29 નવેમ્બરના મહત્વના સમાચાર : સુરતનું ઈચ્છાપોર પોલીસ સ્ટેશન દેશભરમાં આવ્યુ પ્રથમ ક્રમે, ઓડિશાના ભુવનેશ્વરમાં યોજાયેલી DGP સંમેલનમાં કરાઈ જાહેરાત 

રાજકોટઃ નવા વર્ષવી ઉજવણી પહેલા પોલીસની ડ્રાઈવ

રાજકોટઃ નવા વર્ષવી ઉજવણી પહેલા પોલીસે ડ્રાઈવ શરુ કરી છે. અલગ અલગ વિસ્તારના મુખ્ય માર્ગો પર સઘન તપાસ કરવામાં આવી રહી છે. દારૂ તેમજ ડ્રગ્સને લઈ ડ્રાઈવ યોજવામાં આવી. ACP, ક્રાઈમ બ્રાન્ચ, SOG સહિતના અધિકારીઓએ ચેકિંગ કર્યું. કાલાવડ રોડ, કોટેચા ચોક, કિશાનપરા ચોક સહિતના વિસ્તારમાં તપાસ શરુ કરવામાં આવી. આજે રાત્રે પણ રાજકોટમાં ચુસ્ત બંદોબસ્ત રહેશે.

અમરેલીઃ અકસ્માતમાં ભાજપના યુવા આગેવાનનું મોત

અમરેલીઃ અકસ્માતમાં ભાજપના યુવા આગેવાનનું મોત થયુ છે. ઈશ્વરીયા નજીક કાર અને ડમ્પર વચ્ચે અકસ્માત થયો છે. અમરેલી નગરપાલિકાના સદસ્યનું મોત થયું. દબાણ હટાવ સમિતિના ચેરમેન સન્ની ડાબસરાનું મોત થયુ છે. સન્ની ડાબરસાના નિધનથી શોકનો માહોલ છવાયો છે.

જમ્મુ-કાશ્મીર: કુલગામમાં સેનાનું મોટું ઓપરેશન

જમ્મુ-કાશ્મીર: કુલગામમાં સેનાએ મોટું ઓપરેશન હાથ ધર્યુ. કદર વિસ્તારમાં સેના અને આતંકીઓ વચ્ચે અથડામણમાં બે આતંકવાદી ઠાર મરાયા છે. સર્ચ ઓપરેશન દરમિયાન 2 સૈનિકો પણ ઘાયલ થયા છે. હજુ પણ આ વિસ્તારમાં ભારતીય સેનાનું સર્ચ ઓપરેશન યથાવત છે.

ભરૂચ: વાગરાના પણીયાદરા ગામ નજીક અકસ્માત, 2ના મોત

ભરૂચ: વાગરાના પણીયાદરા ગામ નજીક અકસ્માત સર્જાયો છે. અકસ્માતમાં બે યુવાનોના મોત થયા છે. વહેલી સવારે ટ્રકે બાઈકને અડફેટે લીધો. બાઈક સવાર યુવાનોના ઘટનાસ્થળે કરુણ મોત થયા છે.

ખડગે આજે દિલ્હીમાં એક વિશાળ રેલીને સંબોધશે

કોંગ્રેસ અધ્યક્ષ મલ્લિકાર્જુન ખડગે આજે દિલ્હીમાં એક વિશાળ રેલીમાં પાર્ટીનું બંધારણ બચાવો ના નારા લગાવશે. તે વકફ પ્રોપર્ટી એમેન્ડમેન્ટ બિલનો પણ વિરોધ કરશે અને જાતિની વસ્તી ગણતરીની માંગને આગળ વધારશે.

