Pension Update: મોદી સરકારે હાયર પેન્શનને લઈને મહત્વની જાણકારી આપી, નોકરીયાતો માટે લાભદાયક
Pension Update: જો તમે હાયર પેન્શનનો (EPFO Pension) વિકલ્પ પસંદ કર્યો હોય તો અહિંયા આપેલ માહિતી તમારા માટે કામની છે. સરકારે હાયર પેન્શનનો વિકલ્પ પસંદ કરનાર માટે એક નવું અપડેટ આવ્યું છે.
EPFOની પેન્શન યોજનાના શેરધારકો અને પેન્શનરો જેમણે વધુ પેન્શનનો વિકલ્પ પસંદ કર્યો છે, તેમને વધારાનું યોગદાન અથવા બાકી રકમ ચૂકવવા માટે સંમત થવા માટે 3 મહિનાનો સમય આપવામાં આવશે. અગાઉ, નવેમ્બર 2022માં સુપ્રીમ કોર્ટે સરકારને ઉચ્ચ પેન્શનનો વિકલ્પ પસંદ કરવા માટે શેરધારકોને ચાર મહિનાનો સમય આપવાનો કહ્યું હતું.
ફોર્મ ભરવા માટે સુવિધા ઓનલાઈન ઉપલબ્ધ
EPFOએ હાયર પેન્શન પસંદ કરવા માટે નોકરિયાતો સાથે સંયુક્ત વિકલ્પ ફોર્મ ભરવા માટે સબસ્ક્રાઇબર્સને ઓનલાઈન સુવિધા પૂરી પાડી છે. આ માટેની અંતિમ તારીખ અગાઉ 3 મે, 2023 હતી, જે હવે વધારીને 26 જૂન, 2023 કરવામાં આવી છે. જો ઉચ્ચ પેન્શન વિકલ્પ પસંદ કરવામાં આવે તો વધારાના યોગદાનનો વિકલ્પ કેવી રીતે કાર્ય કરશે અને ચુકવણીની પદ્ધતિ વિશે કોઈ સ્પષ્ટતા નથી.
વધારાની રકમ પર પ્રાદેશિક અધિકારી નિર્ણય લેશે
EPFOના શેરહોલ્ડરોને એ વાતની જાણ નથી કે હાયર પેન્શન યોજનાથી બહાર નીકળવાનો વિકલ્પ મળશે કે નહિં. ઓનલાઈન ફોર્મમાં ખાસ જણાવ્યું છે હાયર પેન્શન રકમનું વિતરણ પ્રાદેશીક અધિકારીઓ કરશે. જે પણ રકમ નક્કી કરવામાં આવશે તે વ્યાજ સાથે હાયર પેન્શનનો વિકલ્પ પસંદ કરનારને ફાળવવામાં આવશે.
અરજી કરવા માટે 3 મહીનાનો સમય
એવું કહેવામાં આવ્યું છે કે પેન્શનરો/સભ્યોને પૈસા જમા કરવા અને ફંડ ટ્રાન્સફર કરવા માટે સંમતિ આપવા માટે ત્રણ મહિના સુધીનો સમય આપવામાં આવશે. EPFOના પ્રાદેશિક અધિકારી પેન્શનધારકો અથવા સભ્યોને ઉચ્ચ પેન્શન માટે વધારાના ભંડોળની ચુકવણીની જરૂરિયાત વિશે જાણ કરશે. આ મહિનાની શરૂઆતમાં શ્રમ મંત્રાલયે સ્પષ્ટ કર્યું હતું કે ઉચ્ચ પેન્શનની પસંદગી કરનારાઓના મૂળ પગારના 1.16 ટકાનો વધારાનો ફાળો EPFOદ્વારા સંચાલિત સામાજિક સુરક્ષા યોજનામાં કામદારોના યોગદાનમાંથી લેવામાં આવશે. હાલમાં, સરકાર 15,000 રૂપિયાના મૂળ પગાર પર EPSમાં સબસિડીના રૂપમાં 1.16 ટકા ફાળો આપે છે.
આ પણ વાંચો : શું રૂપિયો રિઝર્વ કરન્સી બનશે? વિશ્વ શા માટે De-Dollarization તરફ આગળ વધી રહ્યું છે
કર્મચારીઓ EPFOની સામાજિક સુરક્ષા યોજનામાં 12 ટકા યોગદાન આપે છે. તે જ સમયે, કામદારોના 12 ટકા યોગદાનમાંથી 8.33 ટકા EPSમાં જાય છે. બાકીના 3.67 ટકા કર્મચારી ભવિષ્ય નિધિમાં જાય છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ સમાચાર વાંચવા માટે જોડાયેલા રહો…
Latest News Updates
