હાર્દિક પંડ્યા

સ્ટાર ઓલરાઉન્ડર હાર્દિક પંડ્યાએ IPLમાં મંબઇ ઇન્ડિયન્સ તરફથી 2015માં ડેબ્યૂ કર્યુ હતુ. તેણે કેકેઆર સામેની 31 બોલમાં 61 રનની તોફાની ઇનિંગ બાદ સિલેક્ટર્સનું ધ્યાન ખેચ્યું હતું. 2016માં ઓસ્ટ્રેલિયાના પ્રવાસ માટે હાર્દિક પંડ્યાની ભારતીય ટીમ માટે પસંદગી કરવામાં આવી હતી.

હાર્દિક પંડ્યાએ નવેમ્બર 2023 સુધીમાં ભારત માટે કુલ 189 મેચમાં 3649 રન કર્યા છે અને 174 વિકેટ ઝડપી છે. જેમાં એક સદી સામેલ છે, જે તેણે 2017માં શ્રીલંકા સામે ફટકારી હતી. આઇપીએલમાં 2022 ની સીઝનમાં ગુજરાત ટાઇટન્સએ હાર્દિક પંડ્યાના નેતૃત્વમાં ખિતાબ જીત્યો હતો અને 2023માં ફાઇનલમાં પ્રવેશ મેળવ્યો હતો. હાર્દિક પંડ્યા ડોમેસ્ટિક ક્રિકેટમાં બરોડા તરફથી રમ્યો છે.