ઈશા અંબાણી સાથે ટક્કર લેશે નેવિલ ટાટા ! સંભાળી સ્ટાર બજારની કમાન, રતન ટાટા સાથે છે આ સંબંધ
ટાટા ગ્રૂપે નવી પેઢીને કમાન્ડ આપવાનું શરૂ કર્યું છે. રતન ટાટાના સાવકા ભાઈ નોએલ ટાટાના પુત્ર નેવિલ ટાટાને સ્ટાર બજારની કમાન સોંપવામાં આવી છે. એવું માનવામાં આવે છે કે ભવિષ્યમાં તેને હાઇપરમાર્કેટ બિઝનેસના સીઇઓ અથવા એક્ઝિક્યુટિવ ડિરેક્ટર બનાવવામાં આવી શકે છે.

દેશના સૌથી મોટા ઔદ્યોગિક ગૃહ ટાટા ગ્રુપમાં નવી પેઢીએ કમાન સંભાળવાનું શરૂ કરી દીધું છે. 32 વર્ષીય નેવિલ ટાટાએ સ્ટાર બજારના વડા તરીકે કાર્યભાર સંભાળ્યો છે. ટાટા ગ્રૂપની રિટેલ કંપની ટ્રેન્ટ લિમિટેડનું હાઇપરમાર્કેટ યુનિટ સ્ટાર બજાર છે. નેવિલ ટ્રેન્ટ લિમિટેડના ચેરમેન નોએલ ટાટાના પુત્ર છે. નોએલ રતન ટાટાના સાવકા ભાઈ છે, જે ગ્રૂપની હોલ્ડિંગ કંપની ટાટા સન્સના ચેરમેન એમેરેટસ છે. ટ્રેન્ટ હાઇપરમાર્કેટના બોર્ડમાં બિન-એક્ઝિક્યુટિવ ડિરેક્ટર તરીકે સેવા આપી હતી. મળતી માહિતી મુજબ કાર્યકારી ભૂમિકા મળતાંની સાથે જ તેમના દ્વારા આ પદ પરથી રાજીનામું આપવામાં આવ્યું છે.

એવી પણ માહિતી સામે આવ છે કે નેવિલ થોડાં વર્ષો પહેલાં ટાટા ગ્રૂપના હાઇપરમાર્કેટ બિઝનેસ સાથે સંકળાયેલો હતો પરંતુ પછી અભ્યાસ માટે અહીં થી વિદેશ ગયો હતો. ટ્રેન્ટ લિમિટેડ તેના હાઇપરમાર્કેટ બિઝનેસને આગામી વૃદ્ધિ ડ્રાઇવર તરીકે જોઈ રહી છે. ટ્રેન્ટ લિમિટેડના CEO પી વેંકટેસ્લુ છે. ટ્રેન્ટ પાસે વેસ્ટસાઇડ, Zudio અને ZARA પણ છે. બેયસ બિઝનેસ સ્કૂલનો વિદ્યાર્થી નેવિલ 2016માં જ ટ્રેન્ટ લિમિટેડનો ભાગ બન્યો હતો. તેણે કંપનીના પેકેજ્ડ ખાદ્યપદાર્થો અને પીણાંનું નેતૃત્વ કર્યું. તે પછી તેણે જુડિયોને સંભાળ્યો. આજે તે દેશની સૌથી મોટી એપરલ બ્રાન્ડ્સમાંની એક છે.

આ સિવાય એવી પણ માહિતી સામે આવી છે કે આ બિઝનેસનો હવાલો સંભાળશે ત્યારે નેવિલને નોએલ ટાટાનું ગાઢ માર્ગદર્શન પણ મળી શકે છે. તેઓ હાઈપરમાર્કેટના CEO અથવા એક્ઝિક્યુટિવ ડિરેક્ટર તરીકે ચાર્જ લઈ શકે છે. નોએલ ટાટાની દીકરીઓ પણ ટાટા ગ્રુપની કંપનીઓમાં સામેલ છે.

39 વર્ષીય લેહ ટાટાને તાજેતરમાં ભારતીય હોટેલ્સમાં ગેટવે બ્રાન્ડનો હવાલો સોંપવામાં આવ્યો હતો. તેણે થોડા વર્ષો સુધી તેમાં કામ કર્યું છે. તેવી જ રીતે 36 વર્ષની માયા ટાટા પણ ટાટા ડિજિટલમાં કામ કરે છે. તેને નવા યુગના વિશ્લેષણ અને ટેકનોલોજીમાં રસ છે.

ટાટા ગ્રુપના પાંચ ટ્રસ્ટના ટ્રસ્ટી તરીકે લેહ, માયા અને નેવિલને પણ સામેલ કરવામાં આવ્યા છે. આ ટ્રસ્ટો સર દોરાબજી ટાટા ટ્રસ્ટ અને સર રતન ટાટા ટ્રસ્ટ સાથે જોડાયેલા છે. વોલ્ટાસના ચેરમેન અને ટાટા ટ્રસ્ટના ટ્રસ્ટી પણ નોએલ ટાટા છે. ટાટા સન્સમાં 66% હિસ્સો ટાટા ટ્રસ્ટ્સનો છે.ટાટા ગ્રુપ અને બ્રિટિશ રિટેલર ટેસ્કો વચ્ચેનું સંયુક્ત સાહસ ટ્રેન્ટ હાઇપરમાર્કેટ છે. સ્ટાર બજાર હાઇપર અને સુપરમાર્કેટ ચલાવે છે. તેની સીધી સ્પર્ધા રિલાયન્સ રિટેલ સાથે છે, જે દેશની સૌથી મોટી રિટેલ કંપની છે. તેની કમાન મુકેશ અંબાણીની પુત્રી ઈશા અંબાણીના હાથમાં છે.
