Zanai Bhosle : કોણ છે જનાઈ ભોંસલે, જેમણે ક્રિકેટર મોહમ્મદ સિરાજને રાખડી બાંધી ? બોલિવૂડ સાથે ખાસ કનેક્શન
Who Is Zanai Bhosle: હાલમાં સોશિયલ મીડિયા પર ઈન્ડિયન ક્રિકેટર મોહમ્મદ સિરાજ અને જનાઈ ભોંસલેના રાખડીના ફોટો વાયરલ થઈ રહ્યા છે. આ ફોટો સામે આવ્યા બાદ ચાહકો ચોંકી ગયા છે. કારણ કે, પહેલા બંન્નેના ડેટિંગની ચર્ચાઓ થઈ રહી હતી. તો ચાલો જાણીએ કે, આ જનાઈ ભોંસલે કોણ છે?

9 ઓગસ્ટના રોજ દેશમાં રક્ષાબંધનનો તહેવાર મનાવવામાં આવ્યો હતો, આ દરમિયાન બોલિવુડ સ્ટારથી લઈ ક્રિકેટરે સોશિયલ મીડિયા પણ રક્ષાબંધન સેલિબ્રેટ કરતા ફોટો અને વીડિયો શેર કર્યો હતો. જેમાંથી એખ પોસ્ટે બધાનું ધ્યાન ખેચ્યું છે.

સોશિયલ મીડિયા પર ક્રિકેટર મોહમ્મદ સિરાજનો રાખડી બાંધતો એક ફોટો સામે આવ્યો છે. તેની સાથે બીજું કોઈ નહી પરંતુ જનાઈ ભોસલે જોવા મળી હતી, જનાઈએ આ ખાસ તહેવાર મોહમ્મદ સિરાજ સાથે સેલિબ્રેટ કર્યો હતો.

આ પોસ્ટને લઈ ચર્ચાઓ ખુબ થઈ હતી કારણ કે, છેલ્લા કેટલાક દિવસથી બંન્નેના ડેટિંગના સમાચાર સામે આવ્યા હતા. પરંતુ રક્ષાબંધનના તહેવાર પર બંન્નેએ અફવાઓ પર જવાબ આપ્યો હતો.

હવે સવાલ એ થાય છે કે, જનાઈ ભોસલે કોણ છે? તો તમને જણાવી દઈએ કે, આશા ભોસલેની પૌત્રી છે.જનાઈ પોતાની દાદીની જેમ સિંગિંગ કરે છે અને ફીલ્ડ સાથે પણ જોડાયેલી છે. તે માત્ર સિંગર નથી પરંતુ ગીત લખે છે અને કંપોઝ પણ કરે છે.

જનાઈ બોલિવુડ સાથે જોડાયેલી છે. ટુંક સમયમાં તે ફિલ્મોમાં પણ જોવા મળશે. તેમની પહેલી ફિલ્મ ધ પ્રાઈડ ઓફ ભારત છત્રપતિ શિવાજી મહારાજમાં જોવા મળશે. ફિલ્મમાં જનાઈ રાની સાંઈ ભોસલેના રોલમાં જોવા મળશે.

આટલું જ નહી જનાઈ ભારતની પહેલા ટ્રાન્સજેન્ડર બેન્ડ સાથે કામ કરી ચૂકી છે. તેમણે પોતાનું પહેલું ગીત કંહદી ગાયું છે. જે ખુબ ફેમસ થયું હતુ. જનાઈ આશા ભોસલે સાથે સ્ટેજ શો પણ કરી ચૂકી છે.

જનાઈ અને સિરાજની ડેટિંગની અફવાઓ વચ્ચે હવે રક્ષાબંધનનો આ ફોટો સામે આવતા ખુબ વાયરલ થયો હતો.
જે છોકરી સાથે મોહમ્મદ સિરાજના લવ અફેરની ચર્ચા થઈ રહી હતી, તેમણે ક્રિકેટરને બાંધી રાખડી- જુઓ Video
