U19 Asia Cup 2024 : ભારતે જાપાનને 211 રનથી હરાવ્યું, કેપ્ટનની સદીની મદદથી મજબૂત જીત નોંધાવી

અંડર-19 એશિયા કપમાં ટીમ ઈન્ડિયાએ જોરદાર વાપસી કરી છે. ગ્રુપ સ્ટેજની પ્રથમ મેચમાં પાકિસ્તાન સામે હાર્યા બાદ બીજી મેચમાં મોટી જીત નોંધાવી છે. ભારતીય ટીમે સોમવાર, 2 ડિસેમ્બરના રોજ શારજાહમાં જાપાનની ટીમને 211 રનના વિશાળ અંતરથી હરાવ્યું હતું. પ્રથમ બેટિંગ કરતા ટીમ ઈન્ડિયાએ 6 વિકેટના નુકસાન પર 339 રનનો વિશાળ સ્કોર બનાવ્યો હતો. તેનો પીછો કરવા આવેલી જાપાનની ટીમ સંપૂર્ણ 50 ઓવર રમવા છતાં 8 વિકેટના નુકસાને 128 રન જ બનાવી શકી હતી. ભારતની આ મજબૂત જીતમાં કેપ્ટન મોહમ્મદ અમાનની સદીએ મહત્વની ભૂમિકા ભજવી હતી.

વૈભવ સૂર્યવંશી સસ્તામાં આઉટ થયો

ભારતીય ટીમના કેપ્ટન મોહમ્મદ અમાને શારજાહના મેદાનમાં જાપાન સામે ટોસ જીતીને પ્રથમ બેટિંગ કરવાનો નિર્ણય કર્યો હતો. 13 વર્ષના બેટિંગ સેન્સેશન્સ વૈભવ સૂર્યવંશી અને આયુષ મ્હાત્રેએ ટીમને તોફાની શરૂઆત આપી હતી. બંનેએ મળીને 7.1 ઓવરમાં 65 રન બનાવ્યા હતા. ત્યારબાદ વૈભવ 23 બોલમાં 23 રન બનાવીને આઉટ થયો હતો. તેના ગયા પછી પણ આયુષની વિસ્ફોટક બેટિંગ ચાલુ રહી. જોકે, તે પણ 186ના સ્ટ્રાઈક રેટથી 29 બોલમાં 54 રન બનાવીને પેવેલિયન પરત ફર્યો હતો.

Web Stories View more

કયા વિટામિનની ઉણપથી શ્વાસમાં આવે છે દુર્ગંધ ? જાણો

રાતે સૂતા પહેલા ચહેરા પર લગાવો આ વસ્તુ, શિયાળામાં પણ ચમકવા લાગશે ત્વચા

અંબાણી પરિવારની નાની વહુ 23 હજારનુ જીન્સ પહેરી પતિ સંગ ડિનર પર ગઈ

Sobhitaand wedding : શોભિતા ધુલીપાલાએ રાતા સેરેમનીમાં માતા અને દાદીની જ્વેલરી પહેરી

Sesame seeds benifits : શિયાળામાં તલ આપશે શરીરને હૂંફ, સ્કીન કહેશે ચમકતી

ડિસેમ્બરમાં શનિ સહિત આ 7 ગ્રહોની બદલાશે ચાલ,3 રાશિઓની વધશે મુશ્કેલીઓ

અમાને કેપ્ટન ઈનિંગ રમી

10.5 ઓવરમાં 81 રનમાં 2 વિકેટ ગુમાવ્યા બાદ ટીમના કેપ્ટન મોહમ્મદ અમાન ચોથા નંબર પર બેટિંગ કરવા આવ્યા હતા અને ટીમની કમાન સંભાળી હતી. તેણે આન્દ્રે સિદાર્થ સાથે ત્રીજી વિકેટ માટે 58 રન અને કેપી કાર્તિકેય સાથે ચોથી વિકેટ માટે 122 રનની બે મહત્વપૂર્ણ ભાગીદારી કરી હતી. બંને બેટ્સમેન આઉટ થયા પછી પણ તે અંત સુધી ટકી રહ્યો અને તેણે 118 બોલમાં 122 રનની કેપ્ટન ઈનિંગ રમીને ટીમનો સ્કોર 339 સુધી પહોંચાડ્યો. આટલા મોટા ટાર્ગેટ બાદ બોલરે બાકીનું કામ પૂરું કર્યું. તેઓએ જાપાનના બેટ્સમેનોને હલનચલન પણ ન થવા દીધું અને 50 ઓવરમાં માત્ર 128 રન જ બનાવવા દીધા.

For his fantastic and steering India U19 to their first win in the #ACCMensU19AsiaCup, Mohammad Amaan is awarded the Player of the Match

Scorecard ▶️ https://t.co/Aa4ib6AsK0#TeamIndia | #ACC pic.twitter.com/pszhMjfIan

— BCCI (@BCCI) December 2, 2024

સેમીફાઈનલમાં પહોંચવા UAEને હરાવવું પડશે

ભારતીય ટીમ પાકિસ્તાન સામે પ્રથમ મેચ હારી ગઈ હતી. ટીમ માટે આ મોટો ફટકો હતો. પરંતુ બીજી મેચમાં બેટ્સમેનો ફોર્મમાં જોવા મળ્યા હતા. તેથી, જાપાન સામે મજબૂત પુનરાગમન થઈ શકે છે. હવે સેમીફાઈનલમાં પહોંચવા માટે ટીમ ઈન્ડિયાએ માત્ર UAEને હરાવવું પડશે. હાલમાં, ટીમ ઈન્ડિયા 2 મેચમાં 2 પોઈન્ટ અને +1.680ના નેટ રન રેટ સાથે પોઈન્ટ ટેબલમાં ત્રીજા સ્થાને છે. જ્યારે UAE 2 મેચમાં 2 પોઈન્ટ સાથે બીજા સ્થાને છે. પાકિસ્તાનની ટીમ પહેલાથી જ સેમીફાઈનલમાં પહોંચી ગઈ છે.

આ પણ વાંચો: 16 વર્ષની ઉંમરે માતા-પિતાનો સહારો ગુમાવ્યો, ક્રિકેટ રમી ઘર ચલાવ્યું, હવે સદી ફટકારીને બનાવી હેડલાઈન

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો