Breaking News : દહેગામ બંધ!“દૂધ નહીં, તો વેપાર નહીં” પશુપાલકોનો કડક સંદેશ, જુઓ Video
ગાંધીનગરના દહેગામમાં પશુપાલકો અને ઉત્તમ ડેરી વચ્ચેના વિવાદને પગલે આજે સજ્જડ બંધ પાળવામાં આવ્યો છે. પશુપાલકો અમદાવાદની ઉત્તમ ડેરીને બદલે ગાંધીનગરની મધુર ડેરીમાં દૂધ ભરવાની માંગ કરી રહ્યા છે. આક્રોશને કારણે APMC અને મુખ્ય બજારો બંધ રહ્યા છે, જેને વેપારી મહામંડળ સહિત અનેક સંગઠનોનું સમર્થન મળ્યું છે.
ગાંધીનગર જિલ્લાના દહેગામ તાલુકામાં આજે એક અનોખી પરિસ્થિતિ સર્જાઈ, જેમાં બજારોની ચહલપહલ ગાયબ હતી, રસ્તાઓ સૂના લાગતા હતા અને વેપાર-ધંધા સંપૂર્ણપણે સ્થગિત રહ્યા હતા. આ બધું કોઈ તહેવાર કે રજા માટે નહીં, પરંતુ પશુપાલકોના હક્ક માટેના સજ્જડ બંધના એલાનને કારણે બન્યું હતું. દહેગામ આજે એક મજબૂત સંદેશ આપી રહ્યું હતું કે પોતાના હક્ક માટે ગામડાંનો માણસ પણ એકતા સાથે ઊભો રહી શકે છે.
શું છે સમગ્ર મામલો?
પશુપાલકો અને ઉત્તમ ડેરી વચ્ચે છેલ્લા ઘણાં સમયથી ચાલી રહેલો વિવાદ હવે ચરમસીમાએ પહોંચી ગયો છે. પશુપાલકોની સ્પષ્ટ માંગ છે કે તેઓને અમદાવાદની ઉત્તમ ડેરીને બદલે ગાંધીનગરની મધુર ડેરીમાં દૂધ ભરવાની મંજૂરી આપવામાં આવે. તેમનો આક્રોશ એટલો વધ્યો છે કે ઉત્તમ ડેરી વધુ કિલો ફેટના ભાવ ઓફર કરે તો પણ તેઓ દૂધ આપવા તૈયાર નથી. તેમના માટે આ માત્ર ભાવનો મુદ્દો નથી, પરંતુ સ્વાભિમાન અને ન્યાયની લડત બની ગઈ છે.
આ વિરોધને વધુ તાકાત ત્યારે મળી જ્યારે દહેગામના વેપારી મહામંડળ, સ્થાનિક સંગઠનો અને સામાજિક જૂથોએ પણ પશુપાલકોના સમર્થનમાં આગળ આવી બંધને સફળ બનાવ્યો. APMC સહિતના મુખ્ય બજારો બંધ રહ્યા, જેના કારણે શહેર અને ગ્રામ્ય વિસ્તારોમાં જીવન જાણે થંભી ગયું હોય તેવો માહોલ સર્જાયો. નાના વેપારીઓથી લઈને મોટા ઉદ્યોગકારો સુધી સૌએ એકતા દર્શાવી આ આંદોલનને મજબૂતી આપી.
દહેગામના રસ્તાઓ પર શાંતિ હતી, પરંતુ આ શાંતિ પાછળ એક મજબૂત અવાજ છુપાયેલો હતો, અન્યાય સામેનો અવાજ. પશુપાલકોનો દાવો છે કે મધુર ડેરીમાં દૂધ ભરવાની મંજૂરી મળશે તો તેમને વધુ પારદર્શિતા અને યોગ્ય વ્યવહાર મળશે. તેઓ હવે કોઈ પણ પરિસ્થિતિમાં પોતાની માંગથી પીછેહઠ કરવા તૈયાર નથી.
આ સમગ્ર ઘટનાક્રમે એ સાબિત કરી દીધું છે કે જ્યારે લોકો એક મુદ્દા પર એકતાથી ઊભા રહે છે, ત્યારે તેઓ મોટા પરિવર્તન લાવી શકે છે. હવે નજર એ પર છે કે આ વિવાદનો અંત કેવી રીતે આવે છે અને પશુપાલકોને તેમની માંગ મુજબ ન્યાય મળે છે કે નહીં. દહેગામનો આ બંધ માત્ર એક દિવસનો વિરોધ નથી, પરંતુ લાંબા સમયથી ચાલી રહેલી અસંતોષની લાગણીઓનો ઉગ્ર પ્રતિકાર છે. આ લડતને સ્થાનિક સંગઠનો તથા વ્યપારિક અને સામાજીક સંગઠનોનો સારો પ્રતિસાદ મળતા આજે શહેર અને ગ્રામ્ય વિસ્તારોમાં વેપાર-ધંધા સંપૂર્ણપણે બંધ રહ્યા…
માવઠાનો માર, અમરેલીના ખેડૂતોની મહેનત પર ફરી વળ્યું પાણી! આ સ્ટોરી વાંચવા અહીં ક્લિક કરો
