Canada Work Permit Breaking : એક અઠવાડિયું કે બે મહિના.. કેનેડામાં ભારતીયોને સ્ટડી-વર્ક પરમિટ માટે કેટલી રાહ જોવી પડશે?
IRCC Updates: કેનેડા જવા માંગો છો? ભારતીયો માટે સ્ટડી અને વર્ક પરમિટ માટે કેટલો સમય લાગશે. જાણી A ટુ Z માહિતી.
કેનેડા છેલ્લા ઘણા વર્ષોથી ભારતીયો માટે અભ્યાસ અને રોજગાર માટે સૌથી પસંદગીનો દેશ બન્યો છે. દર વર્ષે લાખો ભારતીય વિદ્યાર્થીઓ અને પ્રોફેશનલ્સ કેનેડા જવાનું સપનું સાકાર કરવા માટે અરજી કરે છે. પરંતુ એક મહત્વપૂર્ણ પ્રશ્ન દરેકના મનમાં હોય છે – “વિઝા અથવા પરમિટ મેળવવામાં કેટલો સમય લાગશે?”
આ પ્રશ્નનો સ્પષ્ટ જવાબ હવે Immigration, Refugees and Citizenship Canada (IRCC) દ્વારા આપવામાં આવ્યો છે, જે કેનેડાનું ઇમિગ્રેશન વિભાગ છે. IRCC નિયમિત રીતે પ્રોસેસિંગ સમય અંગે અપડેટ્સ જાહેર કરે છે, જેથી અરજદારો પોતાની યોજના યોગ્ય રીતે બનાવી શકે.
પ્રોસેસિંગ સમય ક્યારે શરૂ થાય છે?
IRCC મુજબ, પ્રોસેસિંગ સમય એ અરજી સબમિટ કર્યા પછીથી લઈને અંતિમ નિર્ણય (મંજૂરી કે ના) સુધીનો અંદાજિત સમય છે.
જો તમે ઓનલાઈન અરજી કરો છો, તો “Submit” બટન દબાવતા જ પ્રોસેસિંગ શરૂ થઈ જાય છે. જો કાગળ પર અરજી કરો છો, તો તે IRCC સુધી પહોંચે ત્યારથી સમય ગણવામાં આવે છે.
વર્ક પરમિટ માટે કેટલો સમય લાગે છે?
ભારતીય અરજદારો માટે વર્ક પરમિટના પ્રોસેસિંગ સમયમાં હાલમાં કોઈ ફેરફાર નથી. IRCCના તાજેતરના અપડેટ મુજબ:
- વર્ક પરમિટ માટે આશરે 7 અઠવાડિયાનો સમય લાગી શકે છે
- એટલે કે, લગભગ 2 મહિના સુધી રાહ જોવી પડે
આ સમયગાળો અગાઉની જેમ જ યથાવત્ રાખવામાં આવ્યો છે.
સ્ટડી પરમિટ માટે કેટલો સમય લાગે છે?
કેનેડામાં અભ્યાસ કરવા માટે સ્ટડી પરમિટ જરૂરી છે. હાલની સ્થિતિ મુજબ:
- સ્ટડી પરમિટ માટે પ્રોસેસિંગ સમય આશરે 4 અઠવાડિયા છે
- એટલે કે, લગભગ 1 મહિના અંદર પરમિટ મળી શકે છે
આ સમયગાળો પણ હાલમાં સ્થિર છે અને તેમાં કોઈ ફેરફાર કરવામાં આવ્યો નથી.
મહત્વનું છે કે, જો તમે કેનેડામાં અભ્યાસ અથવા કામ કરવાની યોજના બનાવી રહ્યા છો, તો આ પ્રોસેસિંગ સમયને ધ્યાનમાં રાખીને અરજી કરવી ખૂબ જ જરૂરી છે. યોગ્ય સમય પર અરજી કરવાથી તમારી યાત્રા વધુ સરળ અને તણાવમુક્ત બની શકે છે.
Canada Entry : કેનેડાએ બિઝનેસ વિઝિટર માટે એન્ટ્રીના નિયમોમાં કર્યો બદલાવ
