IND vs AUS : ટીમ ઈન્ડિયાની નવી ODI જર્સી થઈ જાહેર, નવા અવતારમાં ઓસ્ટ્રેલિયામાં ધમાલ મચાવશે ખેલાડીઓ
ભારત અને ઓસ્ટ્રેલિયા વચ્ચેની પહેલી વનડે રવિવારે પર્થના ઓપ્ટસ સ્ટેડિયમમાં રમાશે. આ મેચ પહેલા, ટીમ ઈન્ડિયાની નવી વનડે જર્સી જાહેર કરવામાં આવી છે. જાણો નવી જર્સીમાં નવું શું છે.

ભારત અને ઓસ્ટ્રેલિયા વચ્ચેની ODI શ્રેણી 19 ઓક્ટોબરથી શરૂ થવાની છે. આ શ્રેણીની શરૂઆત પહેલા, ટીમ ઈન્ડિયાની નવી ODI જર્સી જાહેર કરવામાં આવી છે, જે પહેલાની જર્સી કરતા ઘણી અલગ દેખાય છે.

પર્થના ઓપ્ટસ સ્ટેડિયમમાં ધ્રુવ જુરેલ અને નીતિશ રેડ્ડી ટીમ ઈન્ડિયાની નવી ODI જર્સી પહેરેલા જોવા મળ્યા હતા. આ જર્સીમાં ખભા પર ત્રિરંગાના શેડ્સ અને આગળના ભાગમાં નવા સ્પોન્સરનો લોગો છે.

એપોલો ટાયર્સ ટીમ ઈન્ડિયાની જર્સીનો નવો સ્પોન્સર છે. ડ્રીમ11 સાથે BCCIના બ્રેકઅપ પછી, ટાયર કંપનીએ ટીમ ઈન્ડિયાના સ્પોન્સર બનવા માટે મોટી બોલી લગાવી હતી.

એપોલો ટાયર્સે BCCI સાથે ₹579 કરોડ (US$1.7 બિલિયન)નો કરાર કર્યો છે. આ કરાર 2027 સુધી માન્ય છે. એપોલો ટાયર્સ દરેક મેચ માટે BCCIને ₹4.5 કરોડ (US$1.7 બિલિયન) ચૂકવશે.

ટીમ ઈન્ડિયાની નવી જર્સીમાં વિરાટ કોહલી અને રોહિત શર્માનો ઓસ્ટ્રેલિયાનો આ છેલ્લો પ્રવાસ હોઈ શકે છે. બંને અનુભવી ખેલાડીઓ 2027 સુધી ODI રમશે, અને ટીમ ઈન્ડિયા આગામી બે વર્ષમાં ઓસ્ટ્રેલિયાનો પ્રવાસ કરવાનું નક્કી નથી. (PC: PTI / GETTY)
ઓસ્ટ્રેલિયા સામે વનડે શ્રેણીમાં ટીમ ઈન્ડિયાની નવી જર્સીમાં જોવા મળશે. ભારતીય ક્રિકેટ ટીમ સાથે જોડાયેલ તમામ સમાચાર વાંચવા અહીં ક્લિક કરો
