Breaking news : Iran Israel Us War વચ્ચે હજારો મેટ્રિક ટન LPG ભરેલું જહાજ ગુજરાતમાં એન્ટ્રી કરશે ! ગેસ સંકટ વચ્ચે મોટી રાહત

વર્તમાન વૈશ્વિક પરિસ્થિતિ ખાસ કરીને Iran Israel Us War ના માહોલ અને LPG ગેસની અછત વચ્ચે ભારત માટે એક સારા સમાચાર છે. ગુજરાતના મુન્દ્રા અને કંડલા બંદરો પર એલપીજી (LPG) ગેસનો વિશાળ જથ્થો લઈને બે જહાજો પહોંચી રહ્યા છે, જે દેશભરમાં પ્રવર્તતા ગેસ સંકટને હળવું કરશે.

બપોરે 2 વાગ્યે ગુજરાતના મુન્દ્રા પોર્ટ પર પહોંચશે

આજે, શિવાલિક નામનું એક મહત્ત્વપૂર્ણ જહાજ બપોરે 2 વાગ્યે ગુજરાતના મુન્દ્રા પોર્ટ પર પહોંચવાનું છે. અગાઉ સવારે 9:40 કલાકે પહોંચવાનો નિર્ધારિત સમય બદલાયો છે. આ જહાજમાં LPG નો મોટો જથ્થો છે. આ ઉપરાંત, નંદાદેવી નામનું બીજું જહાજ આવતીકાલે કંડલા પોર્ટ પર પહોંચશે, જેમાં પણ LPG નો જથ્થો ભરેલો છે.

જાણો જહાજોમાં કેટલો LPG ગેસનો જથ્થો

આ બંને જહાજોમાં કુલ 92,700 મેટ્રિક ટન LPG Gas છે. સૌથી મહત્ત્વપૂર્ણ બાબત એ છે કે આ જહાજો યુદ્ધગ્રસ્ત હોર્મુઝ ખાડી પાર કરીને આવી રહ્યા છે. આ સંવેદનશીલ વિસ્તારમાંથી તેમની સુરક્ષિત પસારગી સુનિશ્ચિત કરવા માટે ભારતીય નૌકાદળ દ્વારા તેમને સંપૂર્ણ સુરક્ષા કવચ પૂરું પાડવામાં આવ્યું છે. ભારતીય નૌકાદળના યુદ્ધ જહાજો આ LPG વાહક જહાજોને ગલ્ફ ઓફ કચ્છમાં પ્રવેશતા પહેલા એસ્કોર્ટ કરી રહ્યા છે.

આ ઘટનાને રાજદ્વારી અને ભૂ-રાજકીય દૃષ્ટિકોણથી ભારતની મોટી સફળતા તરીકે જોવામાં આવે છે. અનેક જહાજો હાલમાં તે વિસ્તારમાં અટવાયેલા અથવા હોલ્ડ પર છે, ત્યારે આ જહાજોને સુરક્ષિત રીતે બહાર કાઢવા એ ભારતના સક્ષમ રાજદ્વારી પ્રયાસોનું પરિણામ છે. કેન્દ્ર સરકાર, ખાસ કરીને પ્રધાનમંત્રી નરેન્દ્ર મોદી અને વિદેશ મંત્રી એસ. જયશંકરે ઈરાનના નેતાઓ સાથે વાતચીત કરીને પરિસ્થિતિને અનુકૂળ બનાવી હતી.

સરકારે અગાઉ જ લોકોને ગભરાઈની જરૂર નથી અને બુકિંગ ન કરવાની અપીલ કરી હતી અને જણાવ્યું હતું કે દેશમાં LPG Gas નો પૂરતો જથ્થો ઉપલબ્ધ છે. આ LPG ના આગમનથી સરકારની આ વાત સાચી ઠરી છે. આ ઉપરાંત, અન્ય 22 જહાજો પણ હાલ હોલ્ડ પર છે અને તેમને પણ સમયસર બહાર કાઢવાની પ્રક્રિયા ચાલુ છે. ગઈકાલે જ ફુજેરા પોર્ટ પરથી ક્રૂડ ઓઇલનું એક જહાજ પણ નીકળી ગયું હોવાના અહેવાલ છે, જે આગામી સમયમાં ભારતમાં પહોંચશે.

મિડલ ઇસ્ટમાં પ્રવર્તતી તંગ પરિસ્થિતિ અને યુદ્ધના માહોલ વચ્ચે હોર્મુઝ ખાડી જેવા સંવેદનશીલ વિસ્તારમાંથી ભારતીય ધ્વજ ધરાવતા જહાજોને સુરક્ષિત રીતે લાવવા એ ભારતની વિદેશ નીતિ અને સંરક્ષણ ક્ષમતાની પ્રશંસનીય સિદ્ધિ છે. આ જથ્થાના આગમન સાથે, દેશમાં LPG ની અછત ધીમે ધીમે દૂર થશે અને કરોડો ભારતીય પરિવારોને રાહત મળશે. મુન્દ્રા પોર્ટ પર શિવાલિક જહાજની જેટી પર ટચ કરવાની ક્ષણ એક ઐતિહાસિક દિવસ તરીકે નોંધાશે, જે ભારતની ઊર્જા સુરક્ષા પ્રત્યેની પ્રતિબદ્ધતા દર્શાવે છે.