બોલિવુડ

હિન્દી ફિલ્મ ઈન્ડસ્ટ્રી જેને બોલિવુડના નામથી ઓળખવામાં આવે છે. બોલિવૂડનું નામ અંગ્રેજી ફિલ્મ ઈન્ડસ્ટ્રી હોલીવુડની તર્જ પર રાખવામાં આવ્યું હતું.

દાદાસાહેબ ફાળકેને ભારતીય સિનેમાના પિતા કહેવામાં આવે છે. ‘રાજા હરિશ્ચંદ્ર’ તેમની પ્રથમ હિન્દી ફિલ્મ હતી. આ પછી અશોક કુમાર, દેવાનંદ, રાજ કપૂર, દિલીપ કુમાર, ગુરુ દત્ત જેવા કલાકારોએ બોલીવુડનું નામ ઉંચુ કર્યું હતુ. વહીદા રહેમાન અને શર્મિલા ટાગોર જેવી અભિનેત્રીઓએ પણ ઇન્ડસ્ટ્રીમાં પોતાનું નામ કમાયું છે.
ત્યારબાદ સમય આગળ વધ્યો અને રાજેશ ખન્ના, ધર્મેન્દ્ર, અમરીશ પુરી, અમિતાભ બચ્ચન, સંજીવ કુમાર, વિનોદ ખન્ના, ઋષિ કપુર, શશિ કપુર, રેખા, હેમા માલિની, જીનત અમાન, પરવીન બાબીએ ઈન્ડસ્ટ્રીમાં ધમાલ મચાવી હતી. જેમાં સલીમ-જાવેદ લિખિત અને રમેશ શિપ્પી દ્વારા નિર્દેશિત ફિલ્મ ‘શોલે’ એક માઈલસ્ટોન રહી છે.

આ બધાની વચ્ચે શ્યામ બેનેગલ, ગોવિંદ નિહલાનીની સાથે નસીરુદ્દીન શાહ, ઓમ પુરી, સ્મિતા પાટિલ અને શબાના આઝમીએ બોલિવુડ હિટ ફિલ્મો આપી. શ્રીદેવી, અનિલ કપુર, જેકી શ્રોફ, માધુરી દીક્ષિત ઈન્ડસ્ટ્રીમાં નવી ઓળખ ઉભી કરી હતી. ત્યારબાદ શાહરુખ ખાન, સલમાન ખાન, આમિર ખાન, અજય દેવગણ અને અક્ષય કુમાર જેવા સ્ટાર્સે બોલિવુડને અલગ જ સ્તર પર લઈ ગયા હતા. પ્રિયંકા ચોપરા કરીના કપુર, ઋતિક રોશન, રણબીર કપુર, રણવીર કપુર, દીપિકા પાદુકોણ, કેટરીના કૈફ, આલિયા ભટ્ટ, આયુષ્માન ખુરાના, વરુણ ધવન, વિક્કી કૌશલ જેવા સ્ટાર આવ્યા અને પોતાની ધાક જમાવી.