તેલંગાણા રાજ્યની રચનાની (Telangana Foundation Day) દસમી વર્ષગાંઠ હાઇકોર્ટમાં ભવ્ય રીતે ઉજવવામાં આવી હતી. તેલંગાણાના પુત્ર, હાઈકોર્ટના જસ્ટિસ અને કાર્યકારી અધ્યક્ષ નવીન રાવે આ પ્રસંગે રાષ્ટ્રધ્વજ ફરકાવ્યો હતો. હાઈકોર્ટના મેદાનમાં યોજાયેલી ઉજવણીમાં ન્યાયાધીશો, વકીલો અને હાઈકોર્ટના લીગલ સેલના સભ્યોએ હાજરી આપી હતી. ડો. વૈષ્ણવી સાઈનાથની ટુકડીએ શાસ્ત્રીય નૃત્ય રજૂ કર્યું હતું, જ્યારે રાજ કુમારની ટુકડીએ પેરિની નૃત્ય કર્યું હતું. હાઈકોર્ટના કાર્યકારી અધ્યક્ષ જસ્ટિસ પી નવીન રાવે કલાકારોની પ્રશંસા કરી હતી.
નોંધનીય છેકે આજે 2 જૂન 2023 (2 june) છે. આજની તારીખના ઇતિહાસની વાત કરીયે તો આજે તેલંગાણા રાજયનો સ્થાપના દિવસ છે. આંધ્રપ્રદેશમાંથી વર્ષ 2014માં તેલંગાણા રાજ્યની રચના કરવામાં આવી હતી. આ રાજયની મુખ્ય ભાષા તેલુગુ અને ઉર્દુ છે. અને, આ રાજયમાં હિંદુઓની 84 ટકા વસ્તી છે. જયારે બીજા ક્રમે મુસ્લિમ ધર્મના લોકો વસવાટ કરે છે.
Published On - 5:30 pm, Fri, 2 June 23