Gold-Silver Rate Today: ભાઈ બીજના બીજા દિવસે સોનું ધડામ, દિલ્હીથી અમદાવાદ સુધી ઘટ્યો ભાવ
એક દિવસ પહેલાં દિલ્હીના સરાફા બજારમાં 99.9 ટકા શુદ્ધતા ધરાવતા સોનાના ભાવમાં ₹800નો ઘટાડો થયો હતો. તેની પાછળનું કારણ દિવાળીની રજાઓને કારણે વેપારની ગતિવિધિઓ ધીમી રહેવાનું હતું.

ભાઈ બીજના બીજા દિવસે એટલે કે 12 નવેમ્બરે દેશમાં સોનાના ભાવમાં ઘટાડો જોવા મળ્યો છે. સવારે રાજધાની દિલ્હીમાં 24 કેરેટ સોનાનો ભાવ ₹142120 પ્રતિ 10 ગ્રામ નોંધાયો છે. અન્ય શહેરોમાં પણ સોનાના ભાવમાં ઘટાડો થયો છે.

એક દિવસ પહેલાં દિલ્હીના સરાફા બજારમાં 99.9 ટકા શુદ્ધતા ધરાવતા સોનાના ભાવમાં ₹800નો ઘટાડો થયો હતો. તેની પાછળનું કારણ દિવાળીની રજાઓને કારણે વેપારની ગતિવિધિઓ ધીમી રહેવાનું હતું. આંતરરાષ્ટ્રીય બજારમાં હાજર સોનાનો ભાવ $3,986.79 પ્રતિ ઔંસ છે.

દિલ્હીમાં, 24 કેરેટ સોનાના ભાવ પ્રતિ 10 ગ્રામ ₹1,42,120 છે, જ્યારે 22 કેરેટ સોનાનો ભાવ પ્રતિ 10 ગ્રામ ₹1,30,290 છે.(ફોટો ક્રેડિટ- File Image)

હાલમાં, મુંબઈ, ચેન્નાઈ અને કોલકાતામાં 22 કેરેટ સોનાનો ભાવ પ્રતિ 10 ગ્રામ ₹1,30,140 છે, જ્યારે 24 કેરેટ સોનાનો ભાવ પ્રતિ 10 ગ્રામ ₹1,41,970 છે.(ફોટો ક્રેડિટ- File Image)

હાલમાં અમદાવાદ, સુરત, રાજકોટ અને વડોદરા જેવા શહેરોમાં 22 કેરેટ સોનાનો ભાવ પ્રતિ 10 ગ્રામ ₹1,30,190 છે, જ્યારે 24 કેરેટ સોનાનો ભાવ પ્રતિ 10 ગ્રામ ₹1,42,020 છે. (ફોટો ક્રેડિટ- File Image)

બીજી કિંમતી ધાતુ ચાંદીના ભાવમાં પણ ઘટાડો યથાવત છે. 12 નવેમ્બરની સવારે ચાંદીનો ભાવ ₹199900 પ્રતિ કિલોગ્રામ નોંધાયો છે. આ વર્ષે જાન્યુઆરીમાં દેશમાં ચાંદીનો ભાવ ₹4 લાખ પ્રતિ કિલોગ્રામની રેકોર્ડ ઊંચી સપાટીએ પહોંચ્યો હતો. આંતરરાષ્ટ્રીય બજારમાં હાજર ચાંદી એટલે કે સ્પોટ સિલ્વરનો ભાવ $51.88 પ્રતિ ઔંસ છે.

HDFC સિક્યોરિટીઝના સિનિયર એનાલિસ્ટ (કોમોડિટીઝ) સૌમિલ ગાંધીના જણાવ્યા અનુસાર, સતત મોંઘવારી અને અમેરિકન ફેડરલ રિઝર્વના કડક નાણાકીય વલણના સંકેતોને કારણે કિંમતી ધાતુઓનું ભવિષ્ય અનિશ્ચિત રહેવાની શક્યતા છે. તેના કારણે ડૉલર અને અમેરિકન બોન્ડ પર યીલ્ડ ઊંચી રહી શકે છે, જેના પરિણામે સોનાના ભાવમાં તેજી આવવાની શક્યતાઓ મર્યાદિત રહેશે.
ભારતના દરેક ઘરમાં સોનું અને ચાંદી અવશ્ય જોવા મળે છે લોકોનો સોના-ચાંદીને ઘરના દરેક શુભ પ્રસંગે ખરીદતા હોય છે, ત્યારે રોજનો સોના-ચાંદીનો ભાવ જાણવા અહીં ક્લિક કરો
