કેટરીના કૈફ

હિન્દી ફિલ્મ જગતમાં કેટરીના કૈફનુ નામ મોખરાની અભિનેત્રીમાં લેવાઈ રહ્યું છે. વર્ષ 2003માં ફિલ્મ બૂમથી ફિલ્મીક્ષેત્રે કારકિર્દીની શરૂઆત કરનાર કેટરીનાએ પછી પાછળ વળીને જોયું નથી. બૂમમાં નાનકડો રોલ કરીને કેટરીનાએ અનેકનું ધ્યાન તેના તરફ ખેંચ્યું હતું. કેટરીના કૈફે ગણતરીના વર્ષોમાં હિન્દી ફિલ્મ જગતમાં પોતાનુ સ્થાન મજબૂત કર્યું છે. 20 વર્ષની ફિલ્મ કારકિર્દીમાં કેટરીના કૈફે અનેક હિટ અને બ્લોક બસ્ટર ફિલ્મો આપી છે.

40 વર્ષની આ અભિનેત્રી કેટરીના કૈફ, તેની આગામી ફિલ્મ ટાઈટર-3ના રિલીઝની રાહ જોઈ રહી છે. આ અગાઉની ટાઈગર ફિલ્મ સુપર હિટ સાબિત થઈ છે. ટાઈગર-3 ફિલ્મમાં પણ તે સલમાન ખાનની સાથે ચમકી રહી છે. અગાઉની ટાઈગર ફિલ્મમાં પણ હિરો તરીકે સલમાનખાન હતા.

ફિલ્મ જગતની 20 વર્ષની કારકિર્દીમાં કેટરીના કૈફનું જીવન બદલાઈ ગયું છે. બૂમ ફિલ્મમાં નાનકડો રોલ કરનાર કેટરીના કૈફે જાણીતા અભિનેતા વિકી કૌશલ સાથે લગ્ન કર્યા છે. વિકી કૌશલ પણ તેના અનોખા દમદાર અભિનયને કારણે ફિલ્મ જગતમાં એક ચોક્કસ સ્થાન પ્રાપ્ત કર્યું છે.

કેટરીના કૈફની સુપરહિટ અને બ્લોક બસ્ટર ફિલ્મ અંગેની વાત કરીએ તો, કેટરીનાએ એક થા ટાઈગર, ટાઈગર ઝિંદા હૈ, ધૂમ 3, વેલકમ, સિંઘ ઈઝ કિંગ, ન્યૂયોર્ક, રાજનીતી, પાર્ટનર, જિંદગી ના મિલેગી દોબારા, અજબ પ્રેમ કી ગઝબ કહાની, સૂર્યવંશી અને બેંગ બેંગ સહીતની ફિલ્મોનો સમાવેશ થાય છે. આ ફિલ્મોમાં કેટરીનાએ તેના અભિનય માટે તમામ ક્ષેત્રે પ્રશંસા મેળવી હતી.