સુરતનું ઈચ્છાપોર પોલીસ સ્ટેશન દેશભરમાં પ્રથમ ક્રમે

• સુરતનું ઈચ્છાપોર પોલીસ સ્ટેશન દેશભરમાં પ્રથમ ક્રમે
• ઓડિશામાં દેશનાં સર્વશ્રેષ્ઠ પોલીસ સ્ટેશનના નામની ઘોષણા
• ઓડિશાના ભુવનેશ્વરમાં યોજાયેલ DGP સંમેલનમાં જાહેરાત
• દેશભરનાં પોલીસ સ્ટેશનમાં કેન્દ્રીય ગૃહમંત્રાલયે કરાવ્યું હતુ સર્વેક્ષણ
• કેન્દ્રીય ગૃહપ્રધાને ઇચ્છાપોર પોલીસ સ્ટેશનનાં PIને ટ્રોફી કરી એનાયત
• 3 દિવસીય સંમેલનમાં 3 પોલીસ સ્ટેશનને કરાયા સન્માનિત
• વર્ષ 2019 બાદ ફરી એકવાર ગુજરાતનું પોલીસ સ્ટેશન સન્માનિત
• 5 વર્ષ બાદ ફરીથી સન્માન મળતા પોલીસ બેડામાં હર્ષની લાગણી
• ઇચ્છાપોર પોલીસ સ્ટેશનની કામગીરીને બિરદાવાઇ

પંચમહાલ: ગોધરાની મજૂર અદાલતમાં બની ચોંકાવનારી ઘટના

• પંચમહાલ: ગોધરાની મજૂર અદાલતમાં બની ચોંકાવનારી ઘટના
• ચાલુ કોર્ટમાં ન્યાયાધીશને અરજદાર દ્વારા લાંચ આપવાનો પ્રયાસ
• બંધ કવરમાં રૂ.35 હજારની રકમ આપવાનો અરજદારે કર્યો પ્રયાસ
• કવરમાં કેસ નંબર સહિતની વિગતો સાથે લાંચ આપવાનો પ્રયાસ
• ન્યાયાધીશને ધ્યાને વિગતો આવતા તાત્કાલિક પોલીસને કરાઇ જાણ
• અરજદારની અટકાયત, ગોધરા ACBમાં નોંધાઇ ફરિયાદ
• ભાદર ડેમ વિતરણ પેટા વિભાગમાં રોજમદાર તરીકે સેવા આપતો હતો અરજદાર
• છુટા કરેલા રોજમદારને પુનઃસ્થાપિત કરવાનો ચાલી રહ્યો છે કેસ

દેવભૂમિ દ્વારકાથી પકડાયો દેશનો ગદ્દાર

દેવભૂમિ દ્વારકાથી પકડાયો છે દેશનો ગદ્દાર. માત્ર 200 રૂપિયા માટે તેણે પાકિસ્તાનને મોકલી દીધી કોસ્ટગાર્ડની માહિતી. ગુજરાત ATSએ દેવભૂમિ દ્વારકાથી દેશદ્રોહી દિપેશને દબોચ્યો છે.. ભારતીય સુરક્ષા એજન્સીની જાસૂસી કરતા ભારતીય નાગરિકની જ ધરપકડ કરાઈ છે.. હનીટ્રેપમાં ફસાઈને અગાઉ અનેક લોકોએ પાકિસ્તાની એજન્ટને દેશની સુરક્ષાને લગતી માહિતી લીક કરી છે.. આવું જ આરોપી દિપેશ ગોહિલે પણ કર્યું.. છેલ્લા 3 વર્ષથી તે પાકિસ્તાન માટે જાસૂસી કરતો હતો.. તે કોસ્ટગાર્ડ શીપમાં વેલ્ડિંગનું કામ કરતો હતો.. અને તેની જ આડમાં તે પાકિસ્તાની એજન્ટને માહિતી પહોંચાડતો.. કોસ્ટગાર્ડની શીપ અને તેનું લોકેશન આપતો હતો..

અમદાવાદઃ ખ્યાતિ હોસ્પિટલકાંડમાં તપાસનો ધમધમાટ

• અમદાવાદઃ ખ્યાતિ હોસ્પિટલકાંડમાં તપાસનો ધમધમાટ
• આરોપી પ્રતિક ભટ્ટના ઘરે ક્રાઈમ બ્રાન્ચની તપાસ
• પ્રતિક ભટ્ટ ખ્યાતી હોસ્ટિલમાં માર્કેટિંગ એક્ઝિક્યુટિવની પોસ્ટ પર હતો
• પ્રતિક ભટ્ટની સૂચના મુજબ થતું હતું કેમ્પનું આયોજન
• 100થી વધુ મેડિકલ કેમ્પ કર્યાનું આવ્યું સામે

