નીતા અંબાણી

બિઝનેસ વુમન તરીકે જાણીતા અને મુકેશ અંબાણીના ધર્મપત્ની નીતા અંબાણીનો જન્મ 01 નવેમ્બર 1963માં થયો છે. તેમનો જન્મ મુંબઈમાં એક મધ્યમવર્ગીય ગુજરાતી પરિવારમાં રવિન્દ્રભાઈ દલાલ અને પૂર્ણિમા દલાલને ત્યાં થયો. તેઓએ નાનપણથી જ ભરતનાટ્યમ નૃત્યને અપનાવ્યું અને પ્રોફેશનલ ભરતનાટ્યમ નૃત્યાંગના બન્યા છે.

નીતા અંબાણી રિલાયન્સ ફાઉન્ડેશન, ધીરુભાઈ અંબાણી ઈન્ટરનેશનલ સ્કૂલના ચેરપર્સન અને સ્થાપક અને રિલાયન્સ ઈન્ડસ્ટ્રીઝના ડિરેક્ટર છે. તે એક નૃત્યાંગના પણ છે અને ઈન્ડિયન પ્રીમિયર લીગ ક્રિકેટ ટીમ મુંબઈ ઈન્ડિયન્સની માલિક પણ છે.

નીતા અંબાણી મુકેશ અંબાણીને ત્યારે મળી જ્યારે તે સ્કૂલ ટીચર હતી અને 1985માં તેની સાથે લગ્ન કર્યા. લગ્ન પછી નીતા અંબાણીએ થોડાં વર્ષો સુધી શિક્ષિકા તરીકે કામ કર્યું. નીતા પોતાના મકાન એન્ટિલિયામાં રહે છે, જે સૌથી વૈભવી અને મોંઘું મકાન પણ છે.

તેમને બે પુત્ર અને એક પુત્રી છે. આકાશ અંબાણી અને ઈશા અંબાણી મોટા બાળકો છે અને અનંત અંબાણી નાનો પુત્ર છે. નીતા અને મુકેશના લગ્નના સાત વર્ષ પછી મોટા જોડિયા ઈશા અંબાણી અને આકાશ અંબાણીનો જન્મ IVFથી થયો હતો. જોડિયા બાળકોના ત્રણ વર્ષ પછી તેણે અનંતને કુદરતી રીતે જન્મ આપ્યો.