Ganesh Chaturthi Decoration: બોલિવુડ સ્ટાઈલમાં સજાવો ગણપતિ બાપ્પાનું મંદિર, ફોલો કરો આ ટિપ્સ
Ganesh Chaturthi 2023: આ વખતે ગણેશ ચતુર્થી 19 સપ્ટેમ્બરે ઉજવવામાં આવી રહી છે. બોલિવૂડ સ્ટાર્સના ઘરે પણ બાપ્પાનું ધામધૂમથી સ્વાગત કરવામાં આવે છે. આ વખતે તમે તમારા ઘરના મંદિરને પણ બોલિવૂડ સ્ટાઇલમાં સજાવી શકો છો.

ગણપતિ બાપ્પાના આસનને સજાવવા માટે હળવા રંગના પડદાનો ઉપયોગ કરો. આ માટે તમે ઘરમાં રાખેલા દુપટ્ટાનો ઉપયોગ કરી શકો છો. આ પછી, રંગબેરંગી ફૂલોની લાંબી માળા બાંધીને શણગારો.

આ ગણેશ ચર્તુર્થીએ શિલ્પા શેટ્ટીની જેમ તમારા ઘરના મંદિરને કેળા અને કેરીના પાનથી સજાવો. તેની સાથે સફેદ અને પીળા ફૂલોનો ઉપયોગ કરી શકાય છે.

જો તમારા ઘરમાં કોઈ મોટું મંદિર બનેલું છે તો તેને સફેદ ઓર્કિડના ફૂલો અને પાંદડાથી સજાવો અથવા તમે મંડપ બનાવવા માટે લાકડાની ફ્રેમ તૈયાર કરી શકો છો અને તેને ફૂલો અને પાંદડાઓથી સજાવી શકો છો. જો તમે ઈચ્છો તો આની સાથે લાઈટનો પણ ઉપયોગ કરી શકો છો.

પીળો રંગ ગણપતિ બાપ્પાનો પ્રિય માનવામાં આવે છે. આ ગણેશ ચતુર્થી, તમારા ઘરના મંદિરને પીળા અને સફેદ ફૂલોથી સજાવો, લાલ ફૂલોનો ઉપયોગ કરીને શણગાર વધુ સુંદર લાગશે.

જો તમારે થીમ આધારિત ડેકોરેશન કરવું હોય તો તમે આ ગણેશ ચતુર્થીએ કોઈપણ એક રંગના ફૂલોનો ઉપયોગ કરી શકો છો. જેમ કે શિલ્પા શેટ્ટીના મંદિરને પાંદડા અને પીળા ફૂલોથી સુંદર રીતે શણગારવામાં આવ્યું છે.