Madhuri Dixit Affairs: અભિનેતા અને ક્રિકેટર સાથેના અફેર પછી માધુરીએ અચાનક ડોક્ટર સાથે લગ્ન કર્યા
90ના દાયકાની જાણીતી અભિનેત્રી માધુરી દીક્ષિતે ફિલ્મોમાં તેના અભિનય અને ડાન્સ મૂવ્સથી માત્ર ચાહકો જ નહીં પરંતુ ઘણા કલાકારોને પણ આકર્ષિત કર્યા હતા. તેમાંથી કેટલાકે તો તેમની સાથે લગ્નનો પ્રસ્તાવ પણ મુક્યો હતો.


Madhuri Dixit Affairs: 90ના દાયકાની સૌથી સફળ અભિનેત્રીઓમાંની એક માધુરી દીક્ષિતે અચાનક લગ્ન કરીને બધાને ચોંકાવી દીધા હતા. ટોચની અભિનેત્રી માધુરીએ જ્યારે કારકિર્દીની ટોચ પર હતી ત્યારે લગ્ન કર્યા હતા અને લગ્ન કર્યા બાદ તે ફિલ્મોથી દૂર અમેરિકા જતી રહી હતી. ડો. નેને પહેલા પણ માધુરીનું નામ કેટલાક લોકો સાથે જોડાયેલું હતું, જેમણે પણ ઘણી હેડલાઈન્સ બનાવી હતી.

90ના દાયકામાં માધુરી દિક્ષિત અને સંજય દત્તની જોડી ટોપ પર હતી. માધુરીએ એક ઈન્ટરવ્યુમાં સંજયને બેસ્ટ કો-સ્ટાર કહ્યો હતો. માધુરી અને સંજય એક સાથે અનેક ફિલ્મોમાં સાથે કામ કર્યું હતુ. સાથે કામ કરતા કરતા સંજય દત્ત માધુરી દિક્ષિત પર દિલ આપી બેઠા હતા. બંન્ને વચ્ચે કેમિસ્ટ્રી પણ ખુબ સુંદર હતી તેમજ બંન્ને વચ્ચે લગ્નને લઈ અફવાઓ પણ શરુ થઈ હતી પરંતુ બોમ્બ બ્લાસ્ટમાં સંજય દત્તનું નામ આવ્યા બાદ માધુરીએ સંજય દત્ત સાથેનો છેડો ફાડી નાંખ્યો હતો

સંજય દત્ત સિવાય માધુરીનું નામ અનિલ કપુર સાથે પણ જોડવામાં આવ્યું હુત. અહેવાલ અનુસાર ઓનસ્ક્રીન નહિ પરંતુ ઓફ સ્ક્રીન કેમ્સ્ટ્રી પણ લોકોને ખુબ પસંદ આવતી હતી. અનિલ અને માધુરીએ અંદાજે 18 ફિલ્મોમાં કામ કર્યું હતુ. સાથે ફિલ્મ તેજાબનું ગીત એક દો તીનથી ઓળખ પણ મળી હતી. ફિલ્મમાં બંન્નેની જોડી ચાહકોને ખુબ પસંદ આવી હતી અને અફવાઓ પણ ઉડી હતી, પરંતુ બંન્નેએ મીડિયા સામે પોતાના અફેરને ક્યારે પણ કબલ્યું ન હતુ.

સંજય દત્ત અને અનિલ કપુર બાદ માધુરી દિક્ષિતનું નામ ક્રિકેટર અજય જાડેજા સાથે પણ જોડાયું હતુ. અજય અને માધુરી એક ફોટોશુટ દરમિયાન મળ્યા હતા. અહેવાલો અનુસાર અજય અને માધુરી લગ્નનું પણ પ્લાનિંગ કરી રહ્યા હતા પરંતુ વર્ષે 1999માં અજય જાડેજાનું નામ મેચ ફિક્સિંગમાં આવ્યું હતુ અને તેનું કરિયર પૂર્ણ થઈ ગયું ત્યારબાદ માધુરી અજય જાડેજાથી અલગ થઈ ગઈ હતી.

1999માં માધુરી તેના ભાઈને મળવા અમેરિકા પહોંચી હતી. જ્યાં તેની મુલાકાત તેના ભાઈના મિત્ર ડો શ્રીરામ નેને સાથે થઈ હતી. માત્ર 3 મહિના અફેર બાદ માધુરીએ ડો નેને સાથે લગ્ન કરી સૌને ચોંકાવી દીધા હતા. અમેરિકાથી ભારત પરત ફરી પોતાના અધુરા પ્રોજેક્ટ પૂર્ણ કર્યા હતા. આજે તેના પરિવાર સાથે સુખી લગ્ન જીવનનો આનંદ માણી રહી છે.

































































