TMKOC: દયાબેનની 100% થશે વાપસી ! અસિત મોદીએ કર્યું કન્ફર્મ
આસિત કુમાર મોદીએ 'તારક મહેતા કા ઉલ્ટા ચશ્મા'માં દયાબેનના વાપસીને લઈને મોટું અપડેટ આપ્યું છે. તેમણે જણાવ્યું કે દયાબેનની ભૂમિકા માટે કેટલીક અભિનેત્રીઓને શોર્ટલિસ્ટ કરવામાં આવી છે, જેમાંથી એક શોમાં દિશા વાકાણીનું સ્થાન લેશે.

'તારક મહેતા કા ઉલ્ટા ચશ્મા'માં દયાબેનના પુનરાગમન અંગે ઘણા સમયથી ચર્ચા ચાલી રહી છે. એવું કહેવામાં આવી રહ્યું હતું કે અસિત મોદીએ દયાબેનની ભૂમિકા માટે એક અભિનેત્રીને સાઇન કરી છે, અને મોક શૂટિંગ ચાલી રહ્યું છે. હવે અસિત મોદીએ પોતે પુષ્ટિ આપી છે કે દયાબેન 'તારક મહેતા...'માં પરત ફરી રહ્યા છે, પરંતુ આ પાત્ર દિશા વાકાણી નહીં પરંતુ કોઈ અન્ય અભિનેત્રી ભજવશે.

TMKOC ના નિર્માતા અસિત મોદીએ 'ઇન્ડિયન એક્સપ્રેસ' ને આપેલા ઇન્ટરવ્યુમાં જણાવ્યું હતું કે આખી ટીમ દયાબેનના પાત્રને પાછું લાવવા માટે પૂર જોશમાં પ્રયાસ ચાલી રહ્યો છે.

અસિત મોદીએ કહ્યું, 'અમે ચોક્કસપણે દયા ભાભીનું પાત્ર પાછું લાવીશું.' લોકો કહે છે કે દયા ભાભીના ગયા પછી તેમને શો ગમ્યો નહીં. હું સંપૂર્ણપણે સંમત છું.

અમારી આખી ટીમ દયા ભાભીના પાત્રને શક્ય તેટલી વહેલી તકે શોમાં પાછું લાવવાનો પ્રયાસ કરી રહી છે.

અસિત મોદીએ આગળ કહ્યું, 'મેં દયાબેનના રોલ માટે કેટલીક અભિનેત્રીઓની પસંદગી કરી છે અને તમે તેમને ટૂંક સમયમાં મળશો.'

અસિત મોદી એ કહ્યું દિશાને શો છોડ્યાને પાંચ વર્ષ થઈ ગયા છે અને અમને હજુ પણ તેની યાદ આવે છે. તેણી તેના સાથી કલાકારો અને ક્રૂનું ખૂબ ધ્યાન રાખતી. અમારો ઉદ્દેશ્ય દિશા વાકાણી જેવી કલાકાર શોધવાનો છે.

થોડા અઠવાડિયા પહેલા, એક સૂત્રએ જણાવ્યું હતું કે અસિત મોદીએ દયાબેનની ભૂમિકા માટે એક અભિનેત્રીને સાઇન કરી છે. તેમને તેનું ઓડિશન ગમ્યું અને મોક શૂટ ચાલી રહ્યા છે. તે જ સમયે, આ વર્ષે જાન્યુઆરીમાં એક અપડેટ આવ્યું હતું કે દિશા વાકાણી 'તારક મહેતા કા ઉલ્ટા ચશ્મા'માં પાછી નહીં ફરે.

શોના નિર્માતા અસિત કુમાર મોદીએ પોતે શોમાં દયાબેન વિશે માહિતી આપી હતી અને જણાવ્યું હતું કે આખી ટીમ શોમાં આ પ્રતિષ્ઠિત પાત્રને પાછું લાવવામાં વ્યસ્ત છે. તેમણે એ પણ ખુલાસો કર્યો કે દિશા વાકાણી શોમાં પાછી ફરી રહી નથી પરંતુ કોઈ અન્ય અભિનેત્રી તેની જગ્યાએ લેશે.
તારક મહેતા કા ઉલ્ટા ચશ્મા એ એક ભારતીય હિન્દી સિરિયલ છે, જે લગભગ દરેક ઘરમા જોવાતો કોમેડી શો છે ત્યારે શોના દરેક કેરેક્ટરને ફેન્સે ભરપૂર પ્રેમ આપ્યો છે તેમા પણ દયાબેન અને જેઠાલાલની કોમેડિએ ફેન્સના દિલમાં સ્પેશિયલ જગ્યા બનાવી છે ત્યારે તેને લગતા સમાચાર વાંચવા અહીં ક્લિક કરો






































































