Nayanthara Birthday : 100 કરોડનું ઘર, 200 કરોડની નેટવર્થ, 41મો જન્મદિવસ સેલિબ્રેટ કરી રહી છે અભિનેત્રી
સાઉથ સિનેમાની લેડી સુપરસ્ટાર નયનતારા આજે પોતાનો 41મો જન્મદિવસ સેલિબ્રેટ કરી રહી છે. તો આજે આપણે નયનતારાની પર્સનલ લાઈફ સાથે જોડાયેલી રસપ્રદ વાતો તેમજ તેની નેટવર્થ વિશે વિસ્તારથી વાત કરીએ.

સાઉથ સિનેમાની ફેમસ નયનતારા પોતાની અદાકારી અને સુંદરતાની સાથે સાથે પોતાની પર્સનલ લાઈફને લઈને પણ ચર્ચામાં રહી ચૂકી છે. સાઉથની લેડી સુપરસ્ટાર કહેવાતી નયનતારા સાઉથની સૌથી પૈસાદાર અભિનેત્રીમાં સામેલ છે.

નયનતારા પાસે કરોડોની સંપત્તિ છે અને તે એક હજાર કરોડની ફિલ્મમાં પણ કામ કરી ચૂકી છે. તો આજે આપણે અભિનેત્રીના 41માં જન્મદિવસ પર તેની સાથે જોડાયેલ કેટલીક ખાસ વાત વિશે વાત કરીએ

નયનતારાનો જન્મ 18 નવેમ્બર 1984ના રોજ કર્ણાટકના બેંગ્લોરમાં થયો હતો. તેનું રિયલ નામ ડાયના મરિયમ કુરિયન છે. નયનતારાએ પોતાની એક્ટિંગ કરિયર 19 વર્ષની ઉંમરે મલયાલમ ફિલ્મ શરુ કરી હતી.

તેની પહેલી ફિલ્મ Manassinakkare હતી. જે 2003માં રિલીઝ થઈ હતી પરંતુ તેને સાચી ઓળખ 2005માં ફિલ્મ ચંદ્રમુખી સાથે મળી હતી. જેમાં તે મેગાસ્ટાર રજનીકાંતની સાથે જોવા મળી હતી.

તેમણે પોતાના કરિયરમાં અરામ,શ્રી રામ રાજ્યમ,નાનુમ રાઉડી ઘાન, રાજા રાણી, માયા, બિલ્લા, વિશ્વાસમ અને જવાન જેવી અનેક હિટ ફિલ્મો આપી છે.

નયનતારાએ ફિલ્મમેકર વિગ્નેશ શિવન સાથે વર્ષ 2022માં લગ્ન કર્યા હતા. ત્યારબાદ કપલે જુડવા બાળકોનું વેલકમ કર્યું હતુ. નયનતારાના ચાહકો મોટી સંખ્યામાં છે.

નયનતારા ખુબ લક્ઝરી લાઈફ જીવે છે. ચેન્નાઈમાં તે તેના પરિવાર સાથે રહે છે. તે ઘરની કિંમત અંદાજે 100 કરોડ રુપિયા છે. તે પ્રાઈવેટ જેટની માલિક પણ ચે. આ સિવાય તેની પાસે અનેક લક્ઝરી કારો પણ છે. અભિનેત્રી નયનતારાની ટોટલ નેટવર્થ 200 કરોડ રુપિયા છે.
Nayanthara Family Tree: પતિ છે ડાયરેક્ટર ,જોડિયા બાળકોની માતા છે અભિનેત્રી જાણો તેના પરિવાર વિશે અહી ક્લિક કરો