પાટણ: બાળ તસ્કરી કેસમાં મોટો ખુલાસો

• પાટણ: બાળ તસ્કરી કેસમાં મોટો ખુલાસો
• નકલી તબીબ સુરેશ ઠાકોરે જે બાળક વેચ્યુ હતું તે મળી આવ્યુ
• પાલનપુર બાળ શિશુગૃહમાં હાલ દેખરેખ હેઠળ છે બાળક
• આરોપી સુરેશ અને શિલ્પા ઠાકોરે ત્યજ્યું હતું બાળક
• રૂ. 1લાખ 20હજારમાં બાળકનો નક્કી કર્યો હતો સોદો
• રૂપસિંહ ઠાકોર નામના શખ્સે સુરેશ અને શિલ્પા ઠાકોરને પરત કર્યું હતું બાળક
• ગેરકાયદે બાળક દત્તક લેવા અંગે નોંધાઇ હતી ફરિયાદ
• બાળક વેચવાના કેસમાં મહિલા આરોપી સહિત એક વ્યક્તિની ધરપકડ

આરોપીઓના ઘરમાં ક્રાઇમ બ્રાન્ચની ટીમે હાથ ધર્યુ સર્ચ ઓપરેશન

• અમદાવાદ: ખ્યાતિ હોસ્પિટલ બોગસ ઓપરેશન કાંડ
• આરોપીઓના ઘરમાં ક્રાઇમ બ્રાન્ચની ટીમનું સર્ચ
• આરોપી પંકિલ પટેલના ઘરે ક્રાઇમ બ્રાન્ચની તપાસ
• આરોપીને સાથે રાખી પોલીસે કરી કાર્યવાહી

જુનાગઢના સાધુ સંતોનાં વિવાદ મામલે મોટા સમાચાર

• જુનાગઢના સાધુ સંતોનાં વિવાદ મામલે મોટા સમાચાર
• બ્રહ્મલીન તનસુખગીરી હસ્તકના મંદિરમાં વહીવટદારની નિમણૂક
• અંબાજી, ગુરૂ દત્તાત્રેય અને ભીડભંજન મંદિરમાં જૂનાગઢ મામલતદારની વહીવટદાર તરીકે નિમણૂક
• ભવનાથ મહંતની સામે થયેલા આક્ષેપની તપાસ શરૂ
• અખાડાના લેટર અંગે પોલીસ અને FSLની મદદથી તપાસૉ
• ભવનાથ મંદિરમાં જે શરતો છે તે મુજબની કામગીરી થઈ રહી છે કે કેમ તે અંગે રિપોર્ટ મંગાવવામાં આવ્યો
• રિપોર્ટ આવ્યા બાદ સરકાર વધુ કાર્યવાહી કરશે

અંબાજી મંદિરનો ગાદી વિવાદમાં ભળ્યુ રાજકારણ, પૂર્વ મેયર ગિરીશ કોટેચા મેદાને

જુનાગઢના ગિરનાર અંબાજી મંદિરના વિવાદમાં સાધુસંતો વચ્ચે આક્ષેપબાજી બાદ હવે તેમાં રાજકીય રંગ ભળ્યો છે. આ મામલે મહેશગીરી બાપુ અને પૂર્વ ડેપ્યુટી મેયર ગિરીશ કોટેચા આમને સામને આવી ગયા છે. ગિરનાર અંબાજી મંદિરના મહંત તનસુખગીરી બાપુના બ્રહ્મલીન થયા બાદ તેમનું પદ સોંપવાને લઈને હરીગીરીબાપુ અને મહેશગીરી બાપુ વચ્ચે જોરદાર જંગ જામ્યો છે. આ વિવાદમાં ગીરિશ કોટેચાએ ઝંપલાવતા વિવાદ વકર્યો છે.. તેમણે સાધુઓને શાંત થવા અપીલ કરી હતી. અને એ જ અપીલ સાંભળી મહેશગીરી અકળાઈ ગયા છે. એક દિવસ પહેલા તેમણે ગીરિશ કોટેચાને આડેહાથ લીધા. હવે કોટેચા પણ મેદાને આવી ગયા.

