IPL 2022 માં ગુજરાત ટાઇટન્સ ટીમે શાનદાર પ્રદર્શન કરતા લીગની ફાઇનલમાં પહોંચનારી પહેલી ટીમ બની ગઇ છે. ગુજરાતે ડેવિડ મિલરની આક્રમક ઇનિંગને પગલે રાજસ્થાનની ટીમને 7 વિકેટે હરાવીને ફાઇનલમાં પ્રવેશ કર્યો હતો. રાજસ્થાનની ટીમ હવે ક્વોલિફાયર 2 મેચમાં બેંગ્લોર અને લખનૌ વચ્ચેની મેચમાં જીતનાર ટીમ સામે રમશે.
મિલરે 20મી ઓવરના ત્રીજા બોલમાં સિક્સરની હેટ્રિક પૂરી કરી અને ગુજરાતને ફાઇનલમાં પહોંચાડ્યું.
ગુજરાત ટાઇટન્સ ટીમે શાનદાર પ્રદર્શન કરતા 7 વિકેટે રાજસ્થાનને હરાવીને ફાઇનલ મેચમાં દબદબાભેર પ્રવેશ કર્યો હતો.
મિલરે 18મી ઓવરના પાંચમા બોલ પર યુઝવેન્દ્ર ચહલને છગ્ગો ફટકાર્યો હતો. આ વખતે ચહલે બોલને ઓફ સ્ટમ્પની બહાર ફેંક્યો હતો.
17મી ઓવર લાવનાર મેકકોયનું ડેેવિડ મિલરે ચોગ્ગા સાથે સ્વાગત કર્યું હતું. પ્રથમ બોલ મેકકોયે બોલ ફુલટોસ આપ્યો. જેણે મિલરના બેટની બહારની કિનારીએ લાગ્યો અને શોર્ટ થર્ડ મેન અને પોઈન્ટ વચ્ચે 4 રન આપ્યા.
ગુજરાતના ડેવિડ મિલરે યુઝવેન્દ્ર ચહલની 15મી ઓવરના પાંચમા બોલ પર સિક્સર ફટકારી હતી. બોલ મિડલ સ્ટમ્પને ઓવરપીચ કરી ગયો અને મિલરે તેને સીધો બોલરના માથા પર 6 રન માટે ફટકાર્યો.
સુકાની હાર્દિક પંડ્યાએ 14મી ઓવરના ચોથા બોલ પર ચોગ્ગો ફટકાર્યો હતો. આ બોલ ફુલ ટોસ હતો. જેને પંડ્યાએ મિડવિકેટ પાસે ઝડપી શોટ રમીને ચાર રન માટે મોકલ્યો હતો.
સુકાની હાર્દિક પંડ્યાએ 10મી ઓવરના પાંચમા બોલ પર ચોગ્ગો ફટકાર્યો હતો. મેકકોયનો બોલ લેગ-સ્ટમ્પ પર હતો. પંડ્યાએ પણ આ ઓવરનો અંત ચોગ્ગા સાથે કર્યો હતો.
ગુજરાત ટીમના મેથ્યુ વેડ 10મી ઓવરના ત્રીજા બોલ પર આઉટ થઇ ગયો હતો. મેકકોયે વ્યૂહરચનાના ભાગરૂપે બાઉન્સર ફેંક્યો. જેને મેથ્યુ વેડે પુલ કર્યો. થોડા સમય માટે એવું લાગતું હતું કે છગ્ગો જશે. પરંતુ બોલ મિડવિકેટ પર ઉભેલા બટલરના હાથમાં ગયો.
હાર્દિક પંડ્યાએ 10મી ઓવરના પહેલા જ બોલમાં ચોગ્ગો ફટકાર્યો હતો. બોલર મેકકોય ઓફ-સ્ટમ્પની બહારનો બોલ આપ્યો હતો અને પંડ્યાએ તેને કટ મારી પોઈન્ટની દિશામાં ચોગ્ગો ફટકાર્યો.
પાવરપ્લે પુરો થઇ ગયો. આ 6 ઓવરમાં ગુજરાતે 1 વિકેટ ગુમાવીને 63 રન બનાવ્યા છે. શુબમન ગિલ અને મેથ્યુ વેડ ક્રિઝ પર હાજર છે.
મેથ્યુ વેડે ત્રીજી ઓવરના પાંચમા બોલ પર ચોગ્ગો ફટકાર્યો હતો. ટ્રેન્ટ બોલ્ટનો આઉટસ્વિંગ મેથ્યુ વેડના બેટની કિનારીમાં અડીને સ્લિપમાં ગયો. પ્રથમ સ્લિપ અને બીજી સ્લિપ વચ્ચે મોટું અંતર હતું અને તેથી બોલ કોઈ ફિલ્ડર પાસે ન આવ્યો અને વચ્ચે ચાર રન સુધી ગયો.
