ખોરાક, પાણી, ટોર્ચ તૈયાર રાખો, દુનિયાના 6 થી વધુ દેશોએ તેમના નાગરિકોને કટોકટીની સ્થિતિને પહોંચી વળવા માટે કર્યા સજ્જ- જાણો કેમ?

દુનિયાના અનેક દેશોમાં છેલ્લ કેટલાક દિવસોમાં તેમના નાગરિકોન એલર્ટ રહેવા અને જીવનજરૂરી તેમજ કટોકટીના સમયે ઉપયોગી થાય તેવી વસ્તુઓ તૈયાર રાખવા સૂચિત કરાયા છે. જેમા બ્રિટનથી લઈને અમેરિકા સુધી લોકોની જિંદગી પર અસર પડી રહી છે. બ્રિટનમાં શહેરોમાં ખાવાપીવાની ચીજોના સ્ટોર પર લાંબી લાઈનો જોવા મળી રહી છે. આ પ્રકારની ચેતવણી પાછળ બહુ સ્પષ્ટ કારણ જણાવવામાં આવી રહ્યા છે. બ્રિટનમાં AI ના સાયબર એટેકને લઈને ચિંતા ઘેરી બની છે. તો જાપાનમાં ભૂકંપની અગમચેતી ચાલી રહી છે. આ તરફ અમેરિકા કોઈ મોટા સંઘર્ષની સ્થિતિની તૈયારીની વાતો કરી રહ્યુ છે. આ ઉપરાંત નોર્વે અને જર્મનીમાં પણ વોર્નિંગ જારી કરવામાં આવી છે. કૂલ 6 દેશોમાં ઈમરજન્સી સિચ્યુએશશન માટે તૈયાર રહેવા એડવાઈઝરી જારી કરી દેવાઈ છે.

ફ્રાંસના નોરમેંડી વિસ્તારની સરકારે એક સોશિયલ મીડિયા એકાઉન્ટ પર મંગળવારે કહ્યુ, “ઈમરજન્સીની રાહ ન જુઓ, અત્યારથી તૈયારીમાં રહો.” જ્યારે યુકેના PM એ બીબીસી રેડિયો પર એક ઈન્ટરવ્યુ દરિમિયાન કહ્યુ, “મને બીન્સ એટલે કઠોલ પસંદ છે, એટલે મે મારી અલમારીમાં ઘણા બીન્સ અને સૂપ તૈયાર રાખેલા છે. મને લાગે છે કે લોકોએ પણ આવી કોઈપણ વસ્તુઓ પોતાની પાસે તૈયાર રાખવી જોઈએ.”

જાપાન મેક્સિકો અને નેધરલેન્ડે પણ 72 કલાક માટે ઈમરજન્સી કિટ તૈયાર રાખવાની એડવાઈઝરી આપી દીધી છે. અન્ય કેટલાક દેશો, જેમા સ્વીડન અને નોર્વે એ એક સપ્તાહ માટે અને જર્મનીએ 10 દિવસ સુધી ચાલે એટલુ રાશશન અને સામાન સ્ટોર કરવા જણાવ્યુ છે.

જાપાન અને બ્રિટેને તેમના નાગરિકોને કહ્યુ કે ઈમરજન્સીની સ્થિતિ માટે તૈયાર રહો, પોતાના ઘરોમાં 3 થી 4 દિવસનો જરૂરી સામાન જમા કરીને રાખો. જેમા ભોજન, પાણી, જરૂરી દવાઓ, ટોયલેટ પેપર, પાવર બેંક, બેટરી, ટોર્ચ, થોડા રોકડ નાણાં સામેલ છે. જાપાન તેના નાગરિકોને તથી 5 દિવસ માટે ભોજન, પાણી અને અન્ય ચીજો તૈયાર રાખવા કહ્યુ છે. આ સલાહ એવા સમયે આપવામાં આવી છે જ્યારે બંને દેશોની સરકારો લોકોને અચાનક આવનારી કટોકટીની સ્થિતિમાં જેમ કે કુદરતી આપદા, સાયબર હુમલા જેવા મોટા પાયે થતી વિનાશકારી ઘટનાઓ માટે વધુ સારી રીતે સજ્જ રહે તે સુનિશ્ચિત કરવા માટે તૈયારી કરી રહી છે.

