એ 1999 નો સમય હતો જ્યારે ટાટા મોટર્સની પ્રથમ કાર ટાટા ઇન્ડિકા બજારમાં કંઈ ખાસ કરી રહી ન હતી, વિદેશી કંપનીઓનું વર્ચસ્વ વધી રહ્યું હતું. આવી સ્થિતિમાં રતન ટાટાએ ટાટા મોટર્સ વેચવાનો નિર્ણય કર્યો અને બિલ ફોર્ડને મળ્યા. તે સમયે ફોર્ડ સારી કંપની હતી અને તેની પાસે Land Rover અને Jaguar જેવા લક્ઝરી સેગમેન્ટ હતા. બિલ ફોર્ડે ઘમંડી રીતે રતન ટાટાને ટોણા માર્યા હતા, પછી શું, રતન ટાટા આ ડીલ કર્યા વિના જ ભારત પરત ફર્યા અને ટાટા મોટર્સને નવી ઊંચાઈએ લઈ ગયા. જ્યારે 2008માં અમેરિકામાં મંદી દરમિયાન ફોર્ડની હાલત પણ ખરાબ થઈ ત્યારે રતન ટાટાએ Land Rover અને Jaguar સેગમેન્ટને 2.3 બિલિયન ડોલરમાં ખરીદ્યા અને આજે તે એક લક્ઝરી બ્રાન્ડ બની ગઈ છે.