કોટેચાએ મહેશગીરીના જૂના ફોટા વાયરલ કરવાની સાથે તેમના વિવાદીત ભૂતકાળને ઉખેડ્યો છે. ગીરિશ કોટેચા તમામ આક્ષેપો ફગાવતા સામો આરોપ લગાવી રહ્યા છે કે, મહેશગીરી ખોટી રીતે ભૂતનાથમાં આવીને રહ્યા છે.

વડોદરા: પાદરાના શિહોર પાસેની કેનાલમાં ગાબડા

વડોદરા: પાદરાના શિહોર પાસેની કેનાલમાં ગાબડા પડ્યા છે. વીરપુર માઇનર કેનાલમાં અનેક જગ્યાએ ગાબડા પડ્યા. પાણી જાહેર માર્ગ અને ખેતરોમાં ફરી વળતા હાલાકી થઇ રહી છે. તૂટેલી કેનાલમાં પાણી છોડાતા લાખો લીટર પાણીનો વેડફાટ થયો છે. નર્મદા નિગમની કામગીરી સામે ખેડૂતોએ રોષ વ્યક્ત કર્યો. કેનાલમાં ઝાડી-ઝાંખર સાફ નહીં કરાતા હોવાની પણ રાવ છે. પાણી ફરી વળતા શિયાળુ પાકને નુકસાન થવાની ભીતિ છે. રજૂઆતો બાદ પણ તંત્રએ કામગીરી નહીં કર્યાનો આક્ષેપ થઇ રહ્યો છે.

હરણી બોટ દુર્ઘટનાના પીડિતોને કોન્ટ્રાક્ટર કોટિયા મેસર્સે આપવુ પડશે વળતર

વડોદરા હરણી બોટ દુર્ઘટના મામલામાં કોન્ટ્રાક્ટર કોટિયા મેસર્સે પીડિતોને વળતર આપવું પડશે. પીડિત પરિવારોને મોટર વ્હિકલ એક્ટ હેઠળ કોન્ટ્રાક્ટરે વળતર ચૂકવવું પડશે. પીડિતોના વકીલ ઉત્કર્ષ દવેની અરજી પર હાઇકોર્ટમાં સુનાવણી થઇ. મૃતકો અને ઇજાગ્રસ્તોને વળતર આપવાની માગ પર સુનાવણી થઇ. જેમા વડોદરા કલેકટરને નાયબ કલેક્ટર કક્ષાના અધિકારીની નિમણૂક કરવા HCએ હુકમ કર્યો.

મહેસાણા: સિવિલમાં ઘૂસીને ખાનગી હોસ્પિટલોનું માર્કેટિંગ !

મહેસાણા: સિવિલમાં ઘૂસીને ખાનગી હોસ્પિટલોનું માર્કેટિંગ  થતુ હોવાનું સામે આવ્યુ છે. ખ્યાતિ કાંડ બાદ મહેસાણા સિવિલમાં ચોંકાવનારા બનાવ બન્યા છે. ખાનગી હોસ્પિટલના એજન્ટ સિવિલમાં ઘૂસતા હોવાનો આક્ષેપ થયો છે. સિવિલમાં સારવાર લેતાં દર્દીઓને ખાનગી હોસ્પિટલમાં લઈ જવાનો પ્રયાસ થઇ રહ્યો છે. એજન્ટોને હોસ્પિટલમાં પ્રવેશતા રોકવા સિવિલમાં બાઉન્સર મુકાયા. દર્દીના પરિવારજનોની ફરિયાદ બાદ વહીવટી તંત્રએ બાઉન્સર મુક્યા છે.

છેલ્લાં 3 વર્ષમાં જ BZની સ્કીમનો વધ્યો હતો વ્યાપ

BZ ગ્રુપ સામે CID ક્રાઈમની કાર્યવાહીમાં  સ્કીમમાં રાજકારણીઓ, પોલીસ અધિકારીઓના પણ રોકાણ હોવાનો દાવો કરવામાં આવ્યો છે. સ્થાનિક પોલીસ અધિકારીએ સમગ્ર નેટવર્ક ગોઠવવામાં મદદ કરી હોવાની સૂત્રો પાસેથી માહિતી મળી છે. છેલ્લાં 3 વર્ષમાં જ BZની સ્કીમનો વ્યાપ વધ્યો હતો. જેને કૌભાંડની ખબર પડતી તેને રૂપિયા પહોંચાડ્યા . રૂપિયા પહોંચાડી મામલો સગેવગે કરવાનો  પ્રયાસ કરાતો. 3 મહિના પહેલાં મામલો CID ક્રાઈમમાં પહોંચતા કૌભાંડનો પર્દાફાશ થયો છે.

