ક્રિપ્ટો

ક્રિપ્ટોને ક્રિપ્ટો કરન્સી તરીકે પણ ઓળખવામાં આવે છે. જેને એક ડિજિટલ કરન્સી પણ કહી શકાય છે. જેનો ઉપયોગ ઈન્ટરનેટ પર વ્યવહારો માટે થાય છે. આ કોઈ સરકાર કે બેંક દ્વારા નિયંત્રિત કરવામાં આવતી નથી. પરંતુ બ્લોકચેન ટેકનોલોજી નામની વિકેન્ટ્રિત સિસ્ટમ પર આધારિત છે. આ ટેકનોલોજીમાં દરેક વ્યવહારોનો રેકોર્ડ સેવ કરવામાં આવે છે. જેનાથી છેતરપિંડી થવાની શક્યતા ઓછી થાય છે.

ક્રિપ્ટોકરન્સી માટે ક્રિપ્ટોગ્રાફી નો ઉપયોગ કરે છે, જે સુરક્ષા અને ગોપનીયતા સુનિશ્ચિત કરે છે. બિટકોઈનએ પહેલી અને સૌથી પ્રખ્યાત ક્રિપ્ટોકરન્સી છે, જે 2009 માં લોન્ચ કરવામાં આવી હતી. આ ઉપરાંત, Ethereum, Litecoin અને Dogecoin જેવી ઘણી અન્ય ક્રિપ્ટોકરન્સી પણ છે.

લોકો ઓનલાઈન ખરીદી, રોકાણ અને આંતરરાષ્ટ્રીય વ્યવહારો માટે ક્રિપ્ટોનો ઉપયોગ કરે છે. જોકે, તેની કિંમતોમાં ઘણી વધઘટ થાય છે અને સરકારોના પણ તેના અંગે અલગ અલગ નિયમો છે. ભારતમાં ક્રિપ્ટોકરન્સીને લીગલ ટેન્ડર ગણવામાં આવતી નથી પરંતુ તેના પર ટેક્સ લગાવવામાં આવે છે.