ગુજરાત તરફથી બીજી ઓવર નાખનાર પ્રસિદ્ધ કૃષ્ણાની આ ઓવર મોંઘી રહી હતી. આ ઓવરમાં કુલ 14 રન આવ્યા. જેમાં 2 ચોગ્ગા સામેલ હતા. મેથ્યુ વેડે ઓવરનો અંતમાં ચોગ્ગો ફટકાર્યો હતો.
રાજસ્થાન રોયલ્સ ટીમે શાનદાર પ્રદર્શન કરતા 20 ઓવરમાં 6 વિકેટે 188 રન કર્યાં હતા.
20મી ઓવરના ત્રીજા બોલ પર બટલરે યશ દયાલના બોલને લોંગ ઓન પર 6 રન પર મોકલ્યો હતો. બટલર 86 રન પર પહોંચી ગયો છે.
બટલરે 19મી ઓવરમાં શમીની ધોલાઇ કરી. તેણે આ ઓવરના પાંચમા અને છઠ્ઠા બોલ પર એક ચોગ્ગો અને પછી છગ્ગો ફટકાર્યો હતો.
રાજસ્થાનના આક્રમક ઓલરાઉન્ડર ક્રિકેટર શિમરોન હેટમાયર આઉટ થઇ ગયો છે. 19મી ઓવરના ત્રીજા બોલ પર હેટમાયરે શમીની ઓવરમાં શોટ ફટકારવાનો પ્રયાસ કર્યો હતો. પરંતુ બોલ લોંગ ઓન પર ઉભેલા રાહુલ ટીઓટિયા પાસે ગયો.
રાજસ્થાનના ઓપનર જોસ બટલરે 15મી ઓવરના ત્રીજા બોલ પર ચોગ્ગા ફટકાર્યો હતો. હાર્દિક પંડ્યાએ આ બોલ બટલરને તેના પગ પાસે આપ્યો હતો.
ગુજરાત ટીમના સુકાની હાર્દિક પંડ્યાએ 15મી ઓવરના પહેલા બોલ પર પડિક્કલને આઉટ કર્યો હતો. પડિકલે હાર્દિક પંડ્યાના ઓફ-સ્ટમ્પની બહાર બોલને રમવાનો પ્રયાસ કર્યો. પરંતુ બોલ તેના બેટની કિનારી લઈને સ્ટમ્પ સાથે અથડાયો.
દેવદત્ત પડિકલે 13મી ઓવરના ત્રીજા બોલ પર છગ્ગો ફટકાર્યો હતો. સાઈ કિશોરે પડિકલને લેગ-સ્ટમ્પ પર ઓવરપીચ બોલ આપ્યો હતો. જે પડિકલે બેટની મધ્યમાં લીધો અને તેને લોંગ-ઓન પર 6 રન માટે મોકલ્યો.
રાજસ્થાન ટીમના સુકાની સંજુ સેમસન આઉટ થઇ ગયો છે. 10મી ઓવરના પાંચમા બોલ પર સાઈ કિશોરે તેને આઉટ કર્યો હતો. સંજુ સેમસને સાઇ કિશોરને ઓફ-સ્ટમ્પ પર બોલ ફેક્યો. કિશોરે પોતાની લાઇન ન બદલી અને મિડલ સ્ટમ્પ પર બોલ ફેંક્યો. જેને સંજુ સેમસને લોંગ ઓન પર છગ્ગો ફટકારવાનો પ્રયાસ કર્યો. પરંતુ બોલ સીધો ફિલ્ડર અલ્ઝારો જોસેફના હાથમાં ગયો હતો. સેમસન 3 રનથી પોતાની અડધી સદી ચૂકી ગયો હતો.
સંજુએ છઠ્ઠી ઓવરના બીજા બોલ પર વધુ એક છગ્ગો લગાવ્યો. અલઝારી જોસેફના એક શોર્ટ બોલ પર સંજુ સેમસને મિડવિકેટમાં છગ્ગો ફટકાર્યો. સંજુની ઇનિંગની આ બીજો છગ્ગો છે.
રાજસ્થાનના સુકાની સંજુ સેમસને પાંચમી ઓવરના 5 માં બોલ પર ચોગ્ગો ફટકાર્યો હતો. આ વખતે બોલ સંજુની કમરની ઊંચાઈથી થોડો ઉપર હતો અને સંજુએ તેને મિડ ઓનની નજીકથી બાઉન્ડ્રી પાર મોકલી દીધો. આ ઓવરમાં કુલ 15 રન આવ્યા.
ચોથી ઓવર લાવનાર રાજસ્થાનના સુકાની સંજુ સેમસને શાનદા છગ્ગો ફટકાર્યો. આ બોલ લેગ-સ્ટમ્પ પર સારી લંબાઈનો હતો. જેને સંજુ સેમસને મિડ-ઓન પર છગ્ગો ફટકાર્યો હતો.
રાજસ્થાન ટીમના યુવા ઓપનર યશસ્વી જયસ્વાલ બીજી ઓવરના છેલ્લા બોલ પર આઉટ થઇ ગયો. ગુજરાત ટીમના યુવા બોલર યશ દયાલે શાનદાર બોલિંગ કરતા તેને આઉટ કર્યો હતો. યશે શરૂઆતથી જ ઇનસ્વિંગ ફેંકી હતી. જેમાં યશસ્વી બોલને ચુકી ગયો અને આઉટ થઇ ગયો.
રાજસ્થાનના ઓપનર જોસ બટલરે પહેલી જ ઓવરના ચોથા બોલ પર ચોગ્ગો ફટકાર્યો હતો. ગુજરાતના શમીનો આ બોલ ઑફ સ્ટમ્પ પર સારી લંબાઈ પર પડ્યા પછી બહાર આવ્યો અને બટલરે કવર ડ્રાઈવ ફટકારી ચોગ્ગો ફટકાર્યો. બટલરે છેલ્લા બોલ પર પણ ચોગ્ગો ફટકાર્યો. આ ઓવરમાં કુલ 9 રન આવ્યા.
રાજસ્થાન રોયલ્સ ટીમની પ્લેઇંગ ઇલેવનઃ
સંજુ સેમસન (સુકાની-વિકેટ કીપર), જોસ બટલર, યશસ્વી જયસ્વાલ, દેવદત્ત પડિકલ, શિમરોન હેટમાયર, રિયાન પરાગ, રવિચંદ્રન અશ્વિન, યુઝવેન્દ્ર ચહલ, ટ્રેન્ટ બોલ્ટ, પ્રણંદન કૃષ્ણા, ઓબેદ મેકકોય.
Big game. Big game players. 💪
Time to #HallaBol, your Royals are ready for Qualifier 1! 🔥#RoyalsFamily | #GTvRR | @Dream11 pic.twitter.com/U0a5xGgM6v
— Rajasthan Royals (@rajasthanroyals) May 24, 2022
ગુજરાત ટાઇટન્સ ટીમની પ્લેઇંગ ઇલેવનઃ
હાર્દિક પંડ્યા (સુકાની), રિદ્ધિમાન સાહા (વિકેટ કીપર), શુભમન ગિલ, મેથ્યુ વેડ, ડેવિડ મિલર, રાહુલ તેવટિયા, રાશિદ ખાન, આર સાઈ કિશોર, અલઝારી જોસેફ, યશ દયાલ, મોહમ્મદ શમી.
⬅️ Alzarri Joseph
➡️ Lockie FergusonWith 1️⃣ change, we are ready for the 1st qualifier in our #SeasonOfFirsts 🔥
Let’s go boys… 💪#AavaDe #GTvRR #TATAIPL pic.twitter.com/0rFCJY2MfO
— Gujarat Titans (@gujarat_titans) May 24, 2022
ક્વોલિફાયર 1 મેચમાં ગુજરાત ટાઇટન્સ ટીમે ટોસ જીતી પહેલા બોલિંગ પસંદ કરી
IPL 2022 ની પ્લેઓફ મેચો આજથી શરૂ થઈ ગઈ છે અને પ્રથમ ક્વોલિફાયરમાં ગુજરાત ટાઇટન્સ અને રાજસ્થાન રોયલ્સની ટીમો સામસામે છે. આ મેચ જીતનારી ટીમ સીધી ફાઇનલમાં પ્રવેશ કરશે. પરંતુ હારનાર ટીમ ફાઇનલની રેસમાંથી બહાર રહેશે નહીં. કારણ કે તે ક્વોલિફાયર-2 રમશે. લીગ તબક્કામાં ટોપ-2 ટીમો ક્વોલિફાયર-1 અને ત્રીજા, ચોથા ક્રમની ટીમો એલિમિનેટર રમે છે. ક્વોલિફાયર-1 જીતનારી ટીમ સીધી ફાઇનલમાં સ્થાન મેળવે છે, જ્યારે હારનાર ટીમ એલિમિનેટર જીતનારી ટીમ સાથે ક્વોલિફાયર-2 રમે છે અને આ મેચ જીતનારી ટીમ ફાઇનલમાં બીજી ટીમ છે.
ગુજરાત ટાઇટન્સ અને રાજસ્થાન રોયલ્સ ટીમોની આ માત્ર બીજી મેચ છે. આ સિઝનની શરૂઆતમાં બંને 14 એપ્રિલે સામસામે મળ્યા હતા અને ગુજરાતે આ મેચ 37 રને જીતી હતી.
આ સિઝનમાં પ્લેઓફમાં પહોંચેલી 4 ટીમોના કેપ્ટન આ પહેલા ક્યારેય આઈપીએલ પ્લેઓફમાં ટીમની કેપ્ટનશિપ કરી શક્યા નથી. પંડ્યા અને બેંગ્લોર ટીમના સુકાની ફાફ ડુ પ્લેસિસ આ લીગમાં પ્રથમ વખત કેપ્ટનશીપ કરી રહ્યા છે. તો બીજી તરફ રાજસ્થાનના સુકાની સંજુ સેમસન અને લખનૌના સુકાની કેએલ રાહુલ તેમની કેપ્ટનશિપમાં પ્રથમ વખત પ્લેઓફમાં પહોંચ્યા છે.
Published On - 6:49 pm, Tue, 24 May 22