ભારત-ઓસ્ટ્રેલિયા વર્લ્ડ કપ મેચ : સમગ્ર નરેન્દ્ર મોદી સ્ટેડિયમમાં ભુરા રંગે રંગાયુ
વર્લ્ડકપની મેચ જોવા માટે ક્રિકેટ રસિકો દેશ- વિદેશથી મેચ જોવા માટે અમદાવાદમાં આવ્યા છે. તેમજ મેચ જોવા માટે મહાઅનુભાવો પણ અમદાવાદમાં હાજર છે. ભારતના અનેક રાજ્યો સાથે ઇન્ગલેન્ડ, દુબઇ અને ઓસ્ટ્રેલિયા સહિતના દેશોથી લોકો આવી પહોંચ્યા છે. વિદેશમાં રહેતા જે ભારતના ચાહકો છે તે પણ સમર્થન કરી રહ્યા છે.સ્ટેડિયમમાં લાખો ચાહકો ઉમટી પડ્યા છે.'ભારત જીતશે'ના નારા લગાવી રહ્યા છે. ત્યારે વિદેશથી આવનારા ભારતીય ટીમના ચાહકોમાં ઉત્સાહ જોવા મળ્યો છે.

ભારત-ઓસ્ટ્રેલિયા વચ્ચે આજે વર્લ્ડકપનો મહામુકાબલો છે. તો બે દાયકા પછી ફાઈનલમાં ભારત-ઓસ્ટ્રેલિયા વચ્ચે મેચની ટકર થવાની હોવાથી ક્રિકેટ રસિકોમાં ભારે ઉત્સાહ જોવા મળ્યો છે.

મોટેરા સ્ટેડિયમ બહાર લાખો લોકોની કતારો જોવા મળી છે. મોટાભાગના ક્રિકેટ રસિકો બ્લ્યુ કલરના કપડામાં જોવા મળ્યા છે. તમામ લોકોમાં ઉત્સાહ કંઈક અલગ જ જોવા મળી રહ્યો છે.

તો આજે મેચ જોવા અમદાવાદના આંગણે સેલિબ્રિટીનો પણ જમાવડો જોવા મળ્યો છે.મેચ પહેલા એરપોર્ટ પર 50થી વધુ ચાર્ટડ પ્લેનનું આગમન થયુ હતુ.જેમાં 100થી વધુ VVIPનો જમાવડો થયો છે.

વર્લ્ડ કપમાં તમામ દર્શકોનું સઘન ચેકિંગ કર્યા બાદ જ સ્ટેડિયમમાં પ્રવેશ આપવામાં આવ્યો છે. તેમજ તમામ લોકો બ્લ્યુ કલરના કપડાઓમાં જોવા મળ્યા હતા.

ફાઈનલ ચેમ જોવા માટે તમામ અનેક લોકોએ ભગવાનની પૂજા - અર્ચના કરી હતી. તેમજ ભારતીય ટીમની જીત માટે લોકએ હવન કર્યા છે. તો કેટલાક લોકોએ ભારતીય ટીમનો ઉત્સાહ વધારવા માટે રંગોલી બનાવી છે. તેમજ ત્રિરંગા કલરના કપડાંમાં પણ જોવામાં મળ્યા છે. (તમામ ફોટો સૌજન્ય- પીટીઆઇ)