બકરી ચરાવવા જતો હતો આ પ્લેયર, માતા લોકોના ઘરે જઈ ધોતી હતી કપડાં, ઓક્શનમાં થયો રુપિયાનો વરસાદ
વેસ્ટ ઈન્ડીઝનો આ ટેલેન્ટેડ ક્રિકેટર અત્યારે ભલે લાવિસ લાઈફ જીવી રહ્યો છે પરંતુ તેનું બાળપણ મુશ્કેલીઓથી ભરેલું હતું. પોવેલને આ સ્થાન સુધી લઈ જવામાં તેની માતાએ મહત્વની ભૂમિકા ભજવી છે. આ ક્રિકેટરની બાળપણની વાત સાંભળીને તમે પણ ભાવુક થઈ જશો.

વેસ્ટ ઈન્ડીઝનો ખેલાડી રોવમેન પોવેલ આઈપીએલ 2024માં રાજસ્થાન રોયલ્સની ટીમનો ભાગ છે. આઈપીએલ ઓક્શનમાં રાજસ્થાન રોયલ્સે વિન્ડીઝના ખેલાડી રોવમેન પોવેલને 7.40 કરોડમાં ખરીદ્યો છે. પરંતુ શું તમે જાણો છો કે વેસ્ટ ઈન્ડિઝના આ ખેલાડીને ક્રિકેટમાં આ સ્થાન સુધી પહોંચવા માટે કેવા સંઘર્ષમાંથી પસાર થવું પડ્યું?

રોવમેન પોવેલ જ્યારે તેની માતાના ગર્ભમાં હતો ત્યારે તેના પિતા તેને ગર્ભમાં જ મારી નાખવા માંગતા હતા. આ માટે પોવેલના પિતાએ તેની માતાને ગર્ભપાત કરાવવાનો પ્રયાસ કર્યો હતો. પરંતુ તેના પિતા તેની માતા સાથે સહમત ન હતા. માતાએ કહ્યું કે તે આ બાળકને જન્મ આપશે અને આજે એ જ બાળક મોટો થઈને દેશને ગૌરવ અપાવી રહ્યો છે. પોવેલે ઘણી વખત પોતાની શાનદાર ઈનિંગ્સ વડે ટીમને યાદગાર જીત અપાવી છે.

રોવમેન પોવેલ અને તેની બહેનનું પાલનપોષણ તેની માતાએ કર્યો હતો. પોવેલની માતાએ તેના પુત્ર અને પુત્રીને શિક્ષિત કરવા માટે અન્ય લોકોના ઘરે કપડાં પણ ધોયા હતા. રોવમેન પોવેલ પણ બકરી ચરાવવા જતો હતો. આમાંથી તે થોડા પૈસા કમાઈ લેતો હતો. રાઈટ હેન્ડ મિડલ ઓર્ડર બેટ્સમેન પોવેલનો જન્મ જમૈકાના ઓલ્ડ હાર્બરના બેનિસ્ટર ડિસ્ટ્રિક્ટમાં 23 જુલાઈ 1993ના રોજ થયો હતો.

રોવમેન પોવેલના પરિવારમાં તેની માતા અને તેની નાની બહેનનો સમાવેશ થાય છે. તે તેની માતાને તેના પિતા માને છે. એક ઈન્ટરવ્યુમાં પોવેલે કહ્યું હતું કે જ્યારે પણ તે મુશ્કેલીમાં આવે છે ત્યારે તે વિચારે છે કે આ કામ તે તેની માતા અને બહેન માટે કરી રહ્યો છે.

પોવેલે 2 માર્ચ 2019ના રોજ પ્રિયા એલેક્ઝાન્ડર સાથે લગ્ન કર્યા. તે લાંબા સમયથી પ્રિયાને ડેટ કરતો હતો અને બંનેએ એકબીજાને સમજીને જ લગ્ન કરવાનો નિર્ણય લીધો હતો. ક્રિકેટ સિવાય પોવેલ સોશિયલ મીડિયા પર પણ ખૂબ એક્ટિવ રહે છે અને પોતાના ફોટો અને વીડિયો શેર કરતો રહે છે.
