T20 વર્લ્ડ કપ 2024 રિઝલ્ટ

આઈસીસી ટી20 વર્લ્ડકપની શરુઆત 2007થી થઈ હતી અને ત્યારબાદથી આ ટૂર્નામેન્ટ ઈન્ટરનેશનલ ક્રિકેટનો મહત્વનો ભાગ બની ગઈ છે. વન ડે વર્લ્ડકપની જેમ ટી20 વર્લ્ડકપમાં પણ અનેક ટીમની ટકકર બાદ એક ચેમ્પિયન મળે છે. ટી20 ફોર્મેટમાં સૌથી પહેલા મેચમાં ટાઈ પર પૂર્ણ કરવાનો નિયમ બદલવામાં આવ્યો હતો અને આના માટે ટાઈ-બ્રેકરની શરુઆત થઈ હતી. શરુઆતમાં આના માટે બોલ-આઉટનો નિયમ હતો.ત્યારબાદ તેમાં ફેરફાર કરી સુપર ઓવર કરવામાં આવ્યો હતો. ટી20 વર્લ્ડકપમાં કોઈ પણ મેચના રિઝલ્ટ માટે ઓછામાં ઓછી 5-5 ઓવરની ગેમ રમવી જરુરી છે. જો આવું ન થયું તો મેચને રદ્દ કરવામાં આવે છે અને બંન્ને ટીમને પોઈન્ટ આપવામાં આવે છે. ફાઈનલમાં જો વરસાદ કે અન્ય કોઈ કારણોસર મેચ નક્કી કરેલા સમય પર ન રમાઈ, કે પછી રિઝર્વ ડે પર મેચ ન રમાઈ તો બંન્ને ટીમને વિજેતા જાહેર કરવામાં આવે છે.