જાપાન

જાપાનમાં 2જી નવેમ્બરના રોજ એક નવી આપત્તિ વ્યવસ્થાપન એજન્સી શરૂ થવા જઈ રહી છે. જાપાનના આપત્તિ વ્યવસ્થાપન મંત્રી ગોશી હોસોનોએ જણાવ્યું હતું કે, આ એજન્સીની સ્થાપના થતાં જ સરકાર વિવિધ મંત્રાલયો, પ્રાંતો (પ્રેફેક્ચર્સ) અને નાગરિકોને એક તાકીદની અપીલ કરશે: “કૃપા કરીને ખાતરી કરો કે તમારી પાસે ખોરાક, સ્વચ્છતા (શૌચાલય) સુવિધાઓ, પાણી અને અન્ય આવશ્યક વસ્તુઓનો ઓછામાં ઓછા એક અઠવાડિયા સુધી ચાલે તેટલો જથ્થો ઉપલબ્ધ હોય. પછી ભલે બહારથી આપના સુધી કોઈ મદદ ન પહોંચે.

જાપાન રાષ્ટ્રીય સ્તરની આપત્તિઓ માટે તૈયારી કરી રહ્યુ છે. જેમા નાનકાઈ ટ્રફમાં આવનારો ભૂકંપ, રાજધાનીથી બહબર નીચે આવનારો એક મોટો ભૂકંપ, કુરિલ અને જાપાન ટ્રેંચની પાસે આવનારો એક મોટો ભૂકંપ અને માઉન્ટ ફૂઝીમાં જ્વાળામુખી ફાટવા જેવી ઘટનાઓ સામેલ છે. આપત્તિ વ્યવસ્થાપન મંત્ર હોસોનોએ કહ્યુ કે આપદા નિવારણ એજન્સી રાષ્ટ્રીય સ્તરની આવી આપત્તિઓ પર ધ્યાન કેન્દ્રિત કરશે કારણ કે તેના માટે અલગ સ્તરની તૈયારી જરૂરી છે.

બ્રિટન

બ્રિટનમાં ‘Be Ready’ અભિયાન ચલાવવામાં આવી રહ્યુ છે. જે અંતર્ગત પરિવારોને કહેવાયુ છે કે તેઓ ત્રણ દિવસ સુધી પાણી, પેકિંગ ફુડ્સ, કેટલીક રોકડ, ટોર્ચ અને એક રેડિયો તમારી પાસે રાખો, PHP સોફ્ટવેરમાં આવેલી એક મોટી ખરાબીને કારણે કેટલીક સેવાઓ બાધિત થઈ ગઈ છે. અને લાખોવાર હેકિંગના પ્રયાસો થયા છે.

ત્યારબાદ બ્રિટને આ સંદેશનું પુનરાવર્તન કર્યુ છે. સરકારે જંગલની આગ (વાઇલ્ડફાયર), પ્રતિકૂળ હવામાન, સાયબર હુમલા, દુશ્મન દેશો અને સંગઠિત ગુનાખોરીને લગતા જોખમો પર પણ ભાર મૂક્યો છે. યુકેની આ સલાહ યુરોપિયન કમિશન દ્વારા આપવામાં આવેલા માર્ગદર્શન સાથે સુસંગત છે. તેનો ઉદ્દેશ્ય એ સુનિશ્ચિત કરવાનો છે કે, જો કટોકટી સેવાઓ કે સરકારી સહાય ઉપલબ્ધ ન હોય, તો પણ પરિવારો ઓછામાં ઓછા થોડા દિવસો સુધી પોતાની સંભાળ જાતે રાખવા માટે સક્ષમ હોય.

અમેરિકા

અમેરિકી સંરક્ષણ વિભાગ (પેન્ટાગોન) ઈચ્છે છે કે અમેરિકી ભૂમિ પર આવેલા તેના સૈન્ય મથકો કોઈપણ બાહ્ય પુરવઠા વિના ઓછામાં ઓછા 90 દિવસ સુધી કાર્યરત રહી શકે, જેનો અર્થ એ છે કે તેમની પાસે પોતાની વીજળી, પાણી, ઈંધણ અને સંદેશાવ્યવહાર પ્રણાલીઓ હોવી આવશ્યક છે. આ પહેલને ‘ફોર્ટ્રેસ’ (FORTRESS) નામ આપવામાં આવ્યું છે. એક પ્રવક્તાએ જણાવ્યું હતું કે, આધુનિક યુદ્ધમાં વીજળી એ જ સૌથી મોટી તાકાત છે.

જર્મની

જર્મનીમાં દરેક 18 વર્ષના યુવકને મિલિટ્રી સર્વિસ સંબંધિત એક પ્રશ્નાવલી મોકલવામાં આવી રહી છે. જો કોઈ તેને નજરઅંદાજ કરે છે તો તેના પર 250 યુરોનો દંડ લાગી શકે છે. દંડ લગાવવાની શરૂઆત પણ થઈ ચુકી છે. તેને એક ઈમરજન્સી તૈયારી તરીકે જોવામાં આવી રહી છે.

