Breaking News: WhatsApp નો અંત… સરકારના આ એક નિર્ણયથી 10 કરોડ યુઝર્સના ફોનમાંથી એપ ગાયબ થવાના આરે

મેસેજિંગ પ્લેટફોર્મ WhatsApp એ ગુરુવારે દાવો કર્યો કે, સરકારે તેના પ્લેટફોર્મને 'સંપૂર્ણ રીતે બ્લોક' કરવાનો પ્રયાસ કર્યો છે. WhatsApp ના જણાવ્યા અનુસાર, આ પગલું લોકોને સરકારની 'સુપર એપ' તરફ ધકેલવા માટે લેવામાં આવેલ છે.

Ravi Prajapati | Updated on: Feb 12, 2026 | 11:16 AM

મેસેજિંગ પ્લેટફોર્મ WhatsApp એ ગુરુવારે દાવો કર્યો કે, રશિયન સરકારે તેના પ્લેટફોર્મને ‘સંપૂર્ણ રીતે બ્લોક’ કરવાનો પ્રયાસ કર્યો છે. કંપનીનું કહેવું છે કે, આ પગલું લોકોને સરકારની ‘સુપર એપ’ તરફ ધકેલવા માટે લેવામાં આવેલ છે.

‘WhatsApp’ સાથે ટેલિગ્રામ સકંજામાં

WhatsApp ના જણાવ્યા અનુસાર, રશિયામાં તેના 10 કરોડથી વધુ યુઝર્સ છે અને તેમને ખાનગી તેમજ સુરક્ષિત સંવાદ (Secure Communication) થી વંચિત રાખવા એ લોકોની સુરક્ષા માટે એક નુકસાનકારક પગલું હશે. બીજી તરફ, Telegram ના સ્થાપક પાવેલ દુરોવ (Pavel Durov) એ પણ જણાવ્યું હતું કે, રશિયા ટેલિગ્રામના ઉપયોગને પણ મર્યાદિત કરવાનો પ્રયાસ કરી રહ્યું છે.

Today the Russian government attempted to fully block WhatsApp in an effort to drive people to a state-owned surveillance app. Trying to isolate over 100 million users from private and secure communication is a backwards step and can only lead to less safety for people in Russia.…

— WhatsApp (@WhatsApp) February 12, 2026

એક રિપોર્ટ મુજબ, Meta ની માલિકીના WhatsApp એ જણાવ્યું કે, રશિયન સરકાર સરકારી હસ્તકની એપ ‘Max’ ને પ્રોત્સાહન આપી રહી છે. આ એપ ચીનના ‘WeChat’ ની તર્જ પર બનાવવામાં આવી છે, જેમાં મેસેજિંગની સાથે સાથે સરકારી સેવાઓ, ડોક્યુમેન્ટ સ્ટોરેજ, બેંકિંગ અને બીજી ઘણી સુવિધાઓ પણ આપવામાં આવી રહી છે. બ્લૂમબર્ગ અને ફાઇનાન્સિયલ ટાઇમ્સના અહેવાલો અનુસાર, રશિયામાં લાખો લોકો અચાનક WhatsApp થી ડિસ્કનેક્ટ થઈ ગયા.

10 કરોડથી વધુ લોકોની સુરક્ષા જોખમમાં

WhatsApp એ સ્પષ્ટપણે જણાવ્યું છે કે, તે તેના યુઝર્સને કનેક્ટેડ રાખવા માટે તમામ શક્ય પ્રયાસો કરી રહ્યું છે. કંપનીનું માનવું છે કે, 10 કરોડથી વધુ લોકોને ખાનગી અને સુરક્ષિત સંવાદ (Private and Secure Communication) થી અલગ કરવા એ “પાછળ તરફનું ડગલું” છે, જેનાથી લોકોની સુરક્ષા જોખમમાં આવશે.

માત્ર WhatsApp જ નહીં પણ Telegram પર પણ દબાણ વધતું જોવા મળી રહ્યું છે. અહેવાલો મુજબ, રશિયાનું કોમ્યુનિકેશન વોચડોગ Roskomnadzor આ અઠવાડિયે ટેલિગ્રામની પહોંચ મર્યાદિત કરવાની યોજના બનાવી રહ્યું છે. ટેલિગ્રામના સ્થાપક પાવેલ દુરોવે આ પગલાને “તાનાશાહી” ગણાવ્યું છે. તેમનું કહેવું છે કે, રશિયા તેના નાગરિકોને સરકારી નિયંત્રણ હેઠળની (State-controlled) એપ વાપરવા માટે મજબૂર કરવા માંગે છે, જે ખાસ કરીને દેખરેખ અને રાજકીય સેન્સરશિપ માટે બનાવવામાં આવી છે. દુરોવે સ્પષ્ટપણે કહ્યું કે, ભલે ગમે તેટલું દબાણ હોય પણ ‘ટેલિગ્રામ’ સ્વતંત્રતા અને ગોપનીયતાનું સમર્થન કરશે.

રશિયન સરકારે શું કહ્યું?

બીજી તરફ, ક્રેમલિન (રશિયન સરકાર) નું કહેવું છે કે, આ સમગ્ર મામલો કાયદાના પાલન સાથે જોડાયેલો છે. સરકારનો તર્ક છે કે, વિદેશી ટેક કંપનીઓએ રશિયન કાયદાઓનું પાલન કરવું જોઈએ અને જો તેઓ વાતચીત દ્વારા સહમતી બનાવે તો ઉકેલ શક્ય છે. આ અગાઉ પણ રશિયાએ વિદેશી પ્લેટફોર્મ પર માહિતી શેર ન કરવાના આરોપો લગાવ્યા હતા અને કેટલીક સેવાઓ પર મર્યાદાઓ લાદી હતી.

શું છે ‘Max’ સુપર એપ?

રશિયા ‘Max’ ને એક ‘ઓલ-ઈન-વન’ ડિજિટલ પ્લેટફોર્મ તરીકે રજૂ કરી રહ્યું છે, જેમાં મેસેજિંગની સાથે સાથે સરકારી સેવાઓ, બેંકિંગ, ડિજિટલ ડોક્યુમેન્ટ્સ અને બીજી જાહેર સુવિધાઓ જોડવામાં આવી છે. વિવેચકોનું કહેવું છે કે, આનાથી સરકારને યુઝર્સની ગતિવિધિઓ પર વધુ નજર રાખવાની તક મળશે. જો કે, સરકાર આ આરોપોને ફગાવી રહી છે.

સામાન્ય યુઝર્સ પર શું અસર પડશે?

રશિયામાં WhatsApp અને Telegram જેવા પ્લેટફોર્મ રોજિંદા જીવનનો મહત્વનો ભાગ છે. બિઝનેસ કોમ્યુનિકેશનથી લઈને અંગત વાતચીત સુધી, લાખો લોકો આ બંને એપ્સ પર નિર્ભર છે. આવી સ્થિતિમાં, જો આ એપ્સની પહોંચ સંપૂર્ણપણે મર્યાદિત થઈ જશે, તો લોકોએ મજબૂરીમાં સરકારી એપ તરફ વળવું પડી શકે છે.