‘અસદ ખાન’ થી લઈને ‘દયાબેન’, જ્યારે અચાનક શોને અલવિદા કહીને આ સ્ટાર્સે તોડ્યું ચાહકોનું દિલ

ટીવી સિરીયલો લોકોના હૃદયની ખૂબ નજીક હોય છે કારણ કે તે તેમના રોજિંદા જીવનનો એક ભાગ બની જાય છે. જ્યાં કોઈ ફિલ્મ 2-3 કલાકમાં સમાપ્ત થાય છે, તે જ ટીવી સિરિયલ વર્ષોથી ચાલે છે. આવી સ્થિતિમાં, તે શોમાં જોવા મળતા પાત્રો માટે એક અલગ પ્રકારનું જોડાણ થઈ જાય છે.

  • tv9 webdesk40
  • Published On - 19:22 PM, 26 Apr 2021
1/7
દિશા વાકાણી :- સિરિયલ તારક મેહતા કા ઉલ્ટા ચશ્મા ઘણા વર્ષોથી પ્રેક્ષકોનું મનોરંજન કરે છે. આ શોના દરેક પાત્રને પ્રેક્ષકોનો ઘણો પ્રેમ મળે છે. જોકે, આ શોની મુખ્ય પાત્ર દિશા વાકાણી એટલે કે દયાબેન દરેકની પસંદ છે. દિશા વાકાણી છેલ્લા 2 વર્ષથી આ શોમાંથી ગાયબ હતી. તે ગયા પછી પણ શો ચાલી રહ્યો છે પણ લોકોને દયાબેનની યાદ આવે છે. સીરિયલ છોડવાના તેમના અચાનક નિર્ણયથી ચાહકો ખૂબ નિરાશ થયા હતા.
2/7
શિલ્પા શિંદે :- ભાભીજી ઘર પર હૈ! માં શિલ્પા શિંદે અંગૂરી ભાભીની ભૂમિકા નિભાવી રહી હતી. જો કે, નિર્માતાઓ સાથે મતભેદોને કારણે તેમણે અચાનક આ શોને અલવિદા કહી દીધો. આ પછી, શુભાંગી અત્રે આ શોમાં અંગુરી ભાભીની ભૂમિકા નિભાવી રહી છે.
3/7
સીઝેન ખાન :- એકતા કપૂરનો હિટ શો કસોટી જીંદગી કીમાં સીઝેન અનુરાગનાં પાત્રમાં જોવા મળ્યા હતાં. આ પાત્રથી તે ઘરે ઘરે પ્રખ્યાત થઈ ગયા હતા. જો કે, થોડા સમય પછી, તેમણે શો વચ્ચેથી છોડી દીધો હતો. તેમના અચાનક જ, આ નિર્ણયથી ચાહકોનું હૃદય તૂટી ગયું હતું.
4/7
શિલ્પા આનંદ :- શો દિલ મિલ ગયામાં શિલ્પા આનંદે રિદ્ધિમા મલિકની ભૂમિકા ભજવી હતી. આ શોમાં તેમની અને કરણ સિંહ ગ્રોવરની કેમિસ્ટ્રી ખૂબ પસંદ કરવામાં આવી હતી. જો કે, થોડા સમય પછી, તેમણે આ શોને અચાનક અલવિદા કહી દીધો હતો.
5/7
કરણ સિંહ ગ્રોવર :- કબુલ હૈમાં કરણ સિંહ ગ્રોવરે અસદ ખાનની ભૂમિકા ભજવી હતી. આ શો પ્રેક્ષકોમાં ખૂબ લોકપ્રિય થયો હતો. જો કે, કરણ સિંહ ગ્રોવરે આ શોને વચ્ચેથી અલવિદા કહી દિધો હતો. આ નિર્ણયથી ચાહકોને આંચકો લાગ્યો હતો.
6/7
રાજીવ ખંડેલવાલ :- સિરીયલ કહી તો હોગામાં રાજીવ ખંડેલવાલે સુજલની ભૂમિકા નિભાવી હતી. આ પાત્રમાં તેમને પ્રેક્ષકો દ્વારા ખૂબ પસંદ કરવામાં આવ્યા હતા. જો કે તેમણે પણ અચાનક જ શો છોડી દીધો હતો. ચાહકો હજી પણ સુજલના પાત્રમાં રાજીવને યાદ કરે છે.
7/7
પ્રાચી દેસાઈ :- પ્રાચી બોલિવૂડની ફિલ્મોમાં જોવા મળે છે પરંતુ તેમણે પોતાના કરિયરની શરૂઆત શો કસમ સેથી કરી હતી. આ શોમાં તેમણે બાનીની ભૂમિકા ભજવી હતી. જો કે, તેમણે અચાનક ફિલ્મોમાં કામ કરવા માટે શો છોડી દીધો હતો અને ચાહકો તેનાથી દુ:ખી થયા હતા.