Ravindra Jadeja IPL Trade: 12 વર્ષ સુધી CSK માટે રમ્યા પછી રવિન્દ્ર જાડેજાએ કેટલા પૈસા કમાયા?
રવિન્દ્ર જાડેજા 2012 માં પહેલીવાર CSK માં જોડાયા અને તેને 9.2 કરોડ રૂપિયાનો પગાર મળ્યો. ત્યારબાદ તેણે ચેન્નાઈ ફ્રેન્ચાઈઝી સાથે 12 સિઝન વિતાવી અને હવે તેની CSK સાથેની સફરનો અંત આવી રહ્યો છે. CSK તરફથી રમતા રવિન્દ્ર જાડેજાએ જોરદાર કમાણી કરી છે.

ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજા ચેન્નાઈ સુપર કિંગ્સ છોડ્યા બાદ IPL 2026 સિઝન પહેલા સમાચારમાં છે. લાંબા સમયથી CSK નો ભાગ રહેલો જાડેજા હવે તેની જૂની ફ્રેન્ચાઈઝી રાજસ્થાન રોયલ્સમાં પાછો જઈ રહ્યો છે.

રાજસ્થાન રોયલ્સ અને ચેન્નાઈ સુપર કિંગ્સ વચ્ચે સંજુ સેમસન અને જાડેજાના ટ્રેડની ચર્ચા ઘણા દિવસોથી ચાલી રહી છે, અને હવે તે ઓફિશિયલ થવાની નજીક છે. આ સાથે રવિન્દ્ર જાડેજાનો CSK સાથેનો 12 વર્ષનો કાર્યકાળ સમાપ્ત થશે.

CSK સાથે આટલો સમય વિતાવનાર જાડેજાએ આ 12 વર્ષમાં ટીમને ત્રણ ટાઈટલ (વર્ષ 2018, 2021 અને 2023) જીતવામાં મદદ કરી છે, અને તે ફ્રેન્ચાઈઝનો સૌથી વધુ કમાણી કરનાર ખેલાડી પણ બન્યો છે.

2012માં જ્યારે જાડેજા CSK ફ્રેન્ચાઈઝમાં જોડાયો, ત્યારે તેને 9.2 કરોડ રૂપિયામાં ખરીદવામાં આવ્યો. ત્યારબાદ 2014માં તેનો પગાર ઘટાડીને 5.5 કરોડ રૂપિયા કરવામાં આવ્યો. તે 2018માં 7 કરોડ રૂપિયામાં CSKમાં પાછો ફર્યો. 2022માં તેને CSK દ્વારા ₹16 કરોડ રૂપિયામાં રિટેન કરવામાં આવ્યો અને 2025માં તેને CSK દ્વારા 18 કરોડ રૂપિયાના રેકોર્ડ બ્રેક પગાર સાથે રિટેન કરવામાં આવ્યો.

કુલ મળીને, જાડેજાએ CSK ફ્રેન્ચાઈઝ સાથે 12 સિઝન વિતાવી અને તે દરમિયાન જાડેજા અબજોપતિ બન્યો. CSK સાથેના તેના સમય દરમિયાન, જાડેજાએ કુલ 123.4 કરોડ રૂપિયા કમાયા, જે એમએસ ધોની 192.8 કરોડ રૂપિયા પછી ફ્રેન્ચાઈઝ માટે બીજા ક્રમની સૌથી વધુ કમાણી છે. (PC: PTI)
સ્ટાર ઓલરાઉન્ડર રવિન્દ્ર જાડેજા ચેન્નાઈ છોડી ફરી રાજસ્થાન તરફથી IPLમાં રમશે. રવિન્દ્ર જાડેજા સાથે જોડાયેલ તમામ સમાચાર વાંચવા અહીં ક્લિક કરો
