દીપિકા પાદુકોણ

દીપિકા પાદુકોણ એ એક દિગ્ગજ ફિલ્મ એક્ટ્રેસમાંથી એક છે, જેની ઓળખાણ તેની પહેલી જ ફિલ્મ બની ગઈ હતી. દીપિકા પાદુકોણે વર્ષ 2006માં કન્નડ ફિલ્મ ઐશ્વર્યાથી એક્ટિંગની દુનિયામાં પ્રવેશ કર્યો હતો, પરંતુ તેને ઓળખ હિન્દી ફિલ્મોએ અપાવી હતી.  2007માં શાહરૂખ ખાન સાથેની ફિલ્મ ઓમ શાંતિ ઓમમાં શાંતિનો રોલ કરીને દીપિકા પાદુકોણ ફેમસ થઈ હતી.

આ ફિલ્મ પછી તેણે ક્યારેય પાછું વળીને જોયું નથી અને એક પછી એક મોટી હિટ ફિલ્મો આપતી રહી. શાહરૂખ ખાન સાથે પઠાણમાં જોવા મળેલી દીપિકાની પાસે હાલમાં ઘણી મોટા બજેટની ફિલ્મો છે.

દીપિકાની પર્સનલ લાઈફની વાત કરીએ તો તેણે વર્ષ 2018માં એક્ટર રણવીર સિંહ સાથે લગ્ન કર્યા હતા. બંને લાંબા સમય સુધી એકબીજાને ડેટ કરતા રહ્યા અને પછી લગ્ન કરવાનો નિર્ણય લીધો. હાલમાં દીપિકા અને રણવીર બંને પોતપોતાના પ્રોફેશનલ કમિટમેન્ટ્સ પૂરા કરવામાં બિઝી છે.

દીપિકા પાદુકોણ સુપરસ્ટાર પ્રભાસ અને અમિતાભ બચ્ચન સાથે કલ્કી 2898 એડીમાં જોવા મળશે. આ એક મોટા બજેટની ફિલ્મ છે અને એવું માનવામાં આવે છે કે તે રિલીઝ થયા બાદ બોક્સ ઓફિસ પર તમામ રેકોર્ડ તોડી શકે છે. આ સિવાય દીપિકા પાસે હાલમાં ફાઈટર ફિલ્મ છે, જેમાં તેની સાથે ઋતિક રોશન જોવા મળશે. આ સિવાય દીપિકા રોહિત શેટ્ટીની સિંઘમ અગેઈનમાં પણ જોવા મળશે.