ શ્રેણીઓમાં શ્રીજી ટ્રાન્સ લોજિસ્ટિક્સ ટોપ ગેઈનર રહી છે જેણે માત્ર એક સપ્તાહમાં 91 ટકા વૃદ્ધિ નોંધાવી છે.

લાર્જકેપ કંપનીઓનું કેવું રહ્યું પ્રદર્શન? સેન્સેક્સમાં સમાવિષ્ટ 18 કંપનીઓ સપ્તાહ દરમિયાન ઉછાળા સાથે બંધ થઈ છે. તેમાંથી HCL ટેક, TCS અને IndusInd બેન્કે સપ્તાહ દરમિયાન 5 ટકાથી વધુનો વધારો નોંધાવ્યો હતો. એટલે કે, આ શેરોમાં રોકાણકારોને માત્ર એક સપ્તાહ દરમિયાન જાહેર ક્ષેત્રની બેંકોના એક વર્ષના એફડી દર કરતાં વધુ વળતર મળ્યું છે. આ સાથે બજાજ હોલ્ડિંગ્સે BSE 100માં સૌથી વધુ 7.48 ટકા વળતર આપ્યું છે.

સેક્ટરનું પ્રદર્શન કેવું રહ્યું? કમિન્સ ઈન્ડિયા ઓટો સેક્ટરમાં મોખરે હતું. એક સપ્તાહમાં કંપનીના શેરમાં 5.35 ટકાનો વધારો થયો છે. બેન્કિંગ સેક્ટરમાં ઇન્ડસઇન્ડ બેન્કની સાથે એક્સિસ બેન્કે પણ લોકોને મુખ્ય સૂચકાંક કરતાં વધુ વળતર આપ્યું છે. IT સેક્ટરમાં રોકાણકારોએ આ અઠવાડિયે ઘણી કમાણી કરી છે, આ ક્ષેત્રની સ્મોલકેપ કંપની HCL ઇન્ફોસિસ્ટમ્સ 33 ટકાથી વધુ વૃદ્ધિ પામી છે જ્યારે રામકો સિસ્ટમ્સે 20 ટકાથી વધુનો વધારો નોંધાવ્યો છે. મેટલ સેક્ટરમાં NMDC એક સપ્તાહ દરમિયાન 7.5 ટકા વધ્યો છે.

આ પણ વાંચો :  Share Market : ચાલુ સપ્તાહે આ શેર્સ ઉપર રાખજો નજર, કારોબારમાં ઉચિત સમયે લીધેલો નિર્ણય માલામાલ બનાવી શકે છે

આ પણ વાંચો : Petrol-Diesel Price Today : તમારા શહેરમાં 1 લીટર પેટ્રોલ – ડીઝલ ની કિંમત શું છે ? જાણો અહેવાલ દ્વારા

  • Follow us on Facebook

Click on your DTH Provider to Add TV9 Gujarati