રાજ્યમાં કાળઝાળ ગરમી પડવાની અંબાલાલ પટેલની આગાહી, કહ્યુ તાપમાનનું ટોર્ચર સહન કરવા રહેજો તૈયાર

રાજ્યમાં અંગ દઝાડતી ગરમી પડવાની આવતીકાલથી શરૂઆથ થઈ જશે. હવામાન નિષ્ણાંત અંબાલાલ પટેલની આગાહી અનુસાર રાજ્યમાં 12 એપ્રિલ થી 20 એપ્રિલ દરમિયાન તાપમાનનો પારો 40 ડિગ્રીને પાર પહોંચી જશે. ખાસ કરીને ઉત્તર ગુજરાતમાં તાપમાન 42 ડિગ્રીને પાર થવાની શક્યતા છે. પાટણ, મહેસાણા, બનાસકાંઠામાં કાળઝાળ ગરમી પડવાની આગાહી કરવામાં આવી છે.

આ તરફ મધ્ય ગુજરાતમાં પણ તાપમાન 43 ડિગ્રીને પાર જવાની શક્યતા છે. અમદાવાદ- ગાંધીનગરમાં કાળઝાળ ગરમીની અનુભૂતિ થશે. જ્યારે સૌરાષ્ટ્ર અને કચ્છવાસીઓએ પણ તાપમાનનું ટોર્ચર સહન કરવુ પડશે. અંબાલાલની આગાહી મુજબ અહીં પણ તાપમાન 40 ડિગ્રીને પાર પહોંચી જવાની વકી છે. અસહ્ય કાળજાળ ગરમીને કારણે પાકમાં ફૂગ અને સુકારો આવવાની પણ શક્યતા છે. આગામી 18 થી 22 એપ્રિલ દરમિયાન હવામાનમાં પલટો આવી શકે છે. વાદળછાયા વાતાવરણ વચ્ચે પ્રિમોન્સુન એક્ટિવિટી થવાની આગાહી છે.

શું મુસ્લિમ દેશોના નવા લીડર તરીકે ઉભરી રહ્યુ છે ઈરાન? અમેરિકા સાથેના 40 દિવસના યુદ્ધે તોડી નાખી અનેક માન્યતા