Budget 2025 : ક્રિપ્ટોકરન્સી પર કડક પગલાં ! ફરજિયાત રિપોર્ટિંગ અને TDS/TCS નિયમોમાં ફેરફાર
કેન્દ્રીય નાણાં પ્રધાન નિર્મલા સીતારમણ દ્વારા રજૂ કરવામાં આવી છે જેમાં સરકારે બજેટ 2025માં ક્રિપ્ટોકરન્સીને લઈને કડક પગલાં લીધા છે.

ભારતીય શેરબજાર સામાન્ય બજેટ 2025-26 માટે તૈયાર છે, જે આજે કેન્દ્રીય નાણાં પ્રધાન નિર્મલા સીતારમણ દ્વારા રજૂ કરવામાં આવી છે જેમાં સરકારે બજેટ 2025માં ક્રિપ્ટોકરન્સીને લઈને કડક પગલાં લીધા છે.

હવે દરેક ક્રિપ્ટો ટ્રાન્ઝેક્શનની રિપોર્ટિંગ ફરજિયાત રહેશે, જેથી કરીને બ્લેક મની અને કરચોરી પર અંકુશ લાવી શકાય. ઉપરાંત,TDS અને TCS નિયમોને વધુ કડક કરવામાં આવશે જેથી સરકારને રોકાણકારોની ટ્રાન્ઝેક્શન પ્રવૃત્તિઓની સીધી માહિતી મળી શકે.

ક્રિપ્ટોકરન્સી અને વર્ચ્યુઅલ ડિજિટલ એસેટ્સની ફરજિયાત રિપોર્ટિંગક્રિપ્ટોકરન્સી સંબંધિત વ્યવહારો વિશે માહિતી આપવી ફરજિયાત રહેશે. નિર્ધારિત રિપોર્ટિંગ એન્ટિટીએ સરકારને દરેક ક્રિપ્ટો એસેટ ટ્રાન્ઝેક્શનની જાણ કરવી જોઈએ. આ માટે એક નવો એમેન્ડમેન્ટ એક્ટ લાવવામાં આવશે, જેમાં તમામ ક્રિપ્ટો એક્સચેન્જ અને સંબંધિત પ્લેટફોર્મને સરકાર સાથે યુઝર ટ્રાન્ઝેક્શન ડેટા શેર કરવાની જરૂર પડશે.

ક્રિપ્ટોકરન્સીને Virtual Digital Assetની વ્યાખ્યા હેઠળ લાવવાની દરખાસ્ત કરવામાં આવી છે જેથી કરીને તેને ટેક્સ સિસ્ટમમાં સ્પષ્ટ રીતે વ્યાખ્યાયિત કરી શકાય.

ક્રિપ્ટો આવક પર કર અને પાલન નિયમોમાં ફેરફાર કરવાની વાત કરી છે, ક્રિપ્ટો અસ્કયામતોથી સંબંધિત અજ્ઞાક આવક હવે બ્લોક એસેસમેન્ટમાં સમાવવામાં આવશે. જો કોઈ વ્યક્તિએ ક્રિપ્ટોમાંથી કમાણી કરી હોય અને તેને જાહેર ન કર્યું હોય, તો હવે તેને અનડિસ્ક્લોઝ ઈનકમ તરીકે ગણવામાં આવશે અને તેને બ્લોક એસેસમેન્ટ હેઠળ લાવવામાં આવશે. ત્યારે બ્લોક એસેસમેન્ટ માટે સમય મર્યાદા 12 મહિનામાં નક્કી કરવાનું રહેશે.

ક્રિપ્ટો એસેટ્સ પર ટેક્સ ડિડક્ટેડ એટ સોર્સ (TDS) અને ટેક્સ કલેક્ટેડ એટ સોર્સ (TCS) કડક કરવામાં આવશે. ક્રિપ્ટો એક્સચેન્જોએ તેમના TDS/TCS રિપોર્ટિંગમાં સુધારો કરવો પડશે, જેથી સરકારને આ વ્યવહારોનો સીધો ડેટા મળે.

































































