હોલિવૂડ

હોલિવૂડ એ યુનાઇટેડ સ્ટેટ્સ ઑફ અમેરિકાના ફિલ્મ ઉદ્યોગનું નામ છે. જેવી રીતે ભારતની ફિલ્મ ઈન્ડસ્ટ્રી બોલિવૂડથી ઓળખાય છે, તેવી રીતે યુનાઇટેડ સ્ટેટ્સ ઑફ અમેરિકાનો ફિલ્મ ઉદ્યોગ હોલિવૂડથી ઓળખાય છે. તેનું નામ કેલિફોર્નિયાના લોસ એન્જલસ જિલ્લાના નામ પરથી રાખવામાં આવ્યું છે, જ્યાં ઘણા ફિલ્મ સ્ટુડિયો આવેલા છે.

19મી સદીમાં થોમસ આલ્વા એડિસને કાઈનેટોસ્કોપની શોધ કરી અને તેની પેટન્ટની મદદથી તેણે ફિલ્મ નિર્માતાઓ પાસેથી મોટી ફી માંગી હતી. આનાથી બચવા માટે ઘણી ફિલ્મ કંપનીઓ આવી અને કેલિફોર્નિયાના હોલીવુડ જિલ્લામાં પોતાની સ્થાપના કરી હતી.

આજકાલ મોટાભાગનો ફિલ્મ ઉદ્યોગ નજીકના બુર્બૈંક અને વેસ્ટસાઇડમાં સ્થળાંતરિત થઈ ગયો છે, પરંતુ હજી પણ ઘણું કામ હોલીવુડમાંથી થાય છે.
હોલીવુડના સૌથી પ્રસિદ્ધ પુરસ્કારો એકેડેમી એવોર્ડ છે, જેને ઓસ્કાર એવોર્ડ તરીકે પણ ઓળખવામાં આવે છે.

બોલિવૂડના ઘણા સ્ટાર્સ પોતાનું નસીબ અજમાવવા હોલિવૂડમાં કામ કરે છે. ઈરફાન ખાન, પ્રિયંકા ચોપરા, અમિતાભ બચ્ચન, ઐશ્વર્યા રાય બચ્ચન, અમરીશ પુરી, રણદીપ હુડ્ડા, ઓમ પુરી, દીપિકા પાદુકોણ, નસીરુદ્દીન શાહ હોલિવૂડમાં કામ કરી ચૂક્યા છે. આવતા ભવિષ્યમાં પણ ઘણા સેલેબ્સ હોલિવૂડમાં પોતાનું નસીબ અજમાવે તો નવાઈ નહીં.