ગુજરાત ATSએ વધુ એક જાસૂસની કરી ધરપકડ

ગુજરાત ATSએ વધુ એક જાસૂસની ધરપકડ કરી છે. કોસ્ટગાર્ડની જરૂરી માહિતી પહોંચાડનાર જાસૂસ પકડાયો છે. દેવભૂમિ દ્વારકાથી દીપેશ ગોહેલની ધરપકડ કરવામાં આવી છે. પાકિસ્તાની જાસૂસી એજન્સીઓને માહિતી મોકલતો હતો. કોસ્ટગાર્ડની શીપની હલચલની માહિતી આપતો હતો.

સંભલમાં સર્વેના નિર્ણય સામે સુપ્રીમ કોર્ટે ઉઠાવ્યો વાંધો

સંભલમાં સર્વેના નિર્ણય સામે સુપ્રીમ કોર્ટે વાંધો ઉઠાવ્યો છે. આ મામલે નીચલી કોર્ટને કોઈ કાર્યવાહી ન કરવા આદેશ આપ્યો છે. સુપ્રિમ કોર્ટેમાં મસ્જિદ કમિટીની અરજી પર સુનાવણી થઈ છે. જેમાં જિલ્લા અદાલતના સર્વેના આદેશને પડકારવામાં આવ્યો હતો. કોર્ટે મસ્જિદના સર્વેક્ષણનો નિર્દેશ કર્યો હતો. સુપ્રિમ કોર્ટે જ્યાં સુધી મસ્જિદ કમિટી હાઈકોર્ટમાં અરજી ન કરે ત્યાં સુધી કેસ આગળ ન વધારવા આદેશ આપ્યો છે.

કચ્છના ભચાઉના લાકડીયા પાસેથી કોકેઈન ડ્રગ્સ પકડાયું

કચ્છના ભચાઉના લાકડીયા પાસેથી કોકેઈન ડ્રગ્સ પકડાયું છે. 147 ગ્રામ કોકેઈનનો જથ્થો જપ્ત કરાયો. 2 મહિલા અને 2 પુરૂષ ડ્ર્ગ્સ સાથે ઝડપાયા છે. બનેવીના કહેવાથી બેન અને ભાઈ પંજાબથી કચ્છ લઈને આવ્યો હતો. 1.47 કરોડનું ડ્રગ્સ ઝડપાયુ.

સુરત: PMLA અંતર્ગત ED દ્વારા હાથ ધરાઇ કાર્યવાહી

સુરત: PMLA અંતર્ગત ED દ્વારા કાર્યવાહી હાથ ધરાઇ. મૈત્રી એન્ટરપ્રાઇઝ અને VC મેટલ્સ સામે કાર્યવાહી કરવામાં આવી. રાજેશ લાખાણીના નામે આવેલી સંપત્તિ જપ્ત કરાઇ. EDએ 1.84 કરોડની સંપત્તિ જપ્ત કરી. વર્ષ 2002ના ગેરકાયદે બેટિંગ કેસ મામલે કાર્યવાહી કરવામાં આવી છે. હરીશ ઉર્ફે કમલેશ જરીવાલા સહિતના લોકો સામે ગુનો નોંધાયો.

અભિનેત્રી શિલ્પા શેટ્ટીના પતિ રાજ કુન્દ્રાના ઘરે EDના દરોડા

નિર્માતા રાજ કુન્દ્રાના ઘરે EDએ દરોડા પાડ્યા છે. રાજ કુન્દ્રા અભિનેત્રી શિલ્પા શેટ્ટીના પતિ છે અને EDએ પોર્નોગ્રાફી કેસ સાથે જોડાયેલા લોકો પર દરોડા પાડ્યા છે. EDના અધિકારીઓ સવારે 6 વાગ્યાથી સાંતાક્રુઝમાં શિલ્પા શેટ્ટીના ઘરે તપાસ કરી રહ્યા છે. રાજ કુન્દ્રાની અગાઉ પોર્નોગ્રાફીના કેસમાં ધરપકડ કરવામાં આવી હતી.

