મોહમ્મદ શમી

મોહમ્મદ શમીનો જન્મ 1990માં થયો હતો. રાઈટ આર્મ ફાસ્ટ બોલર મોહમ્મદ શમીએ વર્ષ 2013માં ટેસ્ટ અને વનડેમાં ભારતીય ટીમ તરફથી ડેબ્યૂ કર્યુ હતુ. વર્ષ 2014માં શમીએ પાકિસ્તાન સામે ટી20 ક્રિકેટમાં ડેબ્યૂ કર્યુ હતુ.
મોહમ્મદ શમી વર્લ્ડ કપ ટુર્નામેન્ટમાં ભારત માટે સૌથી વધારે વિકેટ લેનાર બોલર છે. વનડેમાં ક્રિકેટમાં અને વર્લ્ડ કપ મેચોમાં સૌથી વધારે વાર Five-wicket hauls લેનાર તે પ્રથમ ભારતીય બોલર છે. વર્ષ 2014માં શમીએ હસીન જહાં સાથે લગ્ન કર્યા હતા. વર્ષ 2015માં તેમને ત્યાં દીકરીનો જન્મ થયો હતો, જેનું નામ આયરા શામી રાખવામાં આવ્યુ હતુ. ઘરેલૂ હિંસા જેવા વિવાદોને કારણે શમી અને હસીન જહાં એકબીજાથી અલગ રહે છે.