મુકેશ અંબાણી

મુકેશ ધીરુભાઈ અંબાણીનો જન્મ 19 એપ્રિલ 1957ના રોજ એડનમાં થયો હતો. તેઓ એક ભારતીય અબજોપતિ ઉદ્યોગપતિ છે. મુકેશ અંબાણી હાલમાં બજાર મૂલ્ય દ્વારા ભારતની સૌથી મોટી અને મૂલ્યવાન કંપની રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર છે.

ડિસેમ્બર 2023 સુધીમાં $92 બિલિયનની અંદાજિત નેટવર્થ સાથે, તેઓ એશિયાના સૌથી ધનિક વ્યક્તિ અને વિશ્વના 15મા સૌથી ધનિક વ્યક્તિ છે. ઇન્સ્ટિટ્યૂટ કેમિકલ ટેકનોલોજીમાંથી કેમિકલ એન્જિનિયરિંગમાં બી.ઇ.ની ડિગ્રી મેળવી છે.

તેમણે પોતાના હસ્તકના ઉદ્યોગ સમૂહને સંતાનો વચ્ચે વહેચી દીધા છે. આકાશ અંબાણી કંપનીના ટેલિકોમ બિઝનેસનું નેતૃત્વ કરશે. સાથે જ ઈશા અંબાણી રિટેલ બિઝનેસનું નેતૃત્વ કરશે. જ્યારે તેમના નાના પુત્ર અનંત અંબાણી એનર્જી યુનિટને આગળ વધારશે.