સુરત: જિલ્લામાં તસ્કરોનો તરખાટ યથાવત

સુરત: જિલ્લામાં તસ્કરોનો તરખાટ યથાવત જોવા મળી રહ્યો છે. ઓલપાડના ગોથાણ ગામે તસ્કરે પેટ્રોલ પંપને નિશાન બનાવ્યું છે. મોડી રાત્રે રોકડ ભરેલા પર્સની ઉઠાંતરી કરી હતી. ચોરીની ઘટના CCTVમાં કેદ થઈ છે. પેટ્રોલ, ડીઝલ વેચાણની 78 હજાર સાતસોની રોકડ લઈ ચોર ફરાર થઇ ગયો. ઓલપાડ પોલીસે તપાસનો ધમધમાટ શરુ કર્યો છે.

મોરબી: પેપર મિલ અને બાંધકામ સાથે સંકળાયેલા ગ્રુપ પર દરોડા

મોરબી: પેપર મિલ અને બાંધકામ સાથે સંકળાયેલા ગ્રુપ પર દરોડા પાડવામાં આવ્યા છે. તીર્થક ગ્રુપ પર વહેલી સવારે IT વિભાગે દરોડા પાડ્યા. તીર્થક ગ્રુપની ઓફિસ અને કારખાનામાં તપાસ કરાઇ. તીર્થક ગ્રુપના મોભી જીવરાજ ફુલતરિયાના ઘરે પણ તપાસ કરાઇ. મોટી માત્રામાં બેનામી વ્યવહાર હાથ લાગે તેવી શક્યતા છે. 70 જેટલી ટીમ તપાસ કામગીરીમાં જોડાઇ. પોલીસ બંદોબસ્ત સાથે IT વિભાગે દરોડા પાડ્યા.

સુરતની કોર્ટમાં બોગસ સોલવન્સી સર્ટિફિકેટ રજૂ કરનાર પકડાયો

સુરતની કોર્ટમાં બોગસ સોલવન્સી સર્ટિફિકેટ રજૂ કરનાર પકડાયો છે. જામીનદાર મહેશ બચુ સિપ્રા સામે ઠગાઇનો ગુનો નોંધી ધરપકડ કરાઇ. આરોપીને છોડાવવા જામીનદારે મૂકેલું સોલવન્સી સર્ટી બોગસ નીકળ્યું. ખટોદરાના ગુનાના આરોપીને છોડાવવા બોગસ દસ્તાવેજ રજૂ કર્યા હતા. જજે સર્ટિફિકેટની જેતપુર મામલતદારથી ખરાઇ કરાવતા બોગસ નીકળ્યા. જેતપુરના રેકોર્ડમાં મહેશ બચુનામની કોઇ અરજી નહોતી થઇ. જામીનદાર આરોપીને ઓળખતો નહોતો છતાં ખોટી ઓળખ આપી. બોગસ સોલવન્સ સર્ટિફિકેટ ઉભું કરીને આરોપીને છોડાવવા પ્રયાસ કર્યો.

મધ્યપ્રદેશ: ખંડવામાં મશાલ રેલી દરમિયાન ભયાવહ દુર્ઘટના

મધ્યપ્રદેશ: ખંડવામાં મશાલ રેલી દરમિયાન ભયાવહ દુર્ઘટના બની છે. આગ ભડકી ઉઠતા 30 લોકો દાઝ્યા છે. શહીદોના સ્મરણમાં ઘંટાઘર ચોક પર શ્રદ્ધાંજલિ સભા યોજાઈ હતી. મશાલ રેલી પૂર્ણ થયા બાદ મશાલ નીચે મૂકતી વખતે દુર્ઘટના બની. કેટલીક મશાલ ઊંધી પડતાં તેલ ફેલાયું અને આગ ભભૂકી. આગે વિકરાળ રૂપ ધારણ કરતાં સભામાં અરાજકતા ફેલાઈ. 30 જેટલાં લોકો દાઝી જતાં સારવાર માટે હોસ્પિટલ ખસેડવામાં આવ્યા છે.