વિધાનસભા ચૂંટણી 2027

વિધાનસભા ચૂંટણી 2026

ચૂંટણી પંચે, ગત 15 માર્ચના રોજ, પશ્ચિમ બંગાળ, કેરળ, આસામ, તમિલનાડુ અને પુડુચેરીમાં એમ પાંચ રાજ્યમાં યોજાનારી વિધાનસભા ચૂંટણીઓની તારીખો જાહેર કરી હતી. બધા રાજ્યોમાં મતગણતરી માટેની તારીખ 4 મે નક્કી કરેલ છે. પશ્ચિમ બંગાળ વિધાનસભા ચૂંટણી બે તબક્કે યોજવાની જાહેરાત કરી હતી. મતદાનની પહેલો તબક્કો 23 એપ્રિલના રોજ અને બીજો તબક્કો 29 એપ્રિલના રોજ યોજાયો. પશ્ચિમ બંગાળમાં કૂલ 294 વિધાનસભા બેઠકો છે. તમિલનાડુની 234 સભ્યોની વિધાનસભા માટે 23 એપ્રિલના રોજ મતદાન યોજાયુ છે. કેરળ, આસામ અને પુડુચેરી માટે, મતદાનની તારીખ 9 એપ્રિલની નક્કી કરવામાં આવી હતી. ચાર રાજ્યો અને કેન્દ્રશાસિત પ્રદેશ પુડુચેરીમાં કુલ 824 વિધાનસભા બેઠકો છે. આ પ્રદેશોમાં કુલ 174 મિલિયન મતદારો અને 219,000 મતદાન મથકો છે.

પશ્ચિમ બંગાળમાં કુલ 294 વિધાનસભા બેઠકો છે, જ્યાં તૃણમૂલ કોંગ્રેસના નેતા મમતા બેનર્જી 2011 થી સતત સત્તામાં બિરાજમાન છે. પશ્ચિમ બંગાળમાં ચૂંટણીના પ્રથમ તબક્કા માટે જાહેરનામાની તારીખ 30 માર્ચ છે, જ્યારે બીજા તબક્કા માટે જાહેરનામાની તારીખ 2 એપ્રિલ છે. પ્રથમ તબક્કા માટે ઉમેદવારીપત્ર ભરવાની છેલ્લી તારીખ 6 એપ્રિલ છે, અને ઉમેદવારીપત્રો પાછા ખેંચવાની છેલ્લી તારીખ 9 એપ્રિલ છે. બીજા તબક્કા માટે, ઉમેદવારીપત્ર દાખલ કરવાની છેલ્લી તારીખ 9 એપ્રિલ છે, અને ભરાયેલા ઉમેદવારીપત્ર પાછા ખેંચવાની તારીખ 13 એપ્રિલ છે. પ્રથમ તબક્કામાં 152 વિધાનસભા બેઠકો અને બીજા તબક્કામાં 142 બેઠકો માટે મતદાન છે.

કેરળમાં કુલ 140 વિધાનસભા બેઠકો છે, જ્યાં ડાબેરી નેતા પિનરાયી વિજયન 2016 થી મુખ્યમંત્રી તરીકે સેવા આપી રહ્યા છે, જે લેફ્ટ ડેમોક્રેટિક ફ્રન્ટ (LDF) સરકારનું નેતૃત્વ કરે છે.

તમિલનાડુમાં કુલ 234 વિધાનસભા બેઠકો છે, જ્યાં DMK નેતા એમ.કે. સ્ટાલિન 7 મે, 2021 થી મુખ્યમંત્રી તરીકે સેવા આપી રહ્યા છે.

આસામમાં 126 વિધાનસભા બેઠકો છે; ભાજપ 2016 થી આ પૂર્વોત્તર રાજ્યમાં સત્તામાં છે, હિમંતા બિસ્વા શર્મા 2021 થી મુખ્યમંત્રી તરીકે સેવા આપી રહ્યા છે.

પુડુચેરીના મુખ્યમંત્રી, એન. રંગાસ્વામી, 2021 થી સત્તામાં છે. કેન્દ્રશાસિત પ્રદેશમાં કુલ 33 બેઠકો છે, જેમાં કેન્દ્ર દ્વારા નામાંકિત ત્રણ સભ્યોનો સમાવેશ થાય છે.

આ પાચેય રાજ્યોની વર્તમાન વિધાનસભાનો કાર્યકાળ પશ્ચિમ બંગાળમાં 7 મે, તમિલનાડુમાં 10 મે, આસામમાં 20 મે, કેરળમાં 23 મે અને પુડુચેરીમાં 15 જૂનના રોજ સમાપ્ત થવાનો છે. પશ્ચિમ બંગાળમાં 7.04 કરોડ, તમિલનાડુમાં 5.67 કરોડ, કેરળમાં 2.7 કરોડ, આસામમાં 2.5 કરોડ અને પુડુચેરીમાં 9.44 લાખ મતદારો છે. મતદાન મથક દીઠ મતદારોની સરેરાશ સંખ્યા 750 થી 900 ની વચ્ચે છે.