28 વર્ષના બરાક ઓબામાને 25 વર્ષની મિશેલ સાથે થયો હતો પ્રેમ, જાણો અમેરિકાના પહેલા અશ્વેત રાષ્ટ્રપતિની love story
Politician love story : અમેરિકાના 44માં રાષ્ટ્રપતિ બરાક ઓબામાની પ્રેમ કહાની ખૂબ જ રસપ્રદ છે. જ્યારે બરાક ઓબામા મિશેલના પ્રેમમાં પડ્યા ત્યારે તેમની ઉંમર 28 વર્ષની હતી જ્યારે મિશેલ 25 વર્ષની હતી. તેમણે ખાસ અંદાજમાં સગાઈ કરી હતી.

વર્ષ 2009 થી 2017 સુધી અમેરિકાના પ્રમુખ રહેલા બરાક ઓબામા, તેમની પત્ની મિશેલને પહેલીવાર વર્ષ 1989માં લો ફર્મ સિડલી ઓસ્ટિન LLPમાં મળ્યા હતા. મિશેલ અહીં બરાક ઓબામાના માર્ગદર્શક તરીકે કામ કરતી હતી. આ તે સમય હતો જ્યારે મિશેલ અને બરાક ઓબામાએ એકબીજાને ડેટ કરવાનું શરૂ કર્યું હતુ.

બરાક ઓબામા અને મિશેલની સગાઈ કોઈ સરપ્રાઈઝથી ઓછી નહોતી. વર્ષ 1991માં બરાક ઓબામાએ રાત્રિભોજન દરમિયાન મિશેલ સાથે સગાઈ કરી, અને એક વર્ષ પછી તેઓએ લગ્ન કર્યા.

મીડિયા રિપોર્ટ્સ અનુસાર, બરાક ઓબામાએ એક સરપ્રાઈઝ ડિનર દરમિયાન મિશેલ સાથે સગાઈ કરી હતી. બરાક ઓબામાએ તેમની બારમા ધોરણની પરીક્ષા પાસ કર્યાની ઉજવણીમાં ડિનરનું આયોજન કર્યુ હતુ.

મિશેલે આ પ્રસંગને યાદ કરતા જણાવ્યું હતુ કે વેઈટર મીઠાઈ અને ટ્રે લઈને આવી રહ્યો હતો. તે ટ્રેમાં એક રિંગ હતી. બરાક ઓબામા પછી એક ઘૂંટણિયે બેઠા અને મિશેલને રિંગ આપી. આ રીતે બંનેની સગાઈ થઈ ગઈ. બરાક અને મિશેલે 3 ઓક્ટોબર, 1992ના રોજ લગ્ન કર્યા હતા.

4 જુલાઈ, 1998ના રોજ બરાક અને મિશેલની પુત્રી માલિયાનો જન્મ થયો હતો. 2001માં, બીજી પુત્રી, શાશાનો જન્મ થયો. 2004માં ઓબામા અમેરિકન સેનેટ માટે ચૂંટાયા હતા. વર્ષ 2008માં, બરાક ઓબામા અમેરિકાના પ્રથમ અશ્વેત રાષ્ટ્રપતિ બન્યા. તેમની આ સફળ યાત્રામાં તેમની પત્નીએ ખુબ સાથ આપ્યો હતો.