Kishore Kumar Family Tree: ઇતિહાસના ભારતીય પ્લેબેક ગાયક કિશોર કુમારે એક નહીં બે નહીં પરંતુ કર્યા છે 4 લગ્ન, જાણો કિશોર દા ના પરિવાર વિશે
કિશોર કુમાર કે જે ભારતીય સંગીતના ઈતિહાસમાં તેમને સર્વશ્રેષ્ઠ, સૌથી પ્રભાવશાળી અને ગતિશીલ ગાયકોમાંના એક ગણવામાં આવે છે. ત્યારે આ સફળતા પાછળ તેમના જીવનમાં કેટલા લોકોનો ફાળો છે તેના વિશે આજે જાણીએ
Family Tree: કિશોર કુમાર એક ભારતીય પ્લેબેક ગાયક, અભિનેતા, ગીતકાર, સંગીતકાર, દિગ્દર્શક અને પટકથા લેખક છે. કિશોર કુમારને ભારતીય સંગીત ઉદ્યોગના સૌથી સફળ અને પ્રખ્યાત ગાયકોમાંના એક તરીકે ગણવામાં આવે છે. તેઓ વ્યાપકપણે ‘કિશોર દા’ તરીકે જાણીતા છે.
કિશોર કુમાર
કિશોર કુમાર બંગાળી પરિવારના હતા. તેમના પિતા કુંજલ ગાંગુલી (ગંગોપાધ્યાય) વકીલ હતા. તેમની માતા ગૌરી દેવી ગૃહિણી હતી. તેમને અશોક કુમાર (અભિનેતા) અને અનૂપ કુમાર (અભિનેતા) નામના મોટા ભાઈઓ હતા. તેમને સતી દેવી નામની એક બહેન છે.
કિશોર કુમાર તેમના પરિવાર સાથે
કિશોર કુમારે ચાર વખત લગ્ન કર્યા છે. તેમની પ્રથમ પત્ની રૂમા ગુહા ઠાકુર્તા ઉર્ફે રૂમા ઘોષ જે બંગાળી અભિનેત્રી અને ગાયિકા હતી. તેણે તેની સાથે 1950 માં લગ્ન કર્યા હતા. તેમના પુત્રનું નામ અમિત કુમાર છે.
રૂમા ગુહા ઠાકુર્તા સાથે કિશોર કુમાર
તેણે તેની બીજી પત્ની મધુબાલા સાથે લગ્ન કર્યા, જે બોલીવુડ અભિનેત્રી છે. તેઓએ 1960 માં લગ્ન કર્યા, જે બાદ 23 ફેબ્રુઆરી 1969 ના રોજ મધુબાલાનું મૃત્યુ થયું હતું.
કિશોર કુમાર તેમની બીજી પત્ની મધુબાલા સાથે
તેમણે યોગીતા બાલી (બોલીવુડ અભિનેત્રી) સાથે ત્રીજી વખત લગ્ન કર્યા અને તેમના લગ્ન 1975 થી 1978 સુધી ચાલ્યા.
કિશોર કુમાર તેમની ત્રીજી પત્ની યોગીતા બાલી સાથે
તેમણે 1980માં લીના ચંદાવરકર સાથે ચોથી વખત લગ્ન કર્યા હતા, અને જે બાદ 1987માં કિશોર કુમારનું મૃત્યુ થયું હતું. તેમના પુત્રો, અમિત કુમાર (રૂમા ગુહા ઠાકુર્તા સાથે) અને સુમિત કુમાર (લીના ચંદાવરકર સાથે) ગાયક છે.
કિશોર કુમાર તેમની પત્ની લીના ચંદાવરકર અને પુત્રો અમિત અને સુમિત સાથે
કિશોર કુમારની કારકિર્દી
બોમ્બે (હાલનુ મુંબઈ)ની મુલાકાત લીધા પછી, આભાસ કુમારે પોતાનું નામ બદલીને ‘કિશોર કુમાર’ રાખ્યું અને ‘બોમ્બે ટોકીઝ’માં કોરસ ગાયક તરીકેની કારકિર્દીની શરૂઆત કરી, જ્યાં તેમના ભાઈ અશોક કામ કરતા હતા. સંગીત નિર્દેશક, ખેમચંદ પ્રકાશે કિશોરને ફિલ્મ ઝિદ્દી (1948)માંથી “મરને કી દુઆયેં ક્યોં માંગુ” ગાવાની તક આપી.
ગાયક તરીકે કિશોરને સંગીતની ઔપચારિક તાલીમ મળી ન હતી, તેઓ કેએલ સાયગલથી ખૂબ પ્રભાવિત હતા અને ઘણીવાર તેમની ગાયકીની નકલ કરતા હતા. કિશોરે પાછળથી તેમની ગાયકીની શૈલી વિકસાવી જેમાં ‘યોડેલિંગ’ દર્શાવવામાં આવ્યું હતું, જે તેણે ટેક્સ મોર્ટન અને જીમી રોજર્સના રેકોર્ડ્સ પર સાંભળ્યું હતું.
આ પણ વાંચો : પ્રસિદ્ધ આર્ટ ડાયરેક્ટર નીતિન દેસાઈએ જન્મદિવસના થોડા દિવસ પહેલા જ મોતને વ્હાલું કર્યું, જાણો તેના પરિવાર વિશે
તેમણે તે સમયના ઘણા સંગીત નિર્દેશકો સાથે ગાયક તરીકે કામ કર્યું છે જેમ કે એસડી બર્મન, આરડી બર્મન, લક્ષ્મીકાંત-પ્યારેલાલ, કલ્યાણજી-આનંદજી, અનુ મલિક, અને આશા ભોંસલે અને લતા મંગેશકર , મોહમ્મદ રફી , અનુરાધા પૌડવાલ જેવા ગાયકો સાથે યુગલ ગીતો રેકોર્ડ કર્યા છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
