વોટ્સએપ

WhatsApp એક ચેટિંગ એપ્લિકેશન છે, જે Android અને iOS બંને યુઝર્સ માટે ઉપલબ્ધ છે. આ પ્લેટફોર્મનો ઉપયોગ ઈન્ટરનેટ દ્વારા મેસેજિંગ અને મલ્ટીમીડિયા શેર કરવા માટે થઈ શકે છે. આ પ્લેટફોર્મની મદદથી તમે ચેટિંગ સિવાય ઑડિયો/વિડિયો કૉલિંગ પણ કરી શકો છો.

તાજેતરમાં WhatsAppએ ચેનલ ફીચર્સ પણ શરૂ કર્યા છે. જેના દ્વારા સેલેબ્સ અને ન્યૂઝ ચેનલોને ફોલો કરી શકાય છે. તેને 2009માં બ્રાયન એક્ટન અને જ્હોન કોમ દ્વારા ડેવલપ કરવામાં આવ્યું હતું અને 2014માં ફેસબુકે તેને ખરીદ્યું હતું.

વોટ્સએપની મદદથી ઝડપથી અને સુરક્ષિત રીતે મેસેજ મોકલી શકાય છે. આમાં તમને ટેક્સ્ટ મેસેજ, ફોટો, વીડિયો, ઓડિયો મેસેજ, વોટ્સએપ સ્ટેટસ અને લોકેશન શેર કરવા માટે ઘણા ફીચર્સ મળે છે. આની સાથે જ WhatsAppમાં સમયાંતરે નવા ફીચર્સ ઉમેરવામાં આવે છે અને તે અપડેટ થતું રહે છે.

વોટ્સએપની સુરક્ષામાં એન્ડ-ટુ-એન્ડ એન્ક્રિપ્શન ફીચરનો સમાવેશ થાય છે. જેથી મેસેજને ફક્ત યુઝર્સના ઉપકરણ પર જ વાંચી શકાય અને અન્ય કોઈપણ પ્રકારના મલ્ટી-મીડિયા સંદેશાઓ સુરક્ષિત રીતે મોકલી શકાય.

WhatsApp એક મલ્ટીનેશનલ સર્વિસ છે અને તે વિવિધ ભાષાઓમાં ઉપલબ્ધ છે. આનાથી લોકો સરળતાથી તેમના મિત્રો અને પરિવાર સાથે જોડાઈ શકે છે. સ્માર્ટફોન સિવાય તેનો ઉપયોગ વેબ બ્રાઉઝર પર પણ થઈ શકે છે. જેના દ્વારા તમે કોઈપણ ઉપકરણથી મેસેજ મોકલી શકો છો. WhatsApp સાથે જોડાયેલા દરેક નાના-મોટા સમાચાર માટે અહીં વાંચતા રહો.