ધનતેરસ પર ક્યારે ખરીદવું ‘સોનું’ અને ક્યારે કરવી ‘લક્ષ્મી પૂજા’? જાણો શુભ મુહૂર્ત અને ચોઘડિયાની સંપૂર્ણ વિગત

ધનતેરસ 2026ના પવિત્ર દિવસે 6 નવેમ્બરે સોનું ખરીદવા અને લક્ષ્મી પૂજા કરવા માટેનો શુભ સમય જાણવો ખૂબ જ જરૂરી છે. શાસ્ત્રો અનુસાર, સાચા મુહૂર્તમાં કરેલી ખરીદી અને પૂજાથી ઘરમાં તેર ગણી સુખ-સમૃદ્ધિ આવે છે.

Ravi Prajapati | Updated on: Nov 03, 2026 | 1:52 PM

ધનતેરસનો તહેવાર દર વર્ષે કારતક મહિનાના કૃષ્ણ પક્ષની ત્રયોદશી તિથિના દિવસે ઉજવવામાં આવે છે. આ દિવસે માતા લક્ષ્મી, કુબેર દેવ અને ભગવાન ધન્વંતરિની પૂજા કરવામાં આવે છે. ધન્વંતરિને આયુર્વેદના દેવતા અને દેવતાઓના વૈદ્ય માનવામાં આવે છે.

ધાર્મિક માન્યતાઓ અનુસાર, આ જ દિવસે સમુદ્ર મંથનમાંથી ભગવાન ધન્વંતરિ પ્રગટ થયા હતા. તેથી, ધનતેરસને ધન્વંતરિ ત્રયોદશી અથવા ધન્વંતરિ જયંતિ પણ કહેવામાં આવે છે.

ધનતેરસના દિવસે સોનું-ચાંદી ખરીદવું અત્યંત શુભ માનવામાં આવે છે. માન્યતા છે કે, આ દિવસે નવી વસ્તુઓ ખરીદવાથી તેમાં 13 ગણા ફળની વૃદ્ધિ થાય છે. આ વર્ષે 6 નવેમ્બર 2026ના રોજ ધનતેરસનો તહેવાર ઉજવવામાં આવશે.

ધનતેરસ પૂજા શુભ મુહૂર્ત 2026

પંચાંગ અનુસાર, કારતક મહિનાના કૃષ્ણ પક્ષની ત્રયોદશી તિથિની શરૂઆત 6 નવેમ્બરે સવારે 10 વાગ્યાને 30 મિનિટે થશે. ત્રયોદશી તિથિનું સમાપન 7 નવેમ્બરે સવારે 10 વાગ્યાને 47 મિનિટે થશે.

પ્રદોષ કાળ મુહૂર્ત સાંજે 5 વાગ્યાને 33 મિનિટથી રાત્રે 8 વાગ્યાને 9 મિનિટ સુધી રહેશે. બીજું કે, ધનતેરસ પૂજા માટે શુભ મુહૂર્ત સાંજે 6 વાગ્યાને 2 મિનિટથી સાંજે 7 વાગ્યાને 57 મિનિટ સુધી રહેશે.

ધનતેરસના દિવસે ‘સોનું’ ખરીદવાનું શુભ મુહૂર્ત 2026

6 નવેમ્બર 2026ના રોજ એટલે કે ધનતેરસના દિવસે સોનું ખરીદવા માટે સૌથી ઉત્તમ મુહૂર્ત સવારે 10 વાગ્યાને 30 મિનિટથી 7 નવેમ્બરે સવારે 6 વાગ્યાને 37 મિનિટ સુધી રહેશે.