આલિયા ભટ્ટ

આલિયા ભટ્ટનો જન્મ 15 માર્ચ 1993 ના રોજ થયો હતો. બોલિવુડ એક્ટ્રેસ આલિયા ભટ્ટે પોતાની એક્ટિંગથી બોલિવુડમાં એક અલગ ઓળખ બનાવી છે. આલિયાએ પોતાના ફિલ્મી કરિયરની શરૂઆત કરણ જોહરની ફિલ્મ સ્ટુડન્ટ ઓફ યરથી કરી હતી.

આલિયાએ તેના કરિયરમાં અલગ-અલગ રોલ પ્લે કર્યા છે. ફિલ્મ ઉડતા પંજાબ માટે તેને ફિલ્મફેર એવોર્ડ પણ મળ્યો હતો. એક્ટ્રેસ આલિયા ભટ્ટે ફિલ્મ “રાઝી”માં અંડર કવર ડિટેક્ટીવનો રોલ પ્લે કરીને સાબિત કર્યું કે તેની એક્ટિંગ શાનદાર છે.

આલિયાએ ગંગુબાઈ કાઠિયાવાડીમાં એક વેશ્યાવૃત્તિમાં સંકળાયેલી મહિલાના રોલ માટે તેને ખૂબ મહેનત કરી, 2022માં રિલીઝ થયેલી આ ફિલ્મમાં તેની જોરદાર એક્ટિંગ જોવા મળી હતી. આ ફિલ્મ માટે તેના ખૂબ વખાણ પણ થયા હતા. આ સિવાય આલિયાની ફિલ્મ રોકી ઔર રાની કી પ્રેમ કહાની પણ સુપરહિટ રહી હતી.

આલિયા ભટ્ટ અને રણબીર કપૂરે 5 વર્ષ ડેટિંગ કર્યા બાદ 14 એપ્રિલ 2022ના રોજ લગ્ન કર્યા હતા. લગ્ન પછી 6 નવેમ્બર 2022 ના રોજ કપલના ઘરે એક પરીનો જન્મ થયો. આલિયા-રણબીરે તેમની પુત્રીનું નામ રાહા કપૂર રાખ્યું છે.