Breaking News : તમિલનાડુમાં ભાજપે રમી મોટી રમત, વિજય થલાપતિને નાયબ મુખ્યમંત્રી પદ સહિત મોટી ઓફર આપી

તમિલનાડુની રાજનીતિમાં સિનેમા અને રાજકારણનો હંમેશા ઉંડો સંબંધ રહ્યો છે. હવે આમાં એક નવો અધ્યાય જોડાતો જોવા મળી રહ્યો છે. મીડિયા રિપોર્ટ મુજબ ભાજપે રાજ્યની સત્તામાં પોતાની પકડ મજબુત કરવા માટે અભિનેતામાંથી નેતા બનેલા વિજયની પાર્ટી ટીવીકેને ગંઠબંધનની ખુલ્લી ઓફર આપી છે. સુત્રોનો દાવો છે કે,ભાજપે વિજયની સામે નાયબ મુખ્યમંત્રીનું પદનો પણ પ્રસ્તાવ રાખ્યો છે. એક રિપોર્ટમાં ભાજપના સુત્રો દ્વાર કહેવામાં આવ્યું કે, પાર્ટીએ ગઠબંધન હેઠળ ટીવીકેની 80 સીટ આપવાની પણ વાત કરી છે.

2 ટકા મત પણ ગેમ પલટી નાંખે

ભાજપના રણનીતિકારો માને છે કે તમિલનાડુની હાઈવોલ્ટેજ લડાઈવાળી ચૂંટણીઓમાં, ફક્ત 2 ટકા મતનો તફાવત પણ પરિવર્તન લાવી શકે છે. રાજ્યના ચૂંટણી ઇતિહાસમાં ખુબ ઓછા માર્જિનથી પણ જીત-હારનો નિર્ણય લેવાયે છે. ત્યારે વિજયનું સમર્થન ભાજપ માટે નિર્ણાયક સાબિત થઈ શકે છે. વિજયની લોકપ્રિયતાને જોઈ ભાજપે તેને પોતાની સાથે ગઠબંધન કરવા માટે એડી ચોટીનું જોર લગાવી રહી છે.

વિજયની નજર મુખ્યમંત્રીની ખુરશી પર

ભાજપે ભલે વિજયને નાયબમુખ્યમંત્રી નું પદ અને 80 સીટની ઓફર આપી હોય પરંતુ અભિનેતા વિજયની નજર મુખ્યમંત્રીની ખુરશી પર રહેલી છે. રાજનીતિક વિશ્લેષકોનું કહેવું છે કે, વિજય પોતાની પહેલી ઈનિગ્સમાં મુખ્ય ભુમિકા નિભાવવા માંગે છે. એવું પણ કહેવું છે કે, વિજયે પોતાના રાજકારણની શરુઆત ત્રીજા વિકલ્પ અને સ્વતંત્ર તાકતના રુપમાં કરી હતી.સલાહકારનું માનવું છે કે, આટલી જલ્દી રાષ્ટ્રીય ગઠબંધનનો ભાગ બનવાથી તેની નવી અને અલગ રાજકારણની છાપ ધુંધળી થઈ શકે છે.

વિજય પર દબાણ લાવવાના પ્રયાસો

તેમણે કહ્યું કે, રાજ્યમાં રાજકીય પક્ષો પૈસાથી મતદારોને પ્રભાવિત કરવાનો પ્રયાસ કરી શકે છે, પરંતુ તેઓ સફળ થશે નહીં. વિજયે કહ્યું કે,ચૂંટણી દરમિયાન પૈસા વહેંચવામાં આવે તો પણ, આખરે મતદારો જ મતદાન કરશે અને નિર્ણય ટીવીકેના પક્ષમાં આવશે. દરમિયાન, વિજયને ચૂંટણી પહેલા અનેક પડકારોનો સામનો કરવો પડશે.કરુર નાસભાગ કેસની તપાસ અને સીબીઆઈના વારંવાર સમન્સને કારણે તેમના માટે રાજકીય અને વ્યવહારિક મુશ્કેલીઓ ઊભી થઈ છે. સૂત્રો જણાવે છે કે, આ કેસનો ઉપયોગ કરીને વિજય પર દબાણ લાવવાના પ્રયાસો થઈ રહ્યા છે.

અભિનેતામાંથી રાજકારણમાં એન્ટ્રી કરનાર વિજય થલાપતિની કરુરની રેલીમાં ભાગદોડથી 39ના મોત, આવો છે સ્ટારનો પરિવાર અહી ક્લિક કરો