Breaking News : અંદરખાને ગઠબંધન? AAP પ્રમુખ ઈસુદાન ગઢવીનો ભાજપ-કોંગ્રેસ પર મોટો આરોપ, જુઓ Video
સ્થાનિક ચૂંટણી પહેલા ઈસુદાન ગઢવીએ ભાજપ અને કોંગ્રેસ પર અંદરખાને ગઠબંધનના ગંભીર આક્ષેપો કરતા ગુજરાતની રાજનીતિ ગરમાઈ છે. AAPના ઉમેદવારો સામે ખોટી ફરિયાદો થવાના દાવા વચ્ચે રાજકીય માહોલ વધુ તણાવપૂર્ણ બન્યો છે.
સ્થાનિક સ્વરાજની ચૂંટણીને લઈને ગુજરાતની રાજનીતિમાં આરોપ-પ્રત્યારોપનો માહોલ ગરમાયો છે. આમ આદમી પાર્ટીના પ્રદેશ પ્રમુખ ઈસુદાન ગઢવીએ ભાજપ અને કોંગ્રેસ પર ગંભીર આક્ષેપો કર્યા છે, જેને લઈને રાજકીય વર્તુળોમાં નવી ચર્ચા શરૂ થઈ છે.
ઈસુદાન ગઢવીના કહેવા મુજબ ભાજપ અને કોંગ્રેસ વચ્ચે અંદરખાને ગઠબંધન ચાલી રહ્યું છે. તેમણે દાવો કર્યો છે કે ભાજપના નેતાઓ કોંગ્રેસને ઉમેદવારો આપતા હોવાની માહિતી સામે આવી રહી છે, જે લોકતંત્ર માટે ચિંતાજનક બાબત છે.
આ ઉપરાંત તેમણે આક્ષેપ કર્યો છે કે આમ આદમી પાર્ટીના ઉમેદવારોને નિશાન બનાવી તેમની સામે ખોટી ફરિયાદો કરવામાં આવી રહી છે. આ પ્રકારની હરકતો દ્વારા AAPને ચૂંટણીમાં નુકસાન પહોંચાડવાનો પ્રયાસ થઈ રહ્યો હોવાનું તેમણે જણાવ્યું છે.
ઈસુદાન ગઢવીએ વધુમાં કહ્યું કે ભાજપ અને કોંગ્રેસ મળીને કામ કરી રહ્યા છે અને મતદારોને ભ્રમિત કરવાનો પ્રયાસ કરી રહ્યા છે. તેમણે મતદારોને સતર્ક રહેવા અને સચ્ચાઈને ઓળખીને મતદાન કરવા અપીલ કરી છે.
દારૂ પીતા પહેલા ગ્લાસમાંથી જમીન પર થોડા છાંટા કેમ નાખવામાં આવે છે? તમે નહીં જાણતા હોવ કારણ
