Breaking News : સુરતમાં 370000000 રૂપિયાથી વધુના બોગસ બિલિંગ કૌભાંડનો પર્દાફાશ, ત્રણની ધરપકડ, જુઓ Video

સુરતમાં ₹37 કરોડથી વધુના બોગસ બિલિંગ કૌભાંડનો પર્દાફાશ થતા ખળભળાટ મચી ગયો છે. DGGI (ડાયરેક્ટર જનરલ ઑફ જીએસટી ઇન્ટેલિજન્સ) દ્વારા હાથ ધરવામાં આવેલી કાર્યવાહીમાં ત્રણ મુખ્ય આરોપીઓની ધરપકડ કરવામાં આવી છે. આ કૌભાંડના તાર માત્ર સુરત પૂરતા સીમિત નહોતા, પરંતુ અમદાવાદ, બેંગલુરુ અને દિલ્હી સુધી ફેલાયેલા હોવાનું તપાસમાં સામે આવ્યું છે.

DGGIએ આ મામલે અમદાવાદની મેસર્સ આરટી એન્ટરપ્રાઇઝના પ્રોપરાઇટર બાબુલાલ રાધેશ્યામ શર્માની ધરપકડ કરી છે. આ ઉપરાંત સુરતની મેસર્સ કોમ્પ્યુટ્રોનિક્સ ઇન્ફોટેક પ્રાઇવેટ લિમિટેડના ડાયરેક્ટરને પણ ઝડપી લેવામાં આવ્યા છે. ત્રીજા આરોપી અંગે વધુ વિગતો જાહેર કરવામાં આવી નથી, પરંતુ તેમની પણ પૂછપરછ કરવામાં આવશે.

તપાસ દરમિયાન બહાર આવેલી વિગતો મુજબ આરોપીઓએ એક સુઆયોજિત કાવતરું ઘડ્યું હતું. તેઓએ પોતાના પરિવારજનો અને કર્મચારીઓના નામે સંખ્યાબંધ બોગસ પેઢીઓ બનાવી હતી. આ બોગસ પેઢીઓનો મુખ્ય ઉદ્દેશ્ય બેંકમાંથી લોન મેળવવાનો અને GST ની ચોરી કરવાનો હતો. આવા ખોટા વ્યવહારો અને નકલી આઈડી દ્વારા સરકારી તિજોરીને કરોડો રૂપિયાનો ચૂનો લગાવવામાં આવતો હતો.

GST વિભાગ દ્વારા સુરતના અલગ અલગ વિસ્તારોમાં તપાસ હાથ ધરવામાં આવી હતી. ગુપ્ત માહિતીના આધારે તપાસ કરતા આરોપીઓની કરચોરીની મોડસ ઓપરેન્ડીનો પર્દાફાશ થયો. તપાસમાં ₹16.74 કરોડની ખોટી ઇનપુટ ટેક્સ ક્રેડિટ (ITC) બતાવવામાં આવી હતી. આ ઉપરાંત સ્ટોક વેરિફિકેશનમાં ₹2.70 કરોડની સ્ટોક ઘટ પણ મળી આવી હતી, જે બોગસ ટ્રાન્ઝેક્શન દ્વારા કરવામાં આવેલી છેતરપિંડીને સમર્થન આપે છે.

આરોપીઓ દ્વારા અલગ અલગ કંપનીઓ મારફત આ કૌભાંડ આચરવામાં આવ્યું હતું. DGGI અને GST વિભાગ દ્વારા હાલમાં આ મામલે સઘન તપાસ ચાલી રહી છે. ધરપકડ કરાયેલા આરોપીઓની વધુ પૂછપરછ દ્વારા આ કૌભાંડમાં સંડોવાયેલા અન્ય લોકો અને તેના વ્યાપક નેટવર્કને ઉજાગર કરવાનો પ્રયાસ કરવામાં આવી રહ્યો છે. આ કાર્યવાહી દર્શાવે છે કે સરકાર કરચોરી અને નાણાકીય ગુનાઓ સામે કડક પગલાં લેવા કટિબદ્ધ છે.

Input Credit: Baldev Suthar

અમદાવાદમાં હવાની ગુણવત્તા ફરી પ્રદૂષિત, અનેક વિસ્તારોમાં 180 ને પાર,આ સ્ટોરી વાંચવા અહીં ક્લિક કરો