શું તમને ખબર છે કે તમારી વોટ્સએપ ચેટ કેટલી સુરક્ષિત છે ? આ પ્રશ્નનો જવાબ અહીં જાણો

મેટા (Meta) હંમેશા વોટ્સએપ ચેટ્સની સુરક્ષા અને ગોપનીયતાને લઈને વિવાદમાં રહે છે. ભૂતકાળમાં, વ્હોટ્સએપ (WhatsApp) પર ગોપનીયતાના ઉલ્લંઘનના આક્ષેપો થયા છે. આ આરોપો પર કંપની સમય સમય પર પોતાનો ખુલાસો પણ કરતી રહી છે. પરંતુ શું તમે જાણો છો કે તમારી વોટ્સએપ ચેટ (whatsapp chat) કેટલી સુરક્ષિત છે ? ના જાણતા હોવ તો, જાણો કંપની તમારી વોટ્સએપ ચેટ અંગે કેટલા દાવા કરી રહી છે ? WhatsApp ચેટની ગોપનીયતા અંગે કંપનીના 8 મોટા દાવા.

દાવો- 1 એન્ડ-ટુ-એન્ડ એન્ક્રિપ્શન

કંપનીનો દાવો છે કે વોટ્સએપ ચેટ એન્ડ-ટુ-એન્ડ એન્ક્રિપ્શન સાથે સંપૂર્ણપણે સુરક્ષિત છે. દરેક વ્યક્તિગત સંદેશ આપોઆપ એન્ક્રિપ્ટેડ, સુરક્ષિત અને ખાનગી છે. ફક્ત મોકલનાર અને જેને તે મોકલવામાં આવી રહ્યો છે તે જ આ સંદેશ વાંચી શકે છે. કંપની પોતે આ સંદેશાઓ વાંચી શકતી નથી.

દાવો-2 ગ્રુપ છોડ્યાની જાણ માત્ર એડમિનને જ થશે

કંપનીએ WhatsAppની સુરક્ષા વધારવા માટે નવા ફીચર્સ લાવવાની જાહેરાત કરી છે. કંપનીનો દાવો છે કે હવે કોઈપણ વ્યક્તિ, ગ્રુપ છોડશે તો તેની જાણ કોઈ પણ સભ્યને નહી થાય. વોટ્સએપ ગ્રુપ છોડવામાં નવા ફિચર્સનો અર્થ એ છે કે તમે કોઈને જાણ થયા વગર WhatsApp ગ્રુપ છોડી શકો છો. તેના વિશે ફક્ત ગ્રુપ એડમિન જ જાણશે.

દાવો-3 ફોટો કે વીડિયોનો સ્ક્રીન શોટ નહી લઈ શકાય

વોટ્સએપે વ્યૂ એક ફીચર બનાવ્યું છે, જેનાથી ફોટો માત્ર એક જ વાર જોઈ શકાય છે, વધુ સુરક્ષિત. કંપનીનો દાવો છે કે હવે કોઈ પણ વ્યક્તિ ફોટો કે વીડિયોનો સ્ક્રીન શોટ લઈ શકશે નહીં.

દાવો-4 મેસેજ iCloud અને Google ડ્રાઇવમાં સાચવાશે

જો વ્યક્તિગત સંદેશાઓનો ક્લાઉડ પર બેકઅપ લેવામાં આવે તો શું કરવું?

આના પર કંપનીનો જવાબ છે કે એન્ક્રિપ્ટેડ બેકઅપ ચાલુ કરો. આ સાથે યુઝર્સને એન્ડ ટુ એન્ડ એન્ક્રિપ્શન મેસેજ મળશે. આ સંદેશાઓ તમારા iCloud અને Google ડ્રાઇવમાં સાચવવામાં આવશે.

દાવો-5 બે પગલાની ચકાસણી

મેટા દાવો કરે છે કે સુરક્ષાનું બીજું સ્તર દ્વિ-પગલાની ચકાસણી છે. આ તમારા WhatsApp એકાઉન્ટને વધુ સુરક્ષિત બનાવે છે. તમે PIN દ્વારા તમારું WhatsApp ખોલો છો, જે તમારા એકાઉન્ટને વધુ સુરક્ષિત બનાવે છે.

દાવો-6 બ્લોક સુરક્ષિત રાખો

જો કોઈ એકાઉન્ટ અથવા સ્પામ દ્વારા તમને કોઈ મેસેજ આવે છે, તો તમે બ્લોક કરીને તમારી જાતને સુરક્ષિત રાખી શકો છો. આ કરવા માટે થોડી સેકંડ લાગે છે.

દાવો-7  Disappearing messages ફીચર

મેટાએ તેના વપરાશકર્તાઓની સુરક્ષા માટે અદ્રશ્ય સંદેશા ફીચર પણ લાવ્યું છે. ચેટિંગ સુરક્ષાના સંદર્ભમાં આ એક વધારાનું ફીચર છે. આ ફીચરનો ઉપયોગ કરીને કોઈપણ ચેટને માત્ર 24 કલાક માટે સુરક્ષિત રાખી શકાય છે.