5 countries. 6 warnings. 1 week..

Japan — on November 2, the day its new Disaster Management Agency opens, the government asks ALL citizens to store food, water and toilet supplies for at least 3 days.. a full week if they can.. the reason is big earthquakes..

UK — the new “Be Ready” campaign tells families to keep 3 days of water, canned food, cash and a radio.. the radios are now SOLD OUT..

US — the Pentagon wants its bases on US soil to run at least 90 days with no outside supply.. their own power, water, fuel and comms.. the plan is called FORTRESS.. its spokesman says “Power is combat now”..

UK again — the head of the British Army, General Sir Roly Walker, stood in front of his soldiers at Catterick and told them “our nation is going to need you”..

Germany — every 18-year-old man gets a military service questionnaire.. skip it and the fine is up to €250.. the first fines have started..

Norway — a government press release, titled in plain words.. “3 things you must do to prepare for crisis and war”.. and this is its Self-Preparedness Week..

and here’s the part that should worry you..

one by one, each of these looks like normal news.. put them in one list and it feels very different..

all of it while the US and Iran are still on edge..

and the one that asks a whole country to stock up hasn’t even started yet..

Follow me.. on November 2, open it again and see if the list got longer..

— Taegun Lee (@TGLetter) October 27, 2026

નોર્વે

અહીં સરકારે “સંકટ અને યુદ્ધ માટે તૈયાર રહેવા માટે આપે આ ત્રણ કામ કરવા પડશે” એવુ નિવેદન જારી કર્યુ છે. સાથે જ સેલ્ફ પ્રિપેર્ડનેસ (સ્વતૈયારી) અભિયાન ચલાવવામાં આવી રહ્યુ છે. સરકારે કહ્યુ છે કે તમામ નાગરિકોને મુશ્કેલ સ્થિતિ માટે તૈયાર રહેવાની જરૂર છે. તમારા ખોરાક પાણી અને જરૂરી સામાન તૈયાર રાખો જો કે કેટલાક દેશોમાં એડવાઈઝરીમાં ટાઈમલાઈન નક્કી નથી. ઉદાહરણ તરીકે ભારતમાં નેશનલ ડિઝાસ્ટર મેનેજમેન્ટ ઓથોરિટી છે, જે લોકોને ઈમરજન્સી સમયે એક કિટ તૈયાર રાખવાની સલાહ આપે છે. પરંતુ કેટલા દિવસો સુધી, તેના માટેની કોઈ ડેડલાઈન સ્પષ્ટ નથી. કેટલાક કિસ્સામાં આ સલાહ સામાન્ય કટોકટીની સ્થિતિ માટે હોય છે, જ્યારે અન્ય મામલામાં આ કોઈ ચોક્કસ જોખમ સાથે જોડાયેલી હોય છે.

અમેરિકામાં, ડિપાર્ટમેન્ટ ઓફ હોમલેન્ડ સિક્યુરિટીની વેબસાઇટ ‘Ready.gov’ પર અપાયેલી એક એડવાઈઝરીમાં જણાવવામાં આવ્યું છે કે ‘તૈયાર રહેવા’નો અર્થ એ છે કે તમારી પાસે કેટલાક દિવસો સુધી ચાલે તેટલો ખોરાક, પાણી અને અન્ય આવશ્યક સામગ્રી ઉપલબ્ધ હોય. તેવી જ રીતે, કેનેડાએ પણ એક એવી ‘ઇમરજન્સી કિટ’ (આપત્તિ સમયની કિટ) તૈયાર રાખવાની સલાહ આપી છે, જે તમને 72 કલાક સુધી મદદરૂપ થઈ શકે.

યુરોપે કસી કમર

કેટલાક દેશોએ તેમના ચોક્કસ પ્રદેશોને ધ્યાનમાં રાખીને સલાહસૂચનો જારી કર્યા છે. ઉદાહરણ તરીકે, પશ્ચિમ ઓસ્ટ્રેલિયાએ ચક્રવાતની સંભાવના ધરાવતા વિસ્તારોમાં રહેતા લોકોને ખોરાક, પાણી અને દવાઓ ધરાવતી એક ‘ઇમરજન્સી કિટ’ (આપત્તિ સમયની કિટ) તૈયાર રાખવાની સલાહ આપી છે. તેવી જ રીતે, દક્ષિણ આફ્રિકાના કેપ ટાઉન શહેરમાં પરિવારોને ઓછામાં ઓછા ત્રણ દિવસ ચાલે તેટલી આવશ્યક સામગ્રીનો સંગ્રહ કરી રાખવાની સલાહ આપવામાં આવી છે.