હિન્દુસ્તાન ઝિંકની માર્કેટ કેપ વધારવાની તૈયારી, ડીમર્જરની નવી ફોર્મ્યુલા પર સરકાર સાથે ચાલી રહી છે ચર્ચા
વેદાંતા ગ્રૂપની પેટાકંપની હિન્દુસ્તાન ઝિંક લિમિટેડે કંપનીને બે ભાગમાં વિભાજીત કરવાના પ્રસ્તાવ પર સરકાર સાથે નવેસરથી વાતચીત કરી છે. અગાઉ કંપનીને 3 ભાગોમાં વહેંચવાનો પ્રસ્તાવ હતો. હિન્દુસ્તાન ઝિંકના CEO અરુણ મિશ્રાએ બુધવારે આ અંગે માહિતી આપી હતી.
વેદાંતા ગ્રૂપની પેટાકંપની હિન્દુસ્તાન ઝિંક લિમિટેડે કંપનીને બે ભાગમાં વિભાજીત કરવાના પ્રસ્તાવ પર સરકાર સાથે નવેસરથી વાતચીત કરી છે. અગાઉ કંપનીને 3 ભાગોમાં વહેંચવાનો પ્રસ્તાવ હતો.
હિન્દુસ્તાન ઝિંકના CEO અરુણ મિશ્રાએ બુધવારે જણાવ્યું હતું કે સરકારે બિડનો વિરોધ કર્યો હોવાથી અલગ યુનિટ બનાવવાની કંપનીની પુનર્ગઠન યોજનાને અટકાવી દેવામાં આવી હતી. તમને જણાવી દઈએ કે આ વિશાળ માઈનિંગ કંપનીમાં કેન્દ્ર સરકારની 29.54 ટકા ભાગીદારી છે.
CEO અરુણ મિશ્રાએ કહ્યું કે હિન્દુસ્તાન ઝિંકના વિનિવેશને લઈને સરકાર સાથેની વાતચીત ખૂબ સારી રહી. અરુણ મિશ્રાએ કહ્યું કે અમે કંપનીના ડીમર્જરને લઈને સરકાર સાથે ફરીથી ચર્ચા કરીશું અને હવે કંપનીનું ત્રણને બદલે બે ભાગ વિભાજન થશે. ખાણ-ખનીજ મંત્રાલયે અગાઉ કંપનીને એક પત્ર લખ્યો હતો જેમાં જણાવ્યું હતું કે વ્યવસાયિક કામગીરીના કોઈપણ પુનર્ગઠન માટે મંત્રાલયની મંજૂરીની જરૂર પડશે.
હિન્દુસ્તાન ઝિંકના સીઈઓએ જણાવ્યું હતું કે તેઓ તાજેતરમાં ખાણ-ખનીજ વિભાગના સચિવને મળ્યા હતા અને સરકાર અને હિન્દુસ્તાન ઝિંક બંને આ મુદ્દા પર ચર્ચા કરી રહ્યા છે જે એક મોટો મુદ્દો છે. અરુણ મિશ્રાએ કહ્યું કે આ એક મોટો મુદ્દો છે. આ માટે ખાણો અને સ્મેલ્ટર્સ સહિતની સંપત્તિઓનું પુનર્ગઠન કરવું જરૂરી છે.
અરુણ મિશ્રાએ કહ્યું કે જો અમારું ડિમર્જર થશે તો પણ એવી કોઈ ખાણ નથી કે જે માત્ર ચાંદીનું ઉત્પાદન કરતી હોય. એવી પણ કોઈ ખાણ નથી કે જે ફક્ત ઝીંક અને સીસાનું ઉત્પાદન કરતી હોય. તેથી બંને વચ્ચે વાતચીત થશે. તો આ તમામ જટિલ મુદ્દાઓ છે જેની ચર્ચા ચાલી રહી છે.
તમને જણાવી દઈએ કે હિન્દુસ્તાન ઝિંકે ગયા વર્ષે તેની માર્કેટ કેપ વધારવા માટે તેના બિઝનેસને અલગ-અલગ એકમોમાં વહેંચવાની યોજના જાહેર કરી હતી. Hindustan Zincના શેરની વાત કરીએ તો, આજે એટલે કે 19 સપ્ટેમ્બર, 2024ના રોજ 1.20 ટકાના વધારા સાથે 490 પર બંધ થયો હતો. (Image - Hindustan Zinc)