WhatsApp યુઝર્સ માટે સારા સમાચાર, આ શક્તિશાળી ફીચર નહીં થવા દે તમારુ એકાઉન્ટ હેક, જાણો કઈ રીતે કામ કરશે…

Meta Platforms એ એન્ટી-સ્કેમ ટૂલ્સની જાહેરાત Facebook, Messenger અને WhatsApp પર કરી છે. આ ટૂલ્સનો ઉપયોગ વપરાશકર્તાઓને ઓનલાઈન કૌભાંડોને ઓળખવામાં અને ટાળવામાં મદદ કરે છે. કંપનીના જણાવ્યા અનુસાર, નવી સુવિધાઓમાં નવી ઇન-એપ ચેતવણીઓ, સુધારેલ સલામતી નિયંત્રણો અને નાણાકીય સંસ્થાઓ તેમજ ટેકનોલોજી કંપનીઓ સાથે ભાગીદારીનો સમાવેશ થાય છે.

WhatsApp પર મળશે આ રીતે ચેતવણી

મેટાએ એક બ્લોગ પોસ્ટમાં જણાવ્યું છે કે WhatsApp માં એક નવી ડિવાઇસ લિંકેજ ચેતવણી ઉમેરવામાં આવી છે. આ સુવિધાનો ફાયદો એ છે કે જો કોઈ તમારા એકાઉન્ટને હેક કરવાનો પ્રયાસ કરશે તો તમને એક ચેતવણી મળી જશે. કોઈ યુઝર્સ લેપટોપ, ટેબ્લેટ જેવા અન્ય ઉપકરણોથી પોતાની ચેટ મેળવી શકે છે. પરંતુ હેકર્સ આ ફીચરનું દુરુપયોગ કરી યઝર્સના એકાઉન્ટ્સ પર નિયંત્રણ મેળવતા હોય છે. આ જ કારણે કંપનીએ હવે એક એન્ટી-સ્કેમ ટૂલનો સમાવેશ કર્યો છે.

આ રીતે થશે ડિવાઇસ-લિંકિંગ

નવી સુરક્ષા સિસ્ટમની સાથે કોઈ છેતરપિંડી કરનાર ડિવાઇસ-લિંકિંગનો પ્રયાસ કરશે તો WhatsApp પર સ્પષ્ટ પણે ચેતવણી સંદેશ પ્રદર્શિત કરશે. સૂચનામાં યુઝર્સે આવેલા સંદેશને મંજૂરી આપતા પહેલા કાળજીપૂર્વક સમીક્ષા કરવા માટે સંકેત આપવામાં આવશે. મેટાના જણાવ્યા અનુસાર, ઇન્સ્ટન્ટ મેસેજિંગ એપ્લિકેશન સંભવિત જોખમો વિશે વધુ માહિતી પણ એકત્રિત કરશે અને યઝર્સને યાદ અપાવશે કે જે ડિવાઇસને તેઓ લિંક કરવાનો પ્રયાસ કરી રહ્યા છે તે તેમની ચેટ્સને ઍક્સેસ કરી શકશે.

ઓનલાઈન છેતરપિંડીથી આ રીતે બચો

મેટા મેસેન્જર અને ફેસબુક પર વધારાના સુરક્ષીત પગલાં પણ રજૂ કરી રહ્યું છે, જેનો હેતુ ઓનલાઈન છેતરપિંડીને અટકાવવાનો છે. તે મેસેન્જર પર AI-આધારીત કૌભાંડને વધુ દેશોમાં વિસ્તૃત કરી રહ્યું છે. કંપનીએ જણાવ્યું હતું કે જ્યારે નવા સંપર્ક સાથેની વાતચીતમાં કૌભાંડો સંબંધિત પેટર્ન દેખાશે ત્યારે મેસેન્જર ચેતવણી પ્રદર્શિત કરશે.

Google Maps માં આવ્યું નવું AI ફીચર, હવે આ ફીચર આપશે આપના પ્રશ્નોના જવાબ … વધુ વાંચવા માટે અહીં ક